ينزل كل من ميروز وامنيه واروي واياد ويتوجهو ناحيه سياره احمد
تتوقف ميروز وكانها شلت من الحركه فور رؤيتها لادم يجلس في سيارته وبجواره فتاه وينتابها الريبه والقلق وتتزايد الاسئله داخل راسها من هي تلك الفتاه؟؟
لما تجلس بجوار ادم ولما ستحضر معنا الزفاف؟؟
تنظر امنيه للخلف
امنيه: ميروررز وقفتي لييييه يلا يا بنتي
ميروز: هه انا جايه اهو
تقترب منها امنيه: فيكي حاجه مالك
ميروز : انا لا ابدا كنت بفتكر لكون نسيت حاجه
امنيه: متقلقيش يلا بينا
ظلت ميروز صامته في السياره الا ان تحدث احمد
مع امنيه
احمد: مش طنط صفاء وعمو سعيد جايين هما كمان
امنيه: بجد ادم قدر يقنعهم احسن برده كنت بحسب كارمن الي وافقت تيجي بس
احمد: لا كارمن ركبت مع ادم وطنط صفاء وعمو سعيد جايين في عربيه لوحدهم
ظلت ميروز تتابع الحديث بنفور
كانت في البدايه تشعر بشئ غريب بداخلها يريد معرفة من هي تلك الفتاه لكن حاولت ابعاد هذا الشئ
ربما هو الفضول لا اكثر
وها هم يتحدثون عنها ولا ابالي نعم فضول لا اكثر ظلت تحدث نفسها بذلك
امنيه تتابع الحديث مع احمد وتنظر الي ميروز التي تجلس في الخلف مع يارا
امنيه: لسه بتفكري نسيتي ايه
ميروز: هه
امنيه : ده انتي مش معانا خالص
ميروز: لا معاكم حتي بتتكلمو عن طنط صفاء وعمو سعيد
تنهال ضحكات امنيه: علي اساس عارفاهم يعني
ميروز: محبتش اتطفل قلت لو ناس قرايبنا هتعرفيني
امنيه: دول والد والده الدكتور ادم والي معاه كارمن اخته
ابتسمت ميروز : ااه اهلا بيهم
امنيه: ادم من وقت ما سباعي دعاه للفرح وهو بيحاول معاهم يغيرو جو ويجو معانا وفعلا قدر يقنعهم
ميروز : وهما مكنوش حابين يجو ليه
امنيه: كارمن لسه خطوبتها متفركشه قريب للاسف ونفسيتها وحشه وخافو تحضر الفرح تفتكر خطيبها وكده
بس هي بنفسها قالتلهم عايزه تغير جو فوافقو
ميروز: يا حبيتي
امنيه: غريبه ادم مش حكي ليكي
ميروز: ويحكيلي ليه ؟! احنا مجرد دكاتره وحدود كلامنا في كده
امنيه: ااااه قولتيلي دكاتره
يصل الجميع الي بيت العروس ويستقبلهم اهل
زينب من المعروف في بلد سباعي وزينب ان الافراح تقام لثلاث ليال ويقيم الاقارب في بيت العروس
وكانت زينب من عائله كبيره في الصعيد وسباعي ايضا لكن المستوي المادي مختلف قليلا وعلي الرغم من ذلك تم قبول سباعي لكرم اصله واخلاقه
وكونه من العائله ورجل يستطيع تحمل المسئوليه
دخل الجميع بيت العائله بيت قديم يكاد يكون اثري
تجلس الجده في مدخل البيت ويجلس بجوراها الابناء والاحفاد ومنهم زينب وفور وصول ميروز والجميع خرجت لاستقبالهم
يدخل الجميع المنزل وتجري اعينهم علي كل تفصيله في البيت من الفراش والجدران والدرج
تستقبلهم الجده وبعد الترحيب بهم
يتقاسم كل من امنيه وميروز وكارمن غرفه
واحمد وادم غرفه
وصفاء وسعيد غرفه
فور وصولهم شرع الجميع في نوم عميق من كثره الارهاق والتعب
استيقظت ميروز بعد نوم عميق وخرجت من غرفتها واستقبلت الدرج لتجد ادم يجلس في مدخل البيت واذا به يسمع صوت احد قادم التف ليجد انها ميروز
ابتسمت ميروز لرؤيتها لادم فقد كان يرتدي جلباب وعمه صعيديه : اهلااا بشييييخ العرب
ادم ومحاولا الاصطناع الجديه: اهلييين بيكي يا بنيه
استني كانت بتقول ايه كمان اه اه
يا مرااااحب مراااحب الدار نورت باحسن ناس
تعالت ضحكات ميروز : ههههههههههه لا تنفع تكون صعيدي يا دكتور
ادم: اكيد طبعا مش باللبس علي فكره لا بالطبع والجلب الميت
ميروز: جلب ميت كده مش دكتور كده نقول عاش يا وحش
تعالت ضحكات ادم ثم قال: هههههه وحش ايه ده انا غلبان
ميروز: هههههه واضح واضح
ادم:هههههههه انتي كمان لبسك حلو
تورد وجه ميروز وقالت بخفوت :
شكرا بحب اووي البس عبايات زي دي
ادم: اللبس الصعيدي لايق عليكي انتي مش انا
ابتسمت ميروز وحاولت اخفاء توترها : هو فين الباقي صحيح انا صحيت ملقتش حد جمبي
ادم: بابا وماما بيصطادو جايين الصعيد يصطادو
واحمد وامنيه بيركبو مركب تقريبا
وكارمن نايمه لسه
وانا قاعد بفكر لسه اعمل ايه
ميروز: اه بس البلد حلوه فعلا وحشتني اووي وعايزه اخرج اشوفها كلها
ادم: اه صحيح انتي قلتيلي جتيها قبل كده في خطوبتهم باين
ميروز: اه في الخطوبه وكتب كتابهم انا مقيمه هنا تقريبا بنت البلد يعني
ادم: ماشاء الله علي كده بقي عرفيني بالبلد ويبقي ليكي الثواب
ميروز: مفيش مشكله يلا بينا ما ناخد كارمن معانا
ادم: هشوفها واكيد هتوافق ومش هنغير صح
ميروز: لا لبسنا مناسب وكمان ده لبس البلد مش عايزين نكون ملفتين للنظر يعني
ادم: عندك حق
اخذ ادم وميروز وكارمن يسيران سويا وسط الحقول فاذا بسياره يسوقها حمار تمر بجوراهم
ميروز: استني يا عم يا عم
جمال : انا اسمي جمال
ميروز: انت تعرف اروح عند البحيره ازاي
جمال: انتي غريبه عن البلد
ميروز: اه وعايز اروح هناك
جمال: انا رايح هناك حالا
تنظر ميروز لادم وكارمن : يلا بينا
ادم: يلا بينا فين
ميروز: هنركب معاه وهو هيوصلنا
كارمن : بجد الله
ادم: بس يعني
ميروز: انت لسه هتفكر يلا يلا
كارمن: دي شكلها هتبقي رحله حلوه يلا يلا
ابتسم ادم : يلا يلا
ميروز: احنا جاين يا عم جمال
صعد كل من ميروز وادم وكارمن الي العربه واخذا يتخدثان وينظران الي الطريق الذي كان ملئ بالاشجار والبيوت البسيطه والاطفال يلعبون
والنساء تحمل بعض الاواني وتذهب الي منازلها
والرجال من يعمل في ارضه او يجلس مع اصدقائه او يلعب مع اطفاله
وصل كل من ادم وميروز الي البحيره
ميروز: حلو المكان ده تعالو نقعد هنا بقي
كارمن: الله ماشاء الله المكان حلو فعلا
ادم: ياريتك جبتي كاميرتك يا كارمن نصوره
كارمن: مكنتش اعرف انه جميل كده الاخضر والازرق مع بعض وبس الله على دي لوحه
ميروز: استنو بس الغروب هتلاقوه تحفه هنا
ادم: المكان كله جميل
ميروز: كفايه الريحه.. الهدوء... مكان من الجنه
للاسف مفيش حاجه من دي في المدينه
هنا لو اتخنقت خد بعضك وامشي شويه وتعالي اقعد في هوا منعش ومياه جميله
وهدوء جميل
المكان يريح النفس اصلا
مش زي المدنيه كلها دخان وزحمه واصوات تجيب الخنقه اصلا
ادم: عندك حق والله يا بخت الي عايشين هنا
كارمن: استنو هصور انا معايا الفون مش هضيع الفرصه دي
ظل ادم وميروز بمفردهم بعض الوقت
ظل ادم يحدث نفسه : ها فرصه اهو اتكلم بقي
ادم: ميروز
ميروز: ايوه نعم
ادم: كنت عايز..
سمعا من الخلف صوت احمد وامنيه
احمد: ميروووز ادددم
ميروز: اييه ده دول حصولنا بالمركب
ادم: ايه الي جابهم هنا
ميروز: اكيد لازم سواق المركب يجبهم في مكان هنا
ده احسن مكان اصلا
تعالي نركب معاهم
ركب الجميع اللانش واخذا ينظران الي صورهم في المياه واستمتعو بها
عاد الجميع الي المنزل بعد ذلك
وفي المساء اجتمع الجميع
احمد: ايه رايكم نلعب كوتشينه او اي لعبه نتسلي
امنيه: لعبه الصراحه برده حلوه
سعيد: لا انا وصفاء هنخرج نقعد في الجنينه شويه
ادم: قعده رومانسيه طب نجيب اتنين لمون
صفاء : ههههههههههههه عقبال ما تقعدها انت يا حبيبي
ادم: ههههههههه يارب يا ماما
ثم ينظر الي ميروز المتابعه الحديث
ميروز: هي كارمن فين!! مش هتقعد معانا ولاايه
صفاء: لا دي يا حبيتي قاعده في الاوضه ومش عايزه تنزل
ميروز: طيب هطلع اجبها ونيجي نقعد معاكم
ادم: مش هتيجي انا عارف
ميروز: هحاول معلش سبوني اجرب
تصعد ميروز الي كارمن لتجدها في غرفتها وتجلس علي احدي الكراسي في الشرفه
ميروز: يضايقك لو قعدت معاكي
كارمن: انا لا ابدااا غلط
ميروز: لسه زعلانه بخصوص يعني
ابتسمت كارمن وقالت: مفيش اكتر من الايام تنسي
ميروز: مش من حقي اتدخل بس لو مش غلطانه يبقي ثقي في الله انه مش الخير ليكي وان شاء الله هتتعوضي باحسن منه
كارمن : ولو انتي غلطانه
ميروز: يبقي تعترفي بالغلط
كارمن : مبقاش ينفع هو يستاهل واحده احسن مني تعرف قيمته وتصونه منكرش اني معرفتش قيمته وانا معاه بس عرفتها بعد ما خسرته
كنت طايشه ومش عارفه قيمه الرجل الي معايا
كنت دايما عايزاه جمبي ومهتم بيا
بس هو كان مشغول ما هو عشان يسعدني ويجهز شقتنا مع بعض
كنت عايزه اخرج معاه بس هو كان مشغول
فسرت كل ده انه مش بيحبني
بس طلعت غلطانه
ودلوقتي كله بيقولي ده كان رايك انك تبعدي ومحدش غصبك
بس ندمانه علي القرار ده
ميروز: طب حاولي تتكلمي معاه
كارمن: انا لالا ازاي لالا اصلا هتلاقيه عاش حياته
ونساني وبقيت مجرد ذكري
ميروز: جربي مش هتخسري حاجه
عيبنا اننا دايما بنحكم من وجه نظرنا وبس
ليه مش عايزين نحط في دماغنا وجه نظر الي قدامنا
انتي كده كده خسرتيه حاولي بس المره دي محاوله فعلا انك ترجعيه
اتصلي كانك بتتطمني عليه
عرفيه حتي انك غلطانه مش شرط ترجعو بس يكفي انك عرفتي الصح وعايزه توضحيه ليه
اتصلي ومش هتندمي
كارمن: انتي شايفه كده
ميروز: توكلي علي الله وعلي الاقل بالك هيبقي مرتاح انك عملتي الي عليكي
كارمن: تمام هقوم اكلمه
تنزل كارمن ومعها الهاتف لتخرج من المنزل للتحدث مع خطيبها في الحديقه لتكن وحيده معه
يراها ادم
ادم : ايه ده اخيرا نزلتي لا بقي دي ميروز فيها البركه
كارمن: اه وهعمل بس اتصال وهاجي اقعد معاكم ثواني بس
ادم: اتصال ايه وميروز فين
كارمن: هتعرف بعدين سبني دلوقتي بس وميروز سبتها فوق لوحدها في البلكونه
ادم: طيب تمام اما نشوف ايه الاتصال ده بعدين
خرجت كارمن وتركت ادم ليحدث نفسه
ادم: ايوووه ميروز فوق كلمها بقي
افتح الموضوع صح
هو كده عادي يعني
مفيد مشكله صح كده
يتجه ادم نحو الدرج ليصعد الي ميروز
يتبع
بقلم : طمطم
0 تعليق على موضوع "قصة مرايا الحب - الحلقة 9"
الإبتساماتإخفاء