يوميات سحس وسحساية: قصة مرايا الحب - الحلقة 5

الحلقه 5

تخرج ميروز من الشقه لتستقبل ادم امام المصعد
ميروز: ايه الاخبار يا دكتور
ادم: لسه فيه شويه حاجات برتبها والعمال خلصو دخول الاجهزه
ميروز: اومال فين الترجمي او اي حد يساعدك
ادم : لا انا لسه موظفتش حد ومش معايا حد
ميروز: انا خلصت شغل وسباعي هنا وزينب كمان
ادم : انا متشكر انا هقدر اخلص الحاجه مفيش مشكله
ميروز: علي فكره انا مش بعرض انا بعرفك بس ده حق الجار.... سباااعي زيينب تعالو ورانا شغل

دخل كل من سباعي وادم وميروز وزينب الي عياده ادم وشرع كل شخص بالقيام بمهامه

انشغل ادم باعداد اجهزته وقامت بمساعدته ميروز لمعرفتها بالاجهزه الطبيه
واثناء العمل انشغلا بالحديث معا

ميروز: انت عندك تمرجي بس مشي ولا كنت تقصد مش عندك خالص

ادم: انا في العياده التانيه عندي عم رجب رجل طيب بس السن وكده قالي الامر هيبقي صعب عليه يجي كل المسافه دي بين العيادتين ويواظب.. والصراحه انا مقدر تعبه وقلت هتصرف

ميروز: امممم طب انا لقتها ايه رايك تشغل سباعي معاك هو امين جدااا وحتي ممكن تشغله تحت التدريب وشوف بنفسك

ادم: سباعي طيب باين عليه وحتي ساعدني بس انتي مين هيبقي معاكي

ميروز: هشغل زينب.. اصلك مش فاهم.. والد سباعي كان شغال مع بابا الله يرحمه وبعدين والد سباعي مات وبابا عرف ان كل الحمل بقي علي سباعي شغله معاه ودلوقتي بابا الله يرحمه كمان وسباعي انا احتجته اوووي وساعدني كتيير وعينته عندي بيساعدني وفي نفس الوقت بيكون نفسه عشان يتجوز زينب هما اللاتنين مكتوب كتابهم بس لسه بيبنو بيتهم مع بعض

ادم: اااااه كده فهمت.. انا معنديش اي مشكله كنت لسه هدور علي حد امين بس مدام سباعي بنفسه هيوافق يبقي مفيش مشكله.. وربنا يوفقهم في حياتهم يارب

ميروز: ده هيفرح اووي اصلا مش بيحب ان زينب تشتغل وكان طالب منها تقعد في البيت عشان خايف عليها من البهدله دلوقتي اما يعرف انها هتشتغل عندي مش هيمانع ان شاء الله

ادم: يارب ميمنعش وشكر جدااا انتي نجدتيني

ميروز: اي خدمه اي مشكله ليها حل ان شاء الله

ادم: طبعا شكلك مش تخصص مشاكل زوجيه بس لا دي كل المشاكل

ميروز: ههههههههه شكرا . . . سباااااعي يا زييينب تعالو عايزنكم

وقام كل من ادم وميروز باطلاعهم بالاخبار واخذ موافقه سباعي وزينب علي هذه القرارات
وبالفعل وافق سباعي علي العمل مع ادم و زينب مع ميروز

وفي اليوم التالي حضر كل منهم حسام ويسرا الي ميروز التي كانت في انتظارهم

ميروز: صباح الخير ها ايه الاخبار النهارده
حسام: الحمد لله
يسرا: الحمد لله
ميروز: كويس اوووي.. المره الي فاتت كل واحد اتعرف على عيوب التاني وصارحتو بعض النهارده بقي هنحاول نحل الامور دي مع بعض..

حسام: ايوه عرفيها الاخت الهسهس دي تبطله
يسرا: وانت كمان بطل قساوه القلب الي فيك دي

قامت ميروز باخراج الصفاره من احدي الادراج واصدرت صوت منها
صمت كل من يسرا وحسام

ميروز: المره الي فاتت معرفتوش تسمعوني فجبت الي اقدر اتواصل بيه معاكم
..نبدا بقي الشغل

حسام ويسرا: اتفضلي

ميروز: مبدايا استاذه يسرا النضافه حلوه وكويسه والنظافه من الايمان.. بس كل شئ بحدود احسن لان الشئ الي يزيد عن حده يتقلب لضده فيه فررق كبير بين النضافه وبين التدقيق في كل ملي ميكرو وكل ذره في بيتك علي حسب ما قال استاذ حسام
..اكتر حاجه تخنق الراجل هي القيود والحدود صدقيني
انتي لو محبوسه في قفص هتحسي بايه،؟؟

يسرا: اني بموت بالبطئ وحتي لو باكل وبشرب ايه فايده ده وانا مش عايشه بحريه

ميروز: تمام اووي هي الفكره كده انتي حابسه حياتك وزوجك في نطااق انك كده بتحمي نفسك وبتحميه من الميكروبات علي كده احنا ميتين من وجه نظرك.. الحياه مش عايزه كميه الخوف ده.. جربي تعيشها صح وبلاش عيشه الكمال الي بتحولي توصليها لانها مستحيله عيشي الحياه ببساطه وعفويه
كمان حاجه مش كل حاجه لازم تكون بالمسطره ومنظمه ومرتبه جربي كده تعيشي حياتك ولو ليوم بتلقائيه تسيبي الصدفه تدخل من شباب بيتك وشوفيها هتعمل ايه في حياتك . .صدقيني هتلاقي لحياتك طعم تاني
الخوف اسوء عدو للإنسان خوف من انك تعيشي حياتك زي ماانتي خوفك من المجهول خوفك من ان كل حاجه تضيع منك . . اتغلبي علي خوفك يبقي قدرتي فعلا تنظمي حياتك

حسام: ايوووه نفسي تفهم كده ده انتي خنقاااني خنقاااني

ميروز: وانت يااستاذ حسام

يسرا: هاها استلقي وعدك
حسام: يسرااا

ميروز: مش هتتشاكلووو تاني

استاذ حسام بحكم شغلك ووظيفتك طبعك بقي قاسي وناشف وده طبيعي بس لازم تعرف تفصل بين حياتك وبين شغلك

حسام: ههههههههههههههه وده مين الي يقدر يفصل ده ابقي قابليني

يسرا: يعني انا الي احاول اتخلي عن عيوبي وانت لا
ميروز: براحه من غير خناق تاني والي يجبلك مثال انه قدر يفصل ونجح في كده كمان
حسام: هو فين ده

ميروز: فيه وتعرفه هو فيه احسن من الرسول اظن بقي مكنش مجرد تدريب اشبال لا كان وسط حروب ومعارك وتعذيب ليه وللمسلمين من الكفار ووسط اذي كل الناس ليه
عمره ما عامل اهل بيته بقسوه واهمال
بالعكس ده كان بيسابق السيده عائشه وكان يعمل فيها مقلب ياكلها الاول عشان يعرف يسبقها عمر الحب ما يقلل من قيمتك ولا انك كويس مع مراتك يبقي انك مش راجل
..
و الرسول بشر برده وادانا خير مثال ان الانسان قادر يفصل بين حياته وعمله
الرجل الحق الصحيح هو الي يبقي راجل بعقله في شغله وبقلبه في بيته
مش معادله صعبه اووي عشان تقدر تحققها

يسرا: يااااريت يفهم ويطبق شوفت بقي ياريتك تكون ربع الرسول بس

حسام: وانتي كمان غيري من نفسك بس وشوفي الانبهار الي هتلاقيه فيني

ميروز: ههههههههههههه كل واحد مستني التاني يبدا ليه.. الحب انك تغير من عيوبك عشان تشوف في عين الي بيحبك نظره عمرها ما تتنسي.. اسمها نظره الفخر.. فخور ان قلبه مليان حب للشخص ده

حسام : وانا هحاول فعلا اتغير
يسرا: وانا عشانك وعشان نفسي وعشان ابني

ميروز: ربنا يوفقكم واشوفكم مره تانيه ان شاء الله جربو الي قلناه النهارده.. المحاوله حاول واتعب واعمل الي عليك يمكن متلقيش نتيجه بس يكفي المحاوله يكفي ان جواها معني كبير وهي انك بتحب..

حسام ويسر : تمام ان شاء الله . . سلام عليكم

ميروز: عليكم السلام

تخرج ميروز لزينب فاذا بها تجد رجل طويل القامه ويرتدي نظاره شمسيه سوداء يجلس بمفرده تبدو عليه الهيبه كما يبدو عليه الغموض

زينب: دكتوره الشخص ده قاعد من زمان وعايز يدخل لحضرتك
ميروز: غريبه هو مش شايف اليافطه الي برده ولاايه انا كاتبه ازواج مش سناجل غريبه دي

زينب : تحبي امشيه
ميروز: لا دخليه اما اشوف عايز ايه الاول

يدخل الشخص الغريب ويجلس امام ميروز ولازم الصمت

ميروز: اقدر اساعد حضرتك بايه

مراد: انا عارف انك مستغربه اووي عن سبب وجودي هنا وانك المفروض دكتوره نفسيه للمشاكل الزوجيه فقط

ميروز: الحمد لله ان حضرتك عارف تخصصي ايه

مراد : انا اسمي مراد سني 40سنه وبشتغل صحفي في مجله ومتزوج او كنت مش عارف او مش قادر احدد

ميروز: يعني ايه مش قادر تحدد

مراد: انا وزوجتي حب من الكليه وبدانا السلم مع بعض كانت نفس سني ونفس تخصصي.. من واحنا في الجامعه وبنحب بعض اتخطبنا رغم ان كنا صغيرين بس لقيت فيهت نفسي وهي كده كمان وبعد الكليه علطول اتجوزنا فضلت جمبي طول مشواري لحد ما بقيت ما انا عليه دلوقتي
وطبعا وصلت للي انا فيه بعد وصله تضحيات منها تضحي بوظيفتها عشان تهتم بالبيت والاسره وتكون لاولادي اب وام وعوض عني عشان انشغالي بمستقبلي وطموحيز
وتضحي بجزء من كرامتها لما تستحمل المعجبين بالصحفي المشهور المعجبين يشخصيه واحد عمره ما فكر يكافئ الي كانت سبب في تكوين الشخصيه دي

وتضحي بحبها وبنفسها لما متلقيش جمبها شريك حياتي معظم الوقت معظم ايه اقصد كله
ضحت كتييير عشاني يمكن مكنتش شايف كل ده
صحيت علي كل ده عن طريق ورقه..
ورقه محكمه ودعوه طلاق منها

فجاه حسيت ان اول مره في حياتي فعلا ادوق طعم الفشل.. مع اني كتير وقعت بس هي كانت جمبي وبتشجعني اقف من تاني
اول مره اعرف اني من غيرها فعلا مفيش . . هي الروح والاسره والحياه والوظيفه والبيت والحب
انا اكتشفت ان رغم كل الي وصلت ليه بس انا الي حققته فعلا صفر . . ايه فايده الي ححققته مدام مش هشوفه في عيون حبيبتي . . ايه فايده نجاحي لو ابني مقاليش انا فخور بيك يا بابا . .
طب لو راحت مني هقدر اعيش. . .
احنا ليه مش بنعرف قيمه الحاجه الا لما تضيع انانيه مننا وطمع ناخد اكتر
اكتر ما ندي ومش بنهتم بالي بايدينا
هو احنا ليه ولا مره فكرنا نحافظ علي الي اغلي من روحنا لاننا احتكرناه وضمنا انه عمره ما هيضيع
هو انا ليه سمحت للدنيا تاخدني من احلي حاجه في حياتي وابقي مجبر اموووت وانا عايش
انا للدرجه دي موت قلبي بايدي خليته يسيب الانسانه الوحيده الي ملكته طب بعدها هلاقي مين
هلاقي مين يصبرني علي كل حاجه في الدنيا ويقويني ويرجعلي ابتسامتي
انا مش مستوعب ازاي سمحت بنفسي انها تضيع مني
انا اغبي واتعس انسان في الوجود لاني ضيعت روحي وبايدي انا مش بسبب حد تاني

انا . . انا . . . نفسي اقولها حاجه واحده

يتبع

بقلم : طمطم

فندومة