تنزل كارمن ومعها الهاتف لتخرج من المنزل للتحدث مع خطيبها في الحديقه و لتكن بمفردها
يراها ادم
ادم : ايه ده اخيرا نزلتي لا بقي دي ميروز فيها البركه
كارمن: اه وهعمل بس اتصال وهاجي اقعد معاكم ثواني بس
ادم: اتصال ايه وميروز فين
كارمن: هتعرف بعدين سبني دلوقتي بس وميروز سبتها فوق لوحدها في البلكونه
ادم: طيب تمام اما نشوف ايه الاتصال ده بعدين
خرجت كارمن وتركت ادم ليحدث نفسه
ادم: ايوووه ميروز فوق كلمها بقي
افتح الموضوع صح
هو كده عادي يعني
مفيش مشكله صح كده
يتوجه ادم نحو الدرج لصعود الي ميروز
يستوقفه احمد
احمد: ايه يا عم فينك
ادم: هه... هنا اهو
احمد: طب يلا تعالي نلعب
ادم : طيب بس ثواني بس هعمل حاجه وجاي
احمد: حاجه ايه بس!! يلا يلا بقولك هنلعب يا عم
ادم: هه اااه ماشي بس ميروز فوق الواجب ننادي عليها تلعب برده
احمد: بقولك ايه قلت يلا وبعدين هتنزل يعني هتروح فين هتيجي متقلقش يلا احنا
ادم: يلا يا احمد استريحت تعالي هنلعب اهو
احمد: ده انا هقطعك في الكوتشينه تعالي تعالي
تخرج كارمن في الحديقه وتضغط بايدي تهتز من كثره القلق علي هاتفها لتقوم بالاتصال علي شريف خطيبها
تستمع الي صوت الجرس ودقات قلبها تعلو معه حتي يُفتح الخط الاخر معلنا عن صوته
لتسمعه فيرق قلبها ويضيع الصوت منها
ولا تستجمع قواها
شريف: الو
كارمن:......
شريف : كارمن
فور سماعها لاسمها منه لم تتمالك نفسها واجهشت في البكاء
ولكن سرعان ما تمالكت نفسها ونطقت اخيرا
كارمن: الو إزيك يا شريف
شريف: الحمد لله
كارمن: انا كنت بطمن عليك الحمد لله انك بخير
سلام بقي
شريف: كارمن استني
كارمن: ايوه نعم
شريف: انتي كويسه
لم تستطع كارمن تمالك نفسها في هذه المره واخذت في الحديث
كارمن: ابقي بكدب عليك لو قلت اني كويسه من يوم ما بعدت عنك
انا اتكلمت عشان اقولك بس اني غلطانه وسامحيني
واني معرفتش قيمتك ولا اد ايه بتحبني الا دلوقتي
ربنا يوفقك في حياتك
ويكرمك مع الانسانه الي تستاهلك
سلام يا شريف
شريف: هو انتي كارمن كارمن بجد
كارمن: ايوه هي
شريف: حاسس اني بسمع واحده تانيه
كارمن: ده حقيقي انا تغيرت كتييرو عرفت قيمه حاجات كتير بس للاسف بعد ما ضاعت مني
شريف: مش مصدق الي بسمعه اخيرا ربنا استجاب لدعواتي
كارمن: دعوات ايه
شريف: كنت دايما بدعيله ربنا يهديكي ليا يااارب
اصيب كارمن بالذهول من سماعها لذلك
كارمن: كنت بتدعيلي !!
شريف: انا مش نسيتك يا كارمن انتي حبيتي كنتي حياتي وكنت بعمل كل حاجه عشان نبقي مع بعض وبيتنا الي جهزناه سوا مش هيبقي حلو الا لو انتي ملكته وولادي مش هيبقو الا منك ازاي انساكي
انا مكنتش مصدق اننا بعدنا عن بعض
بس مكنش بايدي حاجه وكنت بدعي ربنا وانا واثق في الاجابه انك هتعرفي اد ايه بحبك
والحمد لله ربنا استجاب ليا
وبعدين ربنا يوفقني في حياتي وانتي مش فيها ازاي ده انتي حياتي
لم يسمع شريف اي رد من كارمن سوي بكائها
ظل يتحدث حتي هدات واخذت تحدث هي الاخري
وظل بعد ذلك يتحدثان طويلا
وفور انتهائها من التحدث اسرعت للدخول الي المنزل
استطاع ادم الصعود الي ميروز ووجدها تجلس في الشرفه وتنظر الي السماء
ادم: ميروز انتي هنا ده احنا بندور عليكي
ميروز: عليا ليه!!
ادم : عشان تلعبي معانا
ميروز: الهوا ومنظر السما اخدني شويه
ادم: منظر جميل اوووي
ميروز: هدوووء وراحه نفسيه
ادم: انا عايز اقولك حاجه يا ميروز
كارمن: انا رجعت لشريف يا ادم انا صالحته يا ميروز مش مصدقه
تقولها كارمن مقاطعه حديث ادم مع ميروز
تنهض ميروز في فرحه عارمه وتحتضن كارمن
مهنئه لها عودتها لخطيبها
يهنأ ادم اخته ويتمني لها السعاده وينظر لها بفرحه فهاهو يري اخته وقد عادت البسمه الي وجهها
ادم: بس ثواني هو انتو اتصالحتو ازاي
كارمن: كنت بكلمه تحت لما قلتلك عندي تليفون والبركه في ميروز شجعتني اعمل ده تخيلي يا ميروز مش ناسيني وبيحبني لسه ودايما بيدعيلي
ومش عايز حد غيري ولا اولاده ينفعه الا لما اكون مامتهم
ولا بيته مينفعش الا لما اكون انا فيه
ميروز: ربنا يهنيكم يااارب يا حبيتي وميحرمكمش من بعض ابدااا
ادم وكارمن : يااارب امييين
كارمن: بقولكم ايه انا نفسي مفتوحه للعب يلا بينا تحت الكل مستنيا بعد الخبر الحلو ده
انا قلتلهم هناديكم ونلعب سوا يلا يلا
ظل الجميع يتسامروا ليلا وفي المساء عاد الجميع الي غرفهم واستقبلو فراشهم بحفاوه كبيره
وغرقو في سبات عميق
في الصباح الباكر
يدخل حسام الي يسرا في غرفتهم
حسام: حبيتي انتي بتعملي ايه
يسرا: يوجا يا حبيبي بتساعد علي وضعيه الجنين الصحيحه
فبعملها عشان حبيبي ابني
حسام: انتي ناقصك بس السيده زينب والكل هيطلعو جنيهات ويدوكي
يسرا: اتريق اتريق دي يوجا يا جاهل
حسام: استني دي اول جنيه مني
يسرا: شايف يا حبيبي بابا بيتريق علينا ازاي
حسام: لا مش شايف وحبيبي مش بتريق عليه بتريق علي امه بس
يسرا: اااااااه ااااااه
حسام: مش هنتشاكل يا يويو انا بهزر عادي
يسرا: ااااه شكل ابنك عايز يشوف فعلا انا ب..ووو..ل..د
حسام: ياااادي النيله
يسرا: اتصلي بميروز بسرررعه
حسام: يا حبيتي طيب مش نروح المستشفي الاول
يسرا: انا عايزاها معايا
حسام: تمام حاضر بس الصبح كده ممكن تكون نايمه
يسرا: انت جاي تستبخل عليا دلوقتي ما ترن وخلاااص
حسام : حاضر والله واحنا في الطريق هرن يلا بينا
تستيقظ ميروز صباحا وتخرج من غرفتها وتنزل للحديقه وتشرع في التجول فيها لتجد ادم يجلس تحت احدي الشجيرات
ميروز: صباح الخير يا دكتور صاحي بدري يعني
ادم: لا انا منمتش اصلا
ميروز : خير ليه بس
ادم: اصلي بفكر في حاجه كده
ميروز: خير ان شاء الله لو مشكله انا ممكن اساعد
ادم: لا لا اصل انا هقولك
ميروز: اتفضل
فجاه يرن هاتف ميروز
ميروز: اسفه ثواني بس هرد علي التليفون
ادم : اتفضلي... مفيش مشكله
ميروز: الو سلام عليكم... حالا... طب هي كويسه... طب هي فين انا جايه انا جايه..
ادم: خير يا ميروز في ايه
ميروز: يسرا كانت حاله عندي وبتولد دلوقتي وعايزاني معاه لازم اسافر ليها
ادم: دلوقتي علي ما توصلي اصلل تكون ولدت
ميروز: مش مشكله هي عايزاني ولازم اروح
ادم: طيب هتروحي ازاي مفيش حد صاحي
ميروز: مش هستني حد انا هروح لوحدي وخلاص
ادم: لا انا هاجي معاكي ممكن انا اقدر اوصلك
ميروز: مفيش مشكله يلا بينا
ادم: بلبسنا ده برده
ميروز: مفيش وقت البنت بتولد ولازم ابقي عندها
ادم : خلاص يلا بينا يلا
ظل حسام مع يسرا في المستشفي ينتظران قدوم الطبيب
يسرا: هي ميروز مجتش لييييه
حسام: طب قولي الدكتور مجاش ليه مش ميروز
يسرا: انا مش هولد ولا انزل ابنك الا وهي هنا يلا
حسام: انتي حره هو في بطني ولا في بطنك خليه قاعد
يسرا: حسام يا حبيبي قرب كده
حسام: ايوه نعم
يسرا: متستفزنييييييش عشان صدقني هورررررريك الي عمرك ماشفته
حسام: ودني اتسدت يا شيخه
يسرا: تعالي هنا هات الفون
حسام: والله كلمتها وقالت في الطريق
يسرا: لا هاتو بس
حسام: اتفضلي
يسرا: تعالي بقي جمبي هنتصور سيلفي الولاده
حسام: نعم يختي
ظلت ميروز تتابع احوال يسرا علي الهاتف حتي وصلت الي المستشفي
بعد ولاده يسرا ولم يتسني لها القدوم مبكرا
وجدت حسام في غرفه الانتظار
ميروز: اسفه علي التاخير استاذ حسام
بس الطريق وكده
حسام : انا مقدر ده معلش تعبناكي معانا
ميروز: ايه اخبارها دلوقتي
حسام: ولدت احلي تربل اتش طالع لابوه
بقيت بابا لاحلي ابن
وهي في غرفتها الممرضه ادتها بنج عشان العمليه وحاليا نايمه
ميروز: مبروك الف مبروك
ادم: بارك الله لكما في المولود يا استاذ حسام
ميروز: معلش معرفتكمش ببعض دكتور ادم صديق العائله واستاذ حسام زوج مدام يسرا
ادم: اهلا بيك
حسام: اهلا بحضرتك
ميروز: الحمد لله انها بخير انا هفضل هنا لحد ما تصحي واكلمها
حسام: اه هنقعد نستناها
حسام: ايه رايكم تشوفو البيبي
عادي تعالو
ميروز: بجد
حسام: اه اكيد
ادم: معنديش مانع ياريت
يدخل كل من ادم وميروز الحضانه وتحمل ميروز الطفل
ميروز: بسم الله ماشاء الله الله اكبر
ادم: الله عليه
ميروز: سبحان الله اول مره اشيل طفل عمره ساعات في الدنيا ماشاء الله شكله ملاك
ادم: فعلا
ظلت ميروز تنظر للطفل
ونظر ادم للطفل الذي تحمله ميروز ثم عاد الي النظر اليها طويلا و قال
ادم : ميروز
ميروز: يختي بطه هيييه هيييه ايوه نعم يا ادم سمعاك
شوف عسل ازاي ماشاء الله
ادم : تتجوزيني
يتبع
بقلم : طمطم
0 تعليق على موضوع "قصة مرايا الحب - الحلقة 10"
الإبتساماتإخفاء