ميروز: يا سلام فعلا الزواج نص الدين بس لما يبقي صح ومبني علي اسس سليمه.. رجل بيتقي الله وبيخاف علي عرضه وشرفه رغم رجولته بيحاول يكون حنين مع زوجته وزوجه طفله في بيتها بس راجل بره البيت ومع اي حد غير زوجها وحنينه وطيبه وملهاش في الدنيا هم الا زوجها واطفالها.. الزواج حياه والحب برده حياه ويا بخته الي عاش الدنيا مرتين بيهم
صعب تلاقي زوج بيتقي الله وصعب تلاقي زوجه متفاهمه وصالحه
بس موجوده لان ربنا قال الطيبون للطيبات
تدخل زينب لتقطع شرود ميروز
زينب: في حاله جديده بره يا ددكتوره
ميروز : تمام دخليهم يا زينب
يدخل الزوجان وبعد الترحيب بهم والتعارف
جميله: انا واحمد متجوزين من سنه تقريبا
ميروز: لسه عرسان جداد ربنا يهنيكم
احمد: ما هو رغم اننا زي ما قلتي بس احنا بدانا نتخنق من بعض
جميله: بقيت اصحي اطبخ واكنس وارتب البيت واشوف الضيوف الي بيجو واغسل ووو وبليل انام قتيله والصبح اطبخ واكنس وارتب البيت ووو هكذا مفيش جديد
ميروز : ملل يعني
احمد: ملل ازاي واحنا لسا عرسان جداد
جميله: وكمان متجوزين وبنحب بعض
ابتسمت ميروز ثم قالت: الملل مش بكام سنه جواز ولا بقد ايه بتحبو.. الملل شئ طبيعي والمفروض كنتو تتكلمو في الموضوع ده وتخدوا احتياطكم وتتفهمو النقطه دي وتعرفو تتخطوه سوا الامر بسيط خالص
جميله : هو فعلا ملل
احمد: بس الملل ده من ايه
ميروز: من التعود لما تتعود علي حاجه كل يوم بتعملها اكيييد بتمل منها وبيظهر ليك انك بتكرهها بس هي مش كره هي ملل من الروتين
تخيل كل يوم بتشوف صوره كل يوم في مكان محدد هتبقي حفظت الصوره لون لون وتفصيله تفصيله بتبقي عادي مش عايز تشوفها خلاص حغظتها في دماغك
بتبقي زهقت منها و بيتهيالك انك ترميها وتجيب واحده تانيه احسن مع اني حلوه برده بس عايز تجديد
جميله واحمد: عندك حق
جميله: والحل ايه طيب
ميروز: قلتلكم تجديد
احمد: تجديد يعنى زي الي جاب لوحه تانيه ثن نظر الي اميره وقال بخبث ودهاء
يعني اتجوز واحده تانيه
جميله: نعم نعم نعم يا احمد قوووول تاني وسمعني كده
ميروز: ههههههههه لا واضح الحب بينكم.. بس مش اقصد لوحه تانيه بالتجديد طيب ليه متقلبش اللوحه الاولي هتشوفها جديده.. انك تشوف الامور من زاويه تانيه يخليك تشوفيها حاجه تانيه..
ثم نظرت الي جميله موجه الحديث اليها
ميروز: مدام جميله
جميله: نعم
ميروز: انتي مثلا تقدري تجددي في كل الروتين الي في حياتك.. مثلا تصحي تغيري في ديكور البيت تجيبي كتب وتقرايها ومش شرط كتب علميه خليها كتب طبخ واتعلمي طبخ جديد واعمليه هتفاجئ زوجك وهتبقي جددتي.... لو مثلا تنزلي تشتغل لو مش حابين فكره الشغل تقدري تجيبي من النت شغل بيت زي عمل مفارش او تريكو وتصممي لزوجك حاجه من زوقك هتفاجأه برده... شوفيه بيخرج كتييير ليه لو عشان يشوف اصحابه تمام ده حقه ولازم تديه وقت ليه ولصحابه وممكن مره تخليه يعزم أصحابه ويدوقو اكلك وهيفرح بكده برده وهيبان انك مش زعلانه بوجوده مع اصحابه بالعكس فرحته تفرحك ..ممكن تشوفي لو بيخرج عشان ماتشات كره اقري وخلي عندك ثقافه كرويه وكلميه فيها كانه واحد صاحبه وفري من فلوس البيت وفي عيد ميلاده هاتي بلايستشين والعبو مع بعض ولو عندكم البلايستشين هاتي انتي الاسطوانات والعبي معاه... الراجل يحب مراته تكون صاحبه وبنته واخته وامه قبل ما تكون مراته
احمد: والله لو عملت ده انا اقيم في البيت ابعه وعشرين ساعه
ميروز: ههههههههه وحضرتك برده تقدر تجدد زي مثلا كل يوم حاول تعمل ليها مفاجاه يوم خرجها تشوف والدتك منها صله رحم ومنها خروجه ومش تقولها هشوف ماما لا احلي حاجه تجميل الكلام واظن الرجاله اشطر ناس في الموضوع ده يعني
احنا هنخرج نشم هو النهارده.. عارف انك مخنوقه من البيت هنخرج سوا بس ماما وحشتني وايه رايك نزورها حاجات من دي
تقدر وانت راجع من الشغل تشتري ليها شيكولاته بجنيه ونص او مصاصه او بلونه وانفخها اما تمسكها فرقعها
تقدر تقولها اخرجي شوفي اصحابك زمانهم وحشوكي وتجهز ليها اكله علي ما تيجي حتي لو محروقه وحتي لو عيش وجبنه يكفي انك فكرت فيها وحضرت ليها حاجه
كل ده بيخلي اليوم يعدي بفرحه والفرح يبعد الملل ويديم الحب
جميله: اه ياريت يعمل كده
ميروز: ياريت تحاولو مع بعض تلاقو حلول عشان تجددو في حياتكم... الملل سهل تكسره الصعب هو انكم تسبوه لحد ما يكبر ويقلب بخنقه ليك وليها ومش حلها الا الابتعاد عن بعضكم لا قدر الله
ربنا معاكم
يخرج الزوجان
وتتبعهم ميروز
ميروز: زينب انا تعبانه اوووي كفايه شغل النهارده هروح بقي
زينب : تمام يا دكتوره
ميروز: يلا سلام
في الصباح
يتوجه ادم الي عياده ميروز
ادم: صباح الخير يا زينب هي الدكتوره مجتش لسه
زينب: لا لسه
ادم: طيب انا في عيادتي اول ما تيجي تناديني علطووول
زينب: حاضر يا دكتور خير لو حضرتك عايز حاجه قولي وانا ابلغها
ادم: هه لا ابدا انا اصلي كنت يعني هكلمها في في اه في حاجه طبيه يعني
زينب: حاضر يا دكتور
يدخل ادم الي عيادته ومن ثم الي مكتبه ليتقابل مع نفسه ويشرع في الحديث اليها
ادم: اه هي كده اقول وخلاص عادي اتكلم عادي والله
يدخل سباعي بعد طرق الباب ولا يشعر به ادم الشارد في حديثه مع نفسه
سباعي: يا دكتوره فيه كشف بليل كتيير حضرتك فاضي دلوقتي تقدر تروح العياده التانيه
ادم:.........
سباعي: يا دكتور ادم
ادم:......
سباعي : هيييييي يا دكتووووووور
ادم: هه بتقول حاجه يا سباعي
سباعي: صباح الفل
ادم: صباح الخير انت عامل ايه
سباعي: عامل ايه!!! يا دكتور انا هنا من زمان
وبلغتك بالمواعيد
ادم: ياااه كل ده
سباعي: شكل حضرتك مشغول تفكيرك في حاجه
ادم: تقريبا معلش يا سباعي
سباعي : لا ولا يهمك يا دكتور اعملك كوبايه شاي هتروق دماغك
ادم: قولي يا سباعي انت مبسوط مع زينب الجواز حلو
سباعي: الحمد لله.. زينب هي الزوجه المناسبه ليا ومن صغري فتحت عيني لقيت قلبي بيحبها وهي مالكه قلبه
ادم: ياااه من صغرك وقلبك وحبك متغيرش
سباعي: لا كل فتره من حياتي بحب وانا صغير كنت بشوف فيها قريبتي الي العب معاها واضحك اووي
الي اقسم معاها سندوتش امي عملته لينا واحنا رايحين درس
وشوفتها اختي لما حد عاكسها والدم جرى في عروقي وخانقته وضربته
وشوفتها امي لما اضطرينا نسافر عشان نشتغل وبعدنا عن اهلنا
وشوفتها زوجتي لما حسيت ان حياتي فعلا من غيرها فاضيه وان حياتي محورها الاساسي هي
شرد ادم في تفكيره ثم قال : ايووووه فعلا محورها الاساسي هي
سباعي: اه ما انا بقول كده
ادم: هه اه كلامك حلو وعندك حق يا سباعي
تدخل ميروز الي عيادتها
ميروز : صباح الخير يا زينب بقولك ايه انا ورايا مؤتمر مهم ومش فاضيه هاخد الورق ده وهمشي
اقفلي العياده انتي واستعدي للسفر يا احلي عروسه اشوفك في البلد بقي هناك امووواه امووواه
زينب: تمام يا دكتوره الله يبارك فيكي بس كان فيه حاجه عايزه اقولها
ميروز: مش مهم دلوقتي بجد متاخره سلام سلام
لم تستطيع زينب اخبار ميروز بان ادم يريد التحدث معها وذهبت الي عيادته لاخباره
تدخل زينب علي ادم وسباعي في المكتب
زينب: دكتور ادم الدكتوره ميروز جت بسرعه اخدت شويه ورق ومشيت عشان وراها مؤتمر
ادم: ليه مش قولتيلي
زينب: هي كانت مستعجله اووي حتي مقعدتش يدوب قالتلي مبروك علي الفرح وبس
ادم: ايه ده هو فرحكم قرب
سباعي: كمام يومين ان شاء الله
ادم: مبروك الف مبروك
سباعي: ان شاء الله هتشرفنا يا دكتور انت واي حد تحب يجس معاك
ادم: متشكر يا سباعي اكيد هاجي هكلم احمد وامنيه هشوف هيجو امته وهاجي معاهم مش هما معزومين برده
سباعي : طبعا دول اول ناس كفايه جمايلهم عليا وعلي ابويا ومساعدتهم لينا اننا نلاقي شغل في مصر
ادم: هو انتو اساسا منين يا سباعي
سباعي: احنا اساسا من الصعيد وبحكم عادتنا واهل زينب الي لسه عايشين هناك هنعمل الفرح هناك وبعدين هنسافر نعيش هنا في مصر مع عيلتي
ادم: فهمت كده عشان كده بعض كلامك مدي على صعيدي
سباعي: ده انا كده يدوب عارف شويه زينب الي عملتهم ليا اصلي اتولدت في الصعيد وبعدها والدي نقل في مصر يعني معرفش عن الصعيد الا انها بلد ابويا وبس
ادم: ربنا يرحمه ويسعدكم يااارب
سباعي: يااارب
ادم: خلاص احنا اجازه كمان انا اصلا مصدع هروح احسن وفرصه فرحكم ده ناخده راحه لينا كلنا
سباعي : تمام
يمر اليومان علي الجميع وفي صباح اليوم التالي تذهب ميروز الي امنيه واحمد للاستعداد للسفر
ميروز: صباااح الخير يا حبايبي هااا جهزتو شنطتكم ولالا
احمد: ادخلي شوفي امنيه علي ما انزل الشنط دي في العربيه
ميروز: تمام وهات اياد منك هشيله انا
احمد: اخيرا حد هيشيل الواد ده غيري امسكي يا ميروز
ميروز: تعالي يا دودو نشوف ماما بتعمل ايه
تسمع امنيه صوت ميروز من الداخل تخرج لاستقبالها
امنيه: ايه ده انتي جيتي يا ميروز
ميروز: يلا بقي احمد نزل الحاجات اليوم طويل ويلا عشان نوصل قبل بليل
امينه: تمام انا جهزت اهو
ميروز : هو ادم سافر ولالا
امنيه : لا ده جاي معانا اتكلم مع احمد امبارح ولانه مش عارف الطريق هيجي بعربيته ورانا
ميروز : اه كويس ما انا بسال عشان كده
امنيه : متقلقيش هنسافر كلنا مع بعض وهنيجي مع بعض
شعرت ميروز بداخلها بالسعاده ولا تدري لماذا شعرت بنبضات قلبها تتحرك سريعا فور سماع مثل هذا الخبر
ينزل كل من ميروز وامنيه واروي واياد ويتوجهو ناحيه سياره احمد
تتوقف ميروز وكانها شلت من الحركه فور رؤيتها لادم يجلس في سيارته وبجواره فتاه وينتابها الريبه والقلق وتتزايد الاسئله داخل راسها من هي تلك الفتاه؟؟
لما تجلس بجوار ادم ولما ستحضر معنا الزفاف؟؟
يتبع
بقلم : طمطم
0 تعليق على موضوع "قصة مرايا الحب - الحلقة 8"
الإبتساماتإخفاء