تخرج ميروز للبحث عن سباعي
ميروز: انت فين يا سباعي برن الجرس ليك وانت ولاهنا.. مش تشوف الناس الي جوه تشرب ايه
ادم: اتفضل يا سباعي شكرا جدااا الشاكوش فتح القفل فعلا
ميروز: اددددم!!!
ادم : ميروز!!!
سباعي: انتو تعرفو بعض ! !
ادم: انتي هنا ازاي
ميروز: انت الي هنا ازاي دي عيادتي
ادم: انا عيادتي الجديده هنا .. الشقه الي قصادك دي..اشترتها من اسبوع تقريبا وهبقي هنا تلات ايام وفي عيادتي القديمه باقي الاسبوع
ميروز: الشقه الي قصادنا ! !
ادم: ايوه بس صاحبها نسي يديني مفتاح القفل وداني مفتاح الباب . . فسباعي لقاني محتاج مساعده وساعدني
ميروز: اهلا بيك
ادم: دي عيادتك؟؟ بس ليه مفيش يافطه بره
ميروز: لا كان فيه بس مكنتش بحطها عشان مفيش زباين اصلا ومكتفيه باليافطه الي قدام العماره
ادم: ههههههههه ربنا يبعتلك
ميروز: لا ما الحمد لله فورجت من وسع
ادم: هههههههههههههههه بالتوفيق وصدقيني المره دي مش تدبيسه
ميروز: ههههههههههه صدفه تمشي احسن ... اسفه مضطره استاذن عندي ناس جوه
ادم: اتفضلي وشكر جدا علي المساعده
ميروز: مفيش شكر بين الحيران
ادم: هههههههههه تمام اسيبكم واشوف العياده وترتيبها والاجهزه
ميروز: ربنا معاك
ادم: يارب
تتجه ميروز للداخل وهي تُحدث نفسها
ميروز: صدق الي قال مصر اوضتين وصاله
سباعي: دكتوره بتقولي حاجه
ميروز: هه لا ابدا . . . الناس جوه زمانها خللت بسرعه حصلني بالقهوه
تدخل ميروز الي كريم واميره
ميروز: اسفه جداا علي التاخير
كريم: مفيش مشكله
اميره: لا ابدا مفيش مشكله
ميروز: ها تحبو نتكلم في ايه
اميره: بوصي هو الصراحه احنا جايين عشان تشوفيلنا حل في مشكلتنا
ميروز: خير ان شاء الله
اميره: انا وكريم جوازنا تقليدي ووالدته الي رشحتني ليه
كريم: بس لو مكنتيش عجبتني مكنتش هوافق يا اميره
اميره: استني يا كريم.. انا كنت مفكره كده ومفكره ان كل حياتنا هتبقي فعلا من دماغنا لكن لا.. زي ما والدتك اخترتني اختارت كل حاجه حياتنا تمشي ازاي وبيتنا عامل ازاي وشغلك يبقي فين حتي يوم اجازتك نقضيه فين
كريم : امي من خوفها علينا بتنصحنا
اميره: لو علي النصيحه ماشي لكن دي تعتبر هي الي مشينا حياتنا واحنا مش مطلوب منا الا حاضر وبس
كريم: اميره انتي ست البيت واظن لما طلبت منك متشتغليش قلتي عادي وبقي البيت هو كل شغلك
اميره: كنت مفكره كده لكن انا بقيت موظفه في بيتي نطبخ ايه ونشرب ايه لازم استشير والدتك
كريم: قلتلك كل ده هيتغير لما نخلف
اميره: ها ها لييه مجنونه عشان اخلف واجيب ابني يعيش في السجن زي
كريم: حياتك معايا سجن يا اميره
ميروز: ممكن اتكلم انتبه كل من كريم واميره لحديث ميروز
كريم واميره:اتفضلي
ميروز: ممكن نهدي شويه
كريم واميره: تمام
ميروز: استاذ كريم حضرتك متجوز اميره جواز تقليدي بس ملاحظه انك بتحبها هل احساسي صحيح ولا لا وياريت الصراحه عشان اقدر اساعدكم
كريم: انا قبل الجواز مكنش ليا خبرات نهائي وده الي خلي والدتي تدور علي عروسه مناسبه ليا واختارت اميره وانا والله من اول يوم شفتها حبتها ومع الايام زاد حبي ليها وبقت اختي وحبيتي وزوجتي وكل حاجه في حياتي
ميروز: وانتي يا اميره بتحبي كريم ولالا
اميره: كنت بحبه
ميروز: ههههههههههه مفيش حاجه اسمها كنت وكان دي . . الحب مفهوش كنت.. حبيتِ يبقي عمرك ما هتنسي وعمر القلب ما بينسي.. ذاكره القلب هي الذاكره الوحيده الي عمرها ما يجلها زهايمر لانها مرتبطه بالروح وروحك عمرها ما تروح الافي حاله واحده هي الموت
اميره: كريم من اول ما اتقدم ليا وانا معجبه بيه ويوم ورا يوم حبه كبر في قلبي حبيت قلبه الطيب وهدوئه وعقله وتفكيره.. قالي شقتنا هتبقي جمب والدتي لاني الابن الصغير ومتعلقه بيا اووي واخر العنقود قلت تمام مش مشكله بالحب هنقدر نعيش بس بعد فتره قالي بطلي شغل قلت ماشي اصلا عشان اهتم ببيتي وحياتي وعشان كان نفسي فعلا اكون ام واشوف ابني منك لانك حبيبي وعايزه استعد للمرحله دي فجاه بقي لقيت والدته بتتدخل في كل كبيره وصغيره وحتي بيتي مبقاش بيتي وحياتي بقت من تخطيط حماتي.. وهو عليه حاضر وبس وبالاسم طاعه الوالدين طيب وراحه الزوجه فين.. تقدري تقولي اوافق اني اخلف ازاي بقي وحياتنا احنا الي عايشين مش في أيدينا
كريم : دي امي يا اميره وقلتلك مليون مره الدنيا كلها في كوم وامي في كوم
اميره:انا مقلتلش تعصي والدتك بس مش معني كده تيجي علي حسابي انا
ميروز: طيب وليه تيجي عليها وليه تيجي علي زوجتك
كريم : يعني ايه
ميروز: حضرتك بتسوق
كريم: ايوه
ميروز: ولو الست الوالده او اميره بتركب معاك ايه بيحصل
كريم: بيبقي يوم مطلعتلوش شمس... حاسب المطب ده وحاسب العربيه دي شوف شوف العربيه الي قدامك وانت ماشي بسرعه اد كده ليه حاسب حاسب وايه الي عامله في العربيه دي ووووووو
دماغي بيصدع وبتخنق وببقي علي اخري
ميروز: امممم طب ما هو ده بالظبط الي اميره حاسه بيه
نظر كريم لاميره ولازم الصمت
ميروز: انت بتحب اهلك وبتحب اميره وعارف ان من خوفهم بيعملو الحركات دي وانت بتسافر ورغم انك عارف انهم بيحبوك وده من اهتمامهم الا ان ده بيضايقك ليييه لانه جه علي حاجه معينه فيك وضغط عليها اسمها خصوصياتك.. كل انسان ليه خصوصيه وليه كيان ميحبش
حد يتعداه او يشاركه فيه
اميره: عندك حق والله
ميروز: استاذ كريم مفيش اعتراض بين طاعه والدتك وبين انك تعيش حياتك وهي لازم تعرف ده هي كمان.. انت نفسك تشوف ابنك بس يا تري اما يجي مين هيسميه ومين هيربيه ما ممكن والدتك تتولي الموضوع ده.. استاذ كريم دي حياتك انت مش حياه والدتك انت واميره وبس الي تقرروا كل حاجه فيها
كريم: بس امي تزعل لو ناقشتها في اي حاجه ولو اعترض علي شئ يبقي بعصاها ومش بحبها
ميروز: كل انسان وتعوده.. انت عودتها علي كده مهما كان الامر الي هي عايزاه انت بتقول حاضر وبس وهي كمان مش هتحس انه بيضايقك لانها شايفه القبول منك.. لكن لو انت اكيييد وضحتلها ان الموضوع بيضايقك ومش موافق اكيد حتي لو بينت انها زعلانه من جواها هتبقي عارفه انك مبسوط فهتفرح
كريم: يعني اقول لامي لا هو ده الحل ؟ ؟
ميروز: انا مقلتش كده.. الحل ببساطه انك واميره تستقلو بحياتكم وتعيشوها على مزاجكم انتو مش حد تاني.. وافتكر دايما العربيه هتعرف كويس انه هو ده الحل المناسب
اميره: انا مش عارفه اقولك ايه اخيرا لقيت حد يوضح وجه نظري
ميروز: بوصي يا اميره انت عندك حق بس برده لازم تسايسي امورك عدي مره وامسكي مره . . .وواحده واحده الامور هتشمي.. الحياه مش خسران وكسبان لا فيها ده وده يعني مره ليكي ومره عليكي لحد ما والدته تتقبل الموضوع وكل شئ يبقي طبيعي
كريم: ايوووه انا عايز كده تصبر معايا شويه وتعرف اني امي دي حياتي برده ولولاها انا مكنتش عرفت احلي حاجه في حياتي انتي يا اميره
اميره: امري الي الله هصبر وهعدي وهستحمل
كريم: طيب وابننا يا اميره
اميره: يوم ما احس ان بقي ليا بيت وحياه اكيد هتلاقيني قبلك نفسي في حته منك
كريم: وانا هحاول فعلا اخلي حياتنا لينا وبس
ميروز: ربنا يوفقكم يااارب ولو اي مشكله طرأت عليكم انا موجوده
كريم: انا متشكر جدااا
اميره: شكرا ليكي
ميروز: العفو انا معملتش حاجه وانتو حاولو مع بعض واكترمن مره وفكرو في حلول كتيره. انكم تنسحبو بحياتكم بعيد عن والدتك يا استاذ كريم استخدمو حبكم في مواجهه اي مشكله تقابلكم
ينظر كل منهما للاخر بعين الحب
كريم واميره: ان شاء الله
يخرج الزوجان متشابكين الايادي ويظلل عليهم الحب والسعاده وبداخل كل منهم الامل في محاوله تغير الواقع
تخرج ميروز من المكتب
ميروز : سباااااعي
سباعي : ايوه يا دكتوره
تنظر ميروز لتجده يقف بجوار زينب
ميروز: ايه ده هي زينب هنا
زينب :ازيك يا دكتوره.. اصلي كنت جايبه الاكل لسباعي
ميروز: ربنا يخليكم لبعض ياااارب ..انا خلصت النهاره هروح البيت بقي
تخرج ميروز من الشقه لتستقبل ادم امام المصعد
ميروز: ايه الاخبار يا دكتور
ادم: لسه فيه شويه حاجات برتبها والعمال خلصو دخول الاجهزه يدوب بخرج شويه كراتين من جوه
ميروز: اومال فين التمرجي او اي حد يساعدك
ادم : لا انا لسه موظفتش حد ومش معايا حد
ميروز: انا خلصت شغل وسباعي هنا وزينب كمان
ادم : انا متشكر انا هقدر اخلص الحاجه مفيش مشكله
ميروز: علي فكره انا مش بعرض انا بعرفك بس ده حق الجار.... سباااعي زيينب تعالو ورانا شغل
يتبع
بقلم : طمطم
0 تعليق على موضوع "قصة مرايا الحب - الحلقة 4"
الإبتساماتإخفاء