(12)
___________________
- اتفزعت فرحة على هند و جريت عشان تشوفها
وخالد طبعاً كان معاها دخلت عند الدكتورة
فرحة : سلام عليكم .. هى هند مالها يادكتورة
الدكتورة : لالالا هى كويسة متقلقيش بس ضغطها
نزل شوية محتاجة ترتاح مش اكتر
فرحة : الحمد لله
هند : خدينى على البيت يافرحة
فرحة : حاضر ياهند اهدى بس عشان خاطرى اهدى
- سندتها وخرجوا من العيادة
خالد : تعالى يافرحة انا هوصلكم
فرحة : لا هناخد تاكسي
خالد : تاكسي ايه ؟
فرحة : تاكسي يوصلنا ياخالد
خالد : انتى سمعتى انا قولتلك ايه ؟
فرحة : ايوه سمعت بس هو مش امر
وبعدين اركب معاك بصفتك ايه ؟
هتخلي اللى يسوا و اللى ميسواش
يتكلم عنى انا وهند
خالد : انتى بجد
فرحة : انا ايه كلامى غلط يعنى
خالد : طيب ياستى انا اسف
تعالى بقي اركبى هند تعبانة يافرحة
- وقفت تاكسي و ركبت هى و هند
و خالد ركب العربية ومشي وراهم عشان
يطمن انهم وصلوا البيت
و بعد ما نزلوا من العربية خالد رجع على بيته
- فرحة فى بيتها مع هند وامها
هند : انتى بتعاملى خالد كده ليه يافرحة
فرحة : معلش ياهند عايزة اشوف صابره معايا
لحد فين لو لاقنى متساهلة معاه كده هبقي بالنسبة
ليه مش محترمة ومش متربية .. الكلام ليكم واخدين
بالكم هااا 3:) ..
هند : طيب بس حرام عليكى انتى عارفة انه بيحبك
براحة شوية عليه
فرحة : انتى نسيتى لما قولتيلى ان الشاب بيحب البنت
الصعبة مش السهلة لانها لو تساهلت معاه كده
ممكن يسيبها ويدور على غيرها عادى
هند : انتى عارفة اكتر منى انتى حرة بقى
فرحة : ايوه سيبك منى المهم بقى انتى عاملة ايه
دلوقت بقيتى كويسة ؟
هند : فرحة انتى تعرفى من امته ان رأفت خطب ؟
فرحة : من يوم مارجعت من السفر و مرضيتش اقولك
عشان متزعليش وبعدين و الله انتى تستاهلى انسان احسن
منه مليومن مرة لانه محسش بيكى وبعدين انا عرفت
بالصدفة انه كان بيحب مروة دى من زمان
هند : كنت عارفة
فرحة : كنتى عارفة و فضلتى تحبيه :O
هند : كان عند امل انه يحس بيا لما قربنا من بعض
لما كان بيشرحلى المنهج انتى تعرفى انه مسك ايدى
مرة و احنا فالمكتبة
فرحة : رأفت مسك ايدك انتى :O
هند : ايوه والله و دا اللى ادانى امل انه يحبنى
فرحة : وبتقوليلى اتعامل مع خالد بطيبة
شوية يابنتى دول صنف تيت لازم تجمدى
مده عليهم عشان ميشوفوش نفسهم عليكى
هند : طيب خلاص رأفت خطب اعمل ايه
انا بقى فى قلبى اللى بيرجعنى لــ ورا ده
فرحة : ولا حاجة عوضك على الله حطى
همك فالمزاكرة وسيبها على الله و ان شاء
الله ربنا مش هيضع تعبك ولا صبرك وهيجازيكى
خير والله دا ربنا احن عليكى من كل الناس
هند : ونعم بالله فرحة انا مدايقة اوى
فرحة : سلامت من الديق تحبي ننزل نتمشي
شوية
هند : لا انا عايزة اتمشي لوحدى
فرحة : لالالا انسي اني اسيبك تنزلى لو حدك فالشارع
انتى اغمى عليكى من شوية يا استاذة مينفعش
تخرجى لوحدك
هند : طيب مش عايزة انزل
فرحة : طيب عندى فكرة حلوة تيجى نكلم مصطفى
و رانيا ونخرج سوا
هند : هههههههههههه ايوه ياريت
فرحة : بت انتى كويسة
هند : ايوه كويسة يافرحة عادى بقى مبقاش
فيه خسارة اكبر من انى خسرت امى قدر
الله و ماشاء فعل
فرحة : ربنا يقوى ايمانك ياستنا الشيخة :D
هند : هههههههههههههههه رخمة :P
فرحة : هههههههههههههههههههههه
- اتصلت فرحة بــ رانيا وطلبت منها انهم
يخرجوا سوا و وافقت رانيا و اتفقوا على المكان
و فعلاً راحو و اتقابلوا ومبطلوش ضحك
طول القاعدة ومصطفى كان مبسوط اوى
و الوقت عدى بسرعة معاهم و اتفقوا انهم
يتجمعوا تانى سوا فى اقرب فرصة
- رجعت فرحة البيت لقت خالد عندها
هو و والده
فرحة : خالد
ماهر (خال فرحة) : تعالى يافرحة
مصطفى : هى دى فرحة ياخالد
خالد : ايوه يا بابا
مصطفى : طيب ياجماعة عشان انا عمري
ما حضرت موقف كده يسعدنى ويشرفنى
انى اطلب ايد بنتكم فرحة لأبنى الوحيد
خالد اللى بتمنى من ربنا انه يسعده و يرزقه
الزرية الصالحة اللى تبقى زخر لعيلتنا و ان
شاء الله افرح بيهم قريب
امينة : و الله احنا اللى اتشرفنا بيكم
مصطفى : الشرف لينا اننا نناسب بيت
محترم زيكم عرفتوا تربوا ماشاء الله
- كل ده وفرحة مذهولة واقفة تتفرج على
فيلم اكشن و مش مستوعبة اللى بيحصل
قدامها و هند تقرص فيها عشان تغير الريكشن
الفظيع اللى كان على وشها وهى ولا هى هنا
و خالد يبصلها وهيموت ويضحك بس مش
قادر عشان الناس الكبيرة اللى قاعدة
ماهر : انا عرفت ان خالد زميل فرحة
بنتنا فالكلية و انا اعرف حضرتك يا بشمهندس
مصطفى حضرتك غنى عن التعريف ماشاء
الله سمعتك سباقك فى السوق بس انا مقدرش
ادى كلمة لحضرتك دلوقت اولاً لان ابو العروسة
مسافر ربنا يرجعه بالسلامة و ثانياً عشان مش عارفين
رأي العروسة
مصطفى : وحضرتك ماشاء الله تعرف الاصول
واحنا مش مستعجلين والله فيه الخير يقدمه ربنا
نستأذن احنا و هنستنى منكم رد
ماهر : ما لسه بدرى يابشمهندس
مصطفى : لا نستأذن بقى كفاية اننا جاينا
كده على غفلة و اخدنا الميعاد قبلها بساعتين
ماهر : والله حضرتك شرفتنا
مصطفى : الشرف لينا
________________
- خرج خالد هو و ابوه من بيت فرحة
وهو مبسوط اوى و هى متنحة على حالها
زى ما هى
- و خالد و ابوه فى العربية راجعين البيت
مصطفى : كده يابنى تاخدنى على ملا وشي
هى كانت هطير منك يعنى
خالد : انا اسف يابابا بس انا مش عارف
اوصلها و لا اكلمها وهى مش بتاعتى
و الخطوة دى هتريحنى وهطمن فرحة
اكتر و الحلال مفيهوش غلط
مصطفى : ربنا يكملك بعقلك بس كان
لسه قامنا وقت برضوا لما نعرفهم
ونسأل عنهم الاول
خالد : انا سألت عنهم يا بابا وعارفهم
و عارف بنتهم كويس و ياريت يبقى
كتب كتاب على طول مش خطوبة
مصطفى : هههههههههه ايه يابنى
للدرجة دى انته مستعجل على الجواز
لسه قدامك كلية مش دلوقت قول
خطوبة حتى مش جواز
خالد : طيب ما هو انا كنت عايز اكتب
الكتاب ونتجوز لما نخلص
مصطفى : لا ياابنى معتقدش انهم يوفقوا
و بعدين خلينا فى الخطوبة الاول و اللى فيه
الخير يقدمه ربنا
خالد : ان شاء الله
- فرحة فى البيت لسه مذهولة و مش عارفة تتكلم
و لا ترد على حد لانها مكنتش تعرف اصلاً
- و صل خالد البيت و والده دخل البيت
و خالد اتصل بــ رانيا حكالها على اللى حصل
رانيا : ههههههههههههههههههه يامجنون
ياحرام يافرحة زمان البنت دلوقت بتكلم
نفسها حرام عليك والله بس تعرف يا خالد
لو زعلت فرحة هعمل ايه فيك عشان دى
سكرة و طيوبة و بتحبك اوى
خالد : مانا عارف كل ده وعارف انها
بتموت فيا كمان يابنتى انا كل ما اكلمها
اقولها حاجة تقولى انته مين عشان اعمل
كذا ولا اقولك كذا لحد ما خنقتنى
رانيا : بس ماتنكرش انها صح
خالد: صح طبعاً و هو ده اللى بيحببنى
فيها يوم عن يوم ومخلينى مرتاح ومطمن
انى عرفت اختار ام ولادى بجد
رانيا : ياسلام ياسلام ام لولادك
خالد : اومال يابنتى اخوكى راجل
و يعجبك اوى
رانيا : احسن راجل فى الدنيا والله
ربنا يحميك يارب واشوف مصطفى
عريس زيك كده
خالد : يارب يا رانيا
رانيا : بابا عامل ايه ياخالد اخباره ايه
صحته عاملة ايه ؟
خالد : الحمد لله صحته كويسة وكان
مبسوط اوى لما اتعرف على اهل
فرحة و شاف فرحة كمان وفضل
يشكره فيهم
رانيا : ربنا يفرحه و يبسطه كمان
وكمان و يطمنى عليه
خالد : انا مدايق اوى والله عشانك
يارانيا و نفسي اقدر اساعد وأخلى بابا
يرجع يكلمك تانى
رانيا : لما ربنا يريد ياخالد هنتقابل
ونتجمع سوا
خالد : ان شاء الله يارانيا ان شاء الله
رانيا : هقفل انا بقى عشان مصدعة
من مصطفى وعايزة انام
خالد : ههههههههههههههههه الف
سلامة عليكى بوسيلى الولد الشقى ده
رانيا : حاضر يوصل يانهار ابيض
لو عرف انك رحت تتقدم لفرحة
عشان تتجوزو مش بعيد يجيلك البيت
ينتقم منك دا مش بيبطل كلام عن
فرحة طول اليوم والنهاردة فضل
ماسك فى ايديها و مكنش عايز يسيبها
خالد : مسك ايديها انا هقتل الولد ده
رانيا : ههههههههههههههههههههه لا
يااستاذ فوق انا بكلمة منى ممكن اجوزه
فرحة بالعند فيك
خالد : هههههههههههههههه مجنونة
و شوية مجانين وتعملوها تصبحى
على خير يا حبيبتى
رانيا : و انته من اهله يارب
- بعد ما خالد خلص كلام مع رانيا
اتصل بفرحة و هى كانت لسه مذهولة
و قاعدة فى اوضتها عشان محدش يكلمها
و لايسألها عن حاجة
خالد : الو
فرحة : ايوه
خالد : لو سمحتى عروستى موجودة
فرحة : انته عملت كده ليه :(
خالد : زعلانة ؟
فرحة : اكدب لو قلت زعلانة بس
مش مستوعبة انك عملت كده
خالد : انتى السبب كل مااقولك
على حاجة تقوليلى انته مين عشان
اقولك كلام حلو و الصبح تقولى
انته مين عشان اركب معاك
انا بقى بلا فخر ابقى حبيبك و انتى
حبيبتى وقريب اوى هتبقى مراتى
فرحة : هاااااااااا
خالد : احم ايوه عندك اعتراض
فرحة : احم بص
خالد : بصيت
فرحة : هههههههههههههههه
خالد : الله
فرحة : اسكت شوية تعرف تسكت
خالد : الله الله ايوه كده يعنى كنت لازم
اجى اخطبك عشان اسمع الكلام الحلو
ده ايه العسل ده ياناس
فرحة : كلام حلو O.o
خالد : ايوه كلام حلو
فرحة : هو بص و اسكت شوية كلام حلو
خالد : مش انتى اللى بتقوليه يبقى طبعاً
كلام حلو وجميل و قمر وسكر و عسل
فرحة : ايييييييييه كل ده حيلك حيلك
خالد : عارفة انا نفسي فى ايه ؟
فرحة : ايه ؟
خالد : بلاش عشان نتقوليش عنى قليل
الادب
فرحة : يبقى بلاش
خالد : طب اعرفى الاول و لا اعملى نفسك
عايزة تعرفى كده وكده
فرحة : الحاجة لو انته شايف انها مش كويسة
او معناها وحش يستحسن متقولهاش
خالد : احم هو انا يعنى كنت عايز
اسمع منك كلمة بحبك
فرحة : هااااا
خالد : كلمة بحبك
فرحة : عيب يابابا كخ كده
خالد : ههههههههههههههههههه
هو انتى هتقولى كده لعيالى
فرحة : احم عيالك
خالد : ايوه عيالنا
فرحة : (ساكتة)
خالد : عايز يبقى عندنا ولاد
كتير و من كترهم معرفش احفظ اسميهم
و يبفضلو ا يجروا ويطنطتوا فالبيت لحد
ما اشخط فيهم و ازعقلهم و انتى تيجى
تشخطى فيا وتقوليلى ايه ياحبيبي سيبهم
يلعبوا براحتهم ااااااااااااه هتقوليلى ياحبيبي
فرحة : احم انته بتحلم
خالد : وماله هو الحلم حرام المهم انى
هحققه معاكى
فرحة : طيب انا هقفل بقى عشان المفروض
انى نايمة عشان اهرب من اسألتهم
خالد : طيب ياحبيبي نامى كويس
هتوحشينى لحد بكرا
فرحة : ممكن تبطل الكلام ده
خالد : كلام ايه حضرتك ؟
فرحة : كلام السهوكة ده
خالد : ههههههههههههههههههه
دا امر حضرتك
فرحة : ايوه حضرتك
خالد : عيونى حضرتك قلبى حضرتك
فرحة : تصبح على خير حضرتك
خالد : قفلتينى حضرتك
فرحة : هههههههههههههههههه
خالد : الله
فرحة : لا حول ولا قوة الا بالله
خالد : عيب بقى نحترم نفسنا
فرحة : ايوه ياريت بقي
خالد : خلاص انا كلمته وهو مش هيعمل
كده تانى
فرحة : ياريت تقرص على ودانه
شوية عشان مش بيسمع الكلام
خالد : و يهون عليكى حضرتك
فرحة : ما هو مش بيسمع الكلام حضرتك
خالد : لالالا طالما هو كده انا هربيه من
اول وجديد
فرحة : لا هو متربي و مؤدب كمان
بس انته شد على ودانه شوية صغيرين بس
خالد : عيونى حاضر
فرحة : تسلم عيونك
خالد : تسلملى ياحبيبي
فرحة : تصبح على خير
خالد : و انتى من اهلى يافرحتى
فرحة : طيب
خالد : فرحة ؟
فرحة : نعم
خالد : بموت فيكى
فرحة : احم سلام
______________
قفلت فرحة مع خالد وهى طايرة من الفرحة
ومبسوطة وعايشة ايام جميلة مع خالد
و عدت الايام و والد فرحة رجع من السفر
وقررو يعملوا الخطوبة لحد ما يخلصوا
كلية و فرحة شكلها اتغير تماماً بقت اجمل
من الاول كتير تقريباً مر 3 و فرحة
عايشة اجمل ايام حياتها و خالد كان مبسوط
اوى وكل يوم يحبها اكتر و مبقاش عارف
يستغنى عنها وبيغير عليها من كل حاجة
رغم ان سهيلة مكنتش سايباهم فى حالهم
و بتحاول دايماً توقع مابينهم بس خالد
وفرحة كانوا عارفين غرضها فــ مكنتش
بتنجح انها تبعدهم عن بعض
___________________
يوم الخطوبة :
خالد : صباح الخير يا فرحة
فرحة : صباح النور
خالد : اخبارك ايه ؟
فرحة : مرعوبة ومرتبكة ومش مصدقة
اننا خطوبتنا النهاردة
خالد : ولا انا
فرحة : انا خايفة
خالد : انا جمبك
فرحة : ربنا يخليك ليا
خالد : ربنا ميحرمنى منك ابداً
و لا يبعدنى عنك
فرحة : يارب
خالد : هااا نيجى الساعة كام ؟
فرحة : ماما قالتلى 6 كويس
عشان قريبنا كلهم هيكونو وصلوا والناس
اللى معزومين
خالد : رانيا جاية و بابا هيكون موجود
ربنا يستر
فرحة : رانيا عندى اهى وهتمشي بالليل
عشان بابا ميشوفهاش
خالد : بجد
فرحة : ايوه خافت لحسن تحصل مشاكل
بسببها فــ جاتلى دلوقت وهتمشي بالليل
هند : فرحة يلا عشان نخلص بدري
فرحة : حاضر ياهند ثوانى بس بكلم
خالد
هند : سلميلى عليه وقوليله مبروك
خالد : الله يسلمها و عقبالها يافرحة
فرحة : بقولك خالد الله يسلمك وعقبالك
خالد : طيب اسيبك انا بقي عشان اجهز
و انته كمان روح نام شوية عشان التوتر
اللى عندك ده
خالد : حاضر هتوحشينى لحد بالليل
فرحة : مع السلامة
خالد : فرحة
فرحة : نعم
خالد : بحبك
فرحة : سلام بقى
- فات اليوم عليهم كأنه سنة وهى متوترة
وخايفة وهو كمان نفس احاسها
- جهزت ولبست الفستان و امها كانت مبهورة
بيها وبجمالها باليوم ده و الساعة عدت 7 ونص
و خالد لسه مجاش وهى قلقها زاد
- اتصلت بخالد
فرحة : ايوه ياخالد انته فين ؟
راجل غريب : حضرتك تعرفى صاحب
التليفون ده
فرحة : ايوه يبقى خطيبى .. ماله هو كويس
الراجل الغريب : حضرتك انا لقيت العربية
مقلوبة على الطريق و التليفون ده جواها و كان بيرن
_______________
يتبع
_______________
برعاية يوميات سحس وسحساية
ASMaa
0 تعليق على موضوع "قصة فرحة / الجزء الأول - الحلقة 12"
الإبتساماتإخفاء