زوجتي وطبيبتي
كنت دوما مثالا للصحفي النزيه وصاحب الرأي والفكر.. تنتظرون كل مقال وكل عمود صحفي يكتب في آخره بقلم الصحفي مراد كامل.. اليوم لا اكتب مقال ُملم بالسياسه او العلم او اي مجالات الحياة فقط اكتب تجربه من اهم تجاربي الشخصيه.. يوم ما كنت سافقد اعز ما املك بل كل ما املك زوجتي . . ابني . . اسرتي حياتي وكياني باكمله وليت الكلمات تعبر عما كان يدور في خاطري وعما كان يكمن في صدري.. لا ادري باي وسيله ولا اي صدفه جعلتني ُألقي بنظري علي احدي الاعلانات في احدي الوسائل الالكترونيه لاجد اعلان عن دكتوره نفسيه في المشاكل الزوجيه .. ما هذااا؟؟.. ايعقل ان يكون هناك مثل هذا التخصص في مصر.. مؤكد انها فاشلة ولا تصلح في شئ.. لابد انها احدي الطرف او الدعابات... كل هذا كان يطرأ علي ذهني ولكن اذا بي اجد نفسي امام عيادتها وفي صميمي احدث نفسي انه لم يعد لي مكان في الحياه لن استطيع ايجاد حل لمشكلتي اذن لما لا احاول مع هذه الطبيبه لتكن هي اخر املي وليصنع القدر ما يصنعه..
لم يتجاوز حورانا بضع الساعات ولم يكن به قدر العلم والتفسيرات الفلسفيه ولا الاسلوب الطبي بقدر ما كان يحمل البساطه والفهم ومخاطبه الروح.. تركتها لاذهب الي زوجتي ووقفت امامها رغم فصاحه لساني وبقدر ما املك من قدره لغويه الا انني كنت كالطفل الذي مازال يتعلم اول حروف لغته.. كالطفل الذي وجد والدته بعد ان تاه عنها في احدي الاسواق..كالطفل الذي لا يريد من الدنيا اي شئ سوي احتضان والدته فقط.. وحده الحضن هو الملجأ من اي خوف هو ملجأي لاشعر اني مازلت احيا واعيش... بعد لحظات تحدثت واذا بي اقول سامحيني وبعدها عجزت عن نطق الكلمات وانهلت انا وزوحتي في االبكاء تنظر العين للعين وكانها تتحدث ونكتفي بذلك.. حقا المراءه بقدر ما تشعر بحزن وبقدر ما يحزن قلبها الا انها بكلمه واحده بل بنظره حب تستطيع امتلاك قلبها مره اخري.. نعم أنا رجل شرقي اتمتع بكرامه وكبرياء ولكن لأكن صريحا ذلك الكبرياء وتلك الكرامه هي سبب فشل كثيير من الزيجات.. الحب لا يعرف هذه الكلمات وكذلك الزواج فكبرياء الحب وجوده وكرامه الحب استمراره هذا ما تعلمته من طبيبتي
في نهايه تجربتي اود ان اشكر زوجتي رفيقه دربي وصانعه احلامي بل هي احلامي جميعا وبالمثل اقدم الشكر لطبيبتي لولا وجودها ما كنت تعلمت نعم بالفعل تعلمت الكثير واهم درس تعلمته ان الحب لا يموت
بقلم مراد كامل
كان هذا المقال الذي تناولته ميروز وشرعت في قرائته فور اعطائها ادم الجريده وكانت تستمع بكل كلمه بداخله
وبعد المقال كتب الصحفي اسم ميروز وعنوان عيادتها تعبيرا عن شكره لها..
ميروز: هو الي انا قراته ده بجد والله
ادم: مبروووك يا ميروز
سباعي: مبروووك يا دكتوره
زينب: لولولولولولي الف الف مبروووك يا دكتوره
ميروز: الله يبارك فيكم يا جماعه والله انا مش مستوعبه لسه
ادم: انتي تستاهلي اكتر من كده يا ميروز
ميروز: الحمد لله
ادم: يلا يا سباااعي هات المفاجاه
ميروز: مفاجاه ايه
ادم: بوصي هو احنا كلنا مفطرناش كنا هنجيب تورته بالمناسبه السعيده بس قلنا نفطر الأول عملنا ليكي احلي تورته فوول بالزيت الحار
ميروز: ههههههههههههههه فول
زينب : انا الي جبت الشمع
اخذت ميروز تنظر لما فعلوه بطعام الافطار وجعله بهيئه احتفالية لنجاحها
ميروز: الاطباق دي احلي عندي من مليون تورته
ادم: طبعا كفايه انها هتشبعنا كلنا وحاجه جديده مش اي حد عملها
ميروز: كفايه انها منكم ربنا يخليكم ليا
زينب : ويخليكي يا احلي دكتوره والله انتي طيبه وتستاهلي كل خير ربنا يكمل فرحتك بزوج يهنيكي
ينظر ادم الي ميروز فور انتهاء زينب من دعوتها
تتسارع دقات قلبه من كلماتها
ميروز: ما كانت الدعوه ماشيه حلوه لييييه بس يا زينب
ابتسم ادم وعاد الي واقعه ثم قال
ادم: سباعي جاب العيش يلا ناكل
ميروز: تمام بس بشرط
سباعي: خييير
ميروز: هنخلص وهننزل نجيب تورته وفعلا نحتفل
بعد انتهاء الاحتفال تدخل زينب لغرفه ميروز
ميروز: ها حسام ويسرا وصلو
زينب: ايوه
ميروز: تمام دخليهم
يدخل كل من حسام وميروز
حسام: اتفضلي يا ست هانم
يسرا: بقولك اييه متتعصبش عليا
حسام: ليكي عين تتكلمي
يسرا: ومتكلمش ليه كنت انا الغلطانه ولا انت
حسام: انا غلطت في ايه
يسرا: دخلت خناقه مع واحد متعرفوش ولولا الناس كان زمانه مات
حسام: واحد بيقول لمراتي يا قمر واسكتله . . ليه شايفاني سوسن
يسرا: ويعني انا سكت ليه
حسام: هاهاهاها تقصدي انت مش محترم وقليل الادب دي انك اتصرفتي
يسرا: لا كنت اموته ضرب وشتيمه واعمله كسر في الجمجمه وشرخ في الفقرات وكسر في الايد صح
حسام: ده اقل واجب الناس الي مسكتتتتتني
ميروز: انا من راي نجيب لمون. يعني ولو عايزني اجي كمان شويه مفيش مشكله
حسام: يعني انتي عجبك الاستفزاز بتاعها ده
يسرا: انا الي مستفزه ولا انت الي عصبي
ميروز: انا بقول تقعدو الاول وتصلو علي النبي وتهدو
حسام ويسرا: عليه الصلاه والسلام
ميروز: الي فهمته ان مدام يسرا اتعرضت للمعاكسه صح
حسام: ايوه كنت بجيب العربيه من الباركنج وهي واقفه علي ما رجعت ليها لقيت عيل رخم بيقلها يا قمر
يسرا: انا مسكتلوش والله ومسكته شتمته
ميروز: وانت انفعلت ليه يا حسام
حسام: ايه الي ليه!! مراتي وواحد حيوان بيقولها قمر ضروري الدم يغلي في عروقي وابقي مش عايز اشوف وشه علي الارض
ميروز: ايوه ليه
حسام: عشان بحبها ومحبش حد يقولها كلمه ولا حتي يبصلها ده انا ببقي نفسي اقول للناس كلها دي بتاعتي لوحدي محدش ليه الحق انه حتي يبص عليها
يسرا: اييييييه ده يارتني اتعاكست قبل كده كتير
حساااااام: نعم يختيييي!!
يسرا: اصلك اول مره تقول كلام حلو ورومانسي كده
حسام: انا في اييييه وانتي في ايييييه
ميروز: للاسف مجتمعنا بقي فيه النوعيه دي كتيير يا استاذ حسام وغلطنا اننا بنسكت علي حقنا بس ده مش معناه اننا مستخدم عضلاتنا ونديها ضرب كان ممكن تعمله محضر عدم تعرض او تسيبك منه أحيانا اهمال الناس دي احسن حل
يسرا: ده الي كنت عاوزه اوصله ليه
ميروز: الي عمله ده يا يسرا دليل علي الحب احسن مرايه للحب الغيره وهي الي بتبين اذا كان الشخص الي قدامك بيحبك فعلا ولا ومهما كان الشخص قفل ومش بيتكلم الغيره هي الي بتيجي تحركه
يسرا: بركاتهاااا اخيرا قالي كلمه حلوه
حسام: طووول عمري بقول يا بت مش قايلك من يومين تسلمي يا ام ابني
ميروز: هي دي الرومانسيه عندك
حسام: طبعاا
يسرا: هو انا بتشل من شويه
ميروز: مبدايا فيه تغيير ولو بسيط المره دي ام ابني وان شاء الله تتطور بعدين المهم كل واحد بيحاول ولا
يسرا: ايوووه حسام بقي حنين معايا اينعم مش للدرجه بس يكفي انه بيحاول
حسام: ويسرا كمان مبقتش تخنقني زي الاول ورايح فين والاكل الساعه كذا ولا الحاجات دي
ميروز: حاسين براحه ولا دخ شئ مجبرين عليهم
حسام: الحقيقه انا مرتاح فعلا الانسان لو فيه في شخصيته حاجه غلط يحاول بنفسه انه يصلحها
يسرا: بالعكس انا فرحانه لان ابني هيجي يلاقي مامته وباباه احسن عيله في الدنيا
تعرفي النهارده قبل ما نجيلك شوفنا صوره ابننا في السونار استني انا احتفظت بيها هوريهالك
وحسام دمع اول ماشافه
حسام: عادي يعني اي اب لما هيشوف اول ابن ليه وكمان من الانسانه الي مالكه قلبه هيحس انه ملك العالم كله وانه مش محتاج حاجه من الدنيا وانه قدامه اهو ابنه بيتحرك بيقوله كلها ايام وانزل العب معاك وابقي سندك في الدنيا مدمعش ازاي يعني
يسرا: انا بحبك يا حسام اووي
حسام: وانا والله اوووي
ميروز: ربنا يديم عليكم الحب يااارب ومبروك عليكم احلي مولود
يسرا: انا وحسام قلنا هنكبر الصوره ونعلقها في صوره البيبي وتبقي اول صوره ليه
ميروز: فكره مش بطاله
ربنا يوفقكم يااارب
حسام: ها هنيجي امته تاني
ميروز: خلاص دلوقتي اقدر اقولكم ابنكم هيبقي فعلا فخور بيكم
يسرا: يعني خلاص مش هشوفك تاني
ميروز: انا موجوده في اي وقت بس مش صفتي دكتوره تقدرو تعبروني صديقه
يسرا: اكيييد طبعا
ميروز: ربنا يوفقكم في حياتكم
حسام ويسرا : يارب امييين
يخرج حسام ويسرا ويتركا ميروز بمفردها
التي اخذت تحدث نفسها
ميروز: يا سلام فعلا الزواج نص الدين بس لما يبقي صح ومبني علي اسس سليمه.. رجل بيتقي الله وبيخاف علي عرضه وشرفه رغم رجولته بيحاول يكون حنين مع زوجته وزوجه طفله في بيتها بس راجل بره البيت ومع اي حد غير زوجها وحنينه وطيبه وملهاش في الدنيا هم الا زوجها واطفالها.. الزواج حياه والحب برده حياه ويا بخته الي عاش الدنيا مرتين بيهم
تدخل زينب لميروز لتقطع تفكيرها
زينب : في حاله جديده بره يا دكتوره
يتبع
بقلم : طمطم
0 تعليق على موضوع "قصة مرايا الحب - الحلقة 7"
الإبتساماتإخفاء