انا . . انا . . . نفسي اقولها حاجه واحده
سامحيني اسف
ثم نظر الي ميروز وقال : تفتكري في حل
ميروز: حضرتك متاكد انك جاي عشان انا الي اساعدك
مراد: ايوه طبعا
ابتسمت ميروز ثم قالت: الي شايفاه ان حضرتك مش محتاج خالص اي مساعده من حد
مراد: ازاي يعني
ميروز: بعيدا عن كوني طبيبه انا قبلها ست واحب اقولك ان زوجتك مش محتاجه اي حاجه غير انها تسمع الكلام ده وبس
مراد: بس ده احساسي مش اكتر
ميروز: والست مش عايزه غير احساس.. مش عايزه غير انها تعرف ايه الي جوه قلبك مش محتاجه غير وجودك جمبها ونظره الندم الي في عنيك حتي لو متكلمتش بس نظرتك ليها فيها كل الكلام ده
مراد: بعد كل الي عملته !!
ميروز: لو بتحبك هتسامحك.. مش عيب اننا نغلط وكل انسان بيغلط ولو مغلطناش مش هنعرف قيمه الصح ونحرص بعد كده علي اننا نعمله وده الي هيبان منك ليها
مراد: يعني فكرك هتسامحني
ميروز: احنا ليها بنصعبها علي نفسنا اووي كده
الامور بسيطه بس بنظرتنا ليها بنعقدها علي نفسنا اوووي
زعلت عاتب. . . غلطت اعترف واعتذر...حبيت دافع عن حبك وسامح عشان من جواك عارف ان حبيبك ميقصدش يجرح قلبك
مراد : ياريت الامور بالبساطه دي
ميروز: الامور فعلا كده بس احنا الي بنحب نخنق نفسنا بايدينا وفي الاخر نقول مين الي ظلمنا ..
المشكله كلها في ايدك انت وبس حلها لتخليك شجاع وتعترف بغلطك ليها لتخليك جبان ومش قادر تشوف وشها لانك عارف ان النظره في عنيها هتعرفك حقيقتك الي انت عارفها ومش عايز تعترف بيها
مراد: انا فعلا مش عايز اخسرها
ميروز: غريبه انك قادر تعترف بده كله للشخص غريب لمجرد انه هيحل مشكلتك ومتقدرش تحكي ده لاقرب انسانه ليك الي في ايديها الحل مش انا
مراد : عندك حق
ميروز: ربنا يوفقك يارب
رحل مراد
وعادت ميروز الي شقتها لاستقبال فراشها فغدا ينتظرها يوما حافل
ففي الغد يعقد احدي المؤتمران الطبيه الهامه وسيحضره نخبه من الاطباء النابغين في جميع التخصصات وتطمح ميروز في ان تستفيد من خبراتهم وايجاد بعض الخبرات في تطوير عملها وتشجيع الجميع علي تقبله
في الصباح نهضت ميروز والحماس مسيطر عليها كطفل يملئه الفرح عند اخباره ان اليوم هو اول يوم دراسي له
وصلت ميروز لاحدي الفنادق حيث يُقام المؤتمر وفور وصولها همت بالبحث عن احد الاماكن لتجلس بها
اذا بها تجد من يلفظ باسمها لتنتبه لمصدر الصوت فتجده ادم
ادم: ميروز
ميروز: ادم انت بتحضر مؤتمرات ولا ايه
ادم: كنت لسه هقولك كده جاتلي الدعوه وبصراحه دي فرصه متتعوضش في وجود الدكاتره دي كلها
ميروز: وانا برده جاتلي الدعوه
ادم: مش ملاحظه التدبيسات كترت
ميروز: ههههههههههههه مش قلنا هنسميها صدف
ادم: صح عندك حق.. تحبي تقعدي قدام ولا ايه
ميروز: لا هنا كويس
ادم: انا برده بحب اقعد هنا مش بحب الدوشه ومش بعرف اركز في الكلام قدام
ميروز: هو ده السبب ههههههه انت طيب اووي
ادم: يعني ايه مش فاهم
ميروز: الصف الاول ده خبره الخبره وكبار الدكاتره
يليه الدكاتره النص نص ومعاهم العائله الكريمه حتي تتعرف الخبرات معا ويبقي يا بخت من وفق راسين في المؤتمر
تعالت ضحكات ادم : ههههههههههههه وانا االي كنت مفكره مؤتمر
ميروز: بقي نادر لما تلاقي دكاتره جايه تتعلم فعلا من خبرات القدام.. وان لقتهم هتلاقوه في الصفوف الخلفيه ملهمش في الامام
ادم : الحمد لله ان والدتي متعرفش الموضوع ده
ميروز: ههههههههه اي خدمه ممكن نعرفها
ادم : هههههههه لا شكرا في دي خصوصا مش عايز اي خدمات
ميروز: ههههههههههه
ادم: علي فكره انا عايز اشكرك
ميروز: انا ليه
ادم: علي سباعي لانه ساعدني فعلا كتيير وصعب تلاقي حد امين وهو ماشاء الله عليه
ميروز: الشكر لله هو سبب الاسباب وده خير قبل ما يكون ليك لسباعي وزينب
ادم : عندك حق فعلا صحيح ده عرفني ان فرحه قريب
ميروز: اه ان شاء الله
ادم : هتروحي
ميروز: اكيييييييد
ادم: يبقي ان شاء الله هروح انا كمان اصلي اتحرجت بصراحه لاني معرفش الا سباعي وهروح مش هبقي عارف حد
ميروز: لالا ده اهل سباعي ناس طييبه اوووي اول ما تقعد معاهم هتنسي الدنيا كلها
ادم : انتي تعرفيهم
ميروز: اها حضرتك كتب كتابه علي زينب وحبتهم اووي كفايه الطيب الي في قلبهم.. ومفيش نفاق ولا مجامله والكلام طالع من القلب فعلا
ادم: تعرفي انتي متواضعه اوووي
ميروز: مش مساله تواضع بس رحم الله امرء عرف قدر نفسه.. هتكبر علي الناس عشان دكتوره بقي واعيش الدور واصلا كل الي انا فيه من عند ربنا
ادم : قليل الي يفهم كده ومجتمعنا بقي اهم حاجه فيه المظاهر وبس واكتر حاجه تخنقي ان ابقي في مكان مش بيهتم الا بمركزك ومنصبك وعلمك ووو لكن في انسانيتك ونفسك لا دول ارميهم قبل ما تتدخل المكان وانت خارج خدهم معاك
ميروز: للاسف فيه كده.. تعرف الرسول كان متواضع اووي يجلس مع العلماء باين عليه العلم ويعلم الامه كلها واي حد عايز مشوره ونصيحه يساله وكان اما يمشي في السوق لو وجد ست كبيره او اي حد عايز مساعده يساعده رغم انه رسول الله ورئيس الدوله بس مكنش عمره يدخل ده في دماغه دايما يقول انما انا عبد الله وكان يرجع لبيته ويساعد اهله في امور البيت
وتقولي انا الي متواضعه نيجي ايه من تواضع الرسول
ادم: عليه الصلاه والسلام عندك حق
وابتدا عرض الامور الطبيه في المؤتمر واستمرت المناقشات بين ادم وميروز حول الامور والمعلومات الطبيه داخل المؤتمر
وانتهي اليوم وعاد كل منهم الي منزله الخاص
اخذ يفكر ادم في كلام ميروز الذي دائما ما يعجب بحوارها وطريقه تفكيرها
واخذت ميروز تفكر في الصدف التي تجمع بينها وبين ادم
في اليوم التالي
تدخل ميروز الي عيادتها لتجد ادم وسباعي وزينب مجتمعين
ادم : قريتي جرايد النهارده
ميروز: سلام عليكم الاول وصباح الخير ثانيا وثالثا لا خير متجمعين كده ليه
ادم : فيه مفاجاه هتبهرك
يتبع
بقلم : طمطم
0 تعليق على موضوع "قصة مرايا الحب - الحلقة 6"
الإبتساماتإخفاء