حسام : بوصي انا مبدايا مش تعبان ومش عندي اي حاجه ولا كان عندي مرض نفسي عشان اجي هنا . . ولا ان الي جمبي دي حامل
والمفروض انفذ طلباتها مكنتش جيت اصلاا
يسرا : حساااااام
حسام : عايزه ايه بقول الصراحه انا ومتعليش صوتك ياااااا بت
ميروز : هيييي هيييي يا جماعه براحه ونهدي وده اولا عشان البيبي وثانيا عشان نعرف نتكلم بهدوء
حسام : تمام اسف علي انفعالي
يسرا : اوك هديت
ميروز : ايوه كده نعرف نتكلم ببقي
حسام : اتفضلي
ميروز : مبدايا انتو مش هنا عشان تعابنين ولا حاجه بلاش الفكره دي يا استاذ حسام احنا هنا بنندردش وبس.. ها نبتدي كلامنا . . . اتجوزتو ازاي ؟ ؟
يسرا : انا كنت بحب اروح النادي دايما ووقتها كان حسام لسه بيتدرب في فريق النادي مش الكابتن.. كنت معجبه بيه وبقوته في بطولات النادي دايما الأول يمكن هو لاحظ اني مش بفوت ولا تدريب ليه ولا بطوله وكنت مشتركه في نشاطات كتير في النادي كمان يعني متواجده علطول فيه.. لحد ما في يوم لقيته عندنا في البيت يتقدم ليا كان بيحبني زي ما بحبه
حسام : في النهايه كل انسان لازم يكون بيت واسره برده
يسرا : متاخديش علي كلامه اصله عامل زي عضلاته صلب بس لكن قلبه مش كده خالص
تنظر لها ميروز ثم تقول : احلي حاجه انكم فاهمين بعض
حسام : يعني اهو مفيش مشاكل بينا مش يلا بينا بقي
ميروز : استاذ حسام مش ملاحظ ان حضرتك مقلتش اتعرفت علي يسرا ازاي وهي الي بتتكلم بس... طيب نسال سؤال اسهل يسرا بالنسبه ليك ايه
حسام : مراتي وحبيتي وهي الي مكمله المشوار معايا
ميروز : اممم تمام اوووي ممكن كل واحد يقول رايه في التاني بصراحه وبلاش الكلام الروتيني يعني عايزه فعلا الصراحه
يسرا : حسام صعب ونادر ما تلاقيه رومانسي وطول النهار في النادي ضرب في ده وخناق مع ده وبيدرب ده وبينعكس ده في البيت كمان. علطول منفعل و شديد.. انا نفسي بستغرب اوقات وافقت عليه ازاي يمكن عشان مرايه الحب عاميه... لما يزعل بيفكر بعضلاته غير كده مفيش
حسام : صدقيني بعد الكلام ده لو كنتي واحد من الي بيدربو عندي كنت عملت فيه باور سلام
يسرا : اهو شفتي وبعدين هي قالت قولو الصراحه مغلطتش دي الحقيقه
حسام : طيب وانتي دايما موسوسه وعندك هسهس في دماغك وكل حاجه في البيت لازم تبقي بنظام وبوقت محدد والاكل بميعاد والشرب بميعاد واللبس كله لازم مكوي حتي لو لبس بيت لا ولو فكرت اجيب حاجه من بره البيت لازم تقرير منين والمحل مشهور ولا لا ونضافته عامله ايه... ده انتي في كل ركن في البيت فيه باكست زباله وفي كل اوضه علبه مناديل ده لو مستشفي مش هنعيش كده
يسرا : الحق عليا اني عايزه اعيش في مكان نضيف وكمان ابني الي جاي ده مش يطلع يلاقي كل شئ نضيف ولا المكان وحش ويموت من الامراض والاوبئه
حسام : هو هيموت من الخنقه الي انتي عملاها
يسرا : هيموت من عصبيتك وانفعالك ده
حسام : انا مش منفعل خااالص ودي طريقتي في الكلام وانتي عارفه كده
يسرا : لا عصبي وبتتغابي في كلامك كمان
حسام : يسرااا متخلنيش اوريكي العصبيه على حق قالها حسام وهو يقفز علي الاريكه
تتبعه يسرا ثم تقول : امسك ايدي كده اطلعلك
.... ووريني بقي العصبيه علي حق
اخذ ينظران احدهما للاخر ومن ثم نظرا لميروز الجالسه علي الكرسي تنظر اليهم وتلوح بيدها
عاد كل منهم الي مكانه
حسام : احم اسف
يسرا : اسفه جداا
ميروز : محصلش حاجه المهم ارتحتو شويه
نظر حسام ليسرا وقال : ها ارتحتي؟؟
تنفست يسرا بعمق ثم قالت: تقريبا الحمد لله
ميروز: تمام اووي ان شاء الله تكرروا الزياره ليا بعد بكره مناسب ليكم
حسام : هو كده خلاص
يسرا : بس انتي مقلتيش لينا علي حل ولا اي حاجه
ميروز : ههههههههه هو انتو متخيلين ايه.. هتحكو واديكم الخلطه السحريه ولاايه
يسرا : لا بس احنا جايين عشان نعرف احنا كزوجين مناسبين لبعض ولا لا وابني الي جاي هيبقي فخور بينا ولالا
حسام : يبقي يقول نص كلمه وانا العب بيه اكس بوكس
يسرا: اكس مييين حساام متخليش الجنونه تطلع تاني
ميروز: اهدوا اهدوا.. مع الايام يا يسرا هتعرفي اذا كنتم فعلا جديرين بطفل ولا..
انتو دلوقتي بداتو البدايه الصح
حسام : ازاي يعني
ميروز: الصراحه.. انك تصارح شريك حياتك علي كل حاجه واي حاجه سواء هتضايقه او هتفرحه.. سواء ميزه او عيب فيه.. انك تسمع للتاني وتشوف هو شايفك ازاي.. تتقبل الي قاله مهما كان ايه .. الخطوه الي بعد كده بقي...
ثم صمتت ميروز
وتابعت الحديث
ميروز: هنعرف المره الجايه ان شاء الله ايه الي جاي
حسام: تمام شكرا لحضرتك
يسرا: شكرا جداا ليكي نستأذن بقي سلام عليكم
ميروز : عليكم السلام ورحمه االله
يخرج الزوجان وتتبعهم ميروز
ميروز : سبااااعي سبااااعي
سباعي : ايوه يا دكتوره
ميروز: انا خلصت النهارده وهروح بقي يلا خلي بالك من العياده
سباعي : تمام يا دكتوره
تذهب ميروز لامنيه لزيارتها والاطمئنان علي يارا
ميروز: حبايبي قلبي عاملين ايه
امنيه: حنيتي علينا اخيرا من يوم العيد ميلاد ومجتيش تزورينا يا ميروز
تجري يارا باتجاه ميروز لتلقي نفسها في احضانها يارا: خااالتو وحشتيييني
ميروز: وانتي وحشتيني اوووي وعارفه جبتلك ايه يا احلي يويو الشيكولاته الي بتحبيها بس ناكلها ونغسل اسنانا علطوول
يارا: حاضر
امنيه: تعالي بقي ليا
ميروز: محسساني اني هقابل الوحش براحه
كده عليا واهدي احبيتي ليجيلك شوجر
امنيه: انتي يا بنتي هتسبيني الا لما يجيلي كل حاجه
ميروز: بعيد الشر عنك يا امونه
امنيه : ها بقي احكيلي اخبارك ايه
ميروز: اخيرااا جالي زوجين وبدات معاهم ومش قادره اوصفلك سعادتي اد ايه
امنيه: كويس وها ايه تاني
ميروز: بقولك بدات شغل وتقولي ايه تاني هو فيه احلي من كده
امنيه: اه فيه انك تيجي تقولي اتخطبت واتجوزت
ميروز: وانا اعمل كده من وراكي يا خط.. واتجتل والطار ولا العاااار
امنيه: بت انتي متقلبيش الليله هزار وتلفي وتحوري في الموضوع
ميروز: بوصي يا امنيه يا حبيتي
امنيه: بصيت يختي كلي بعقلي حلاوه وثبتيني بكلمتين
ميروز: لا مش هثبتك ولا حاجه
امنيه: اومال ايه
ميروز: انتي سعيده انتي واحمد
امنيه: الحمد لله
ميروز: واما بتشوفي بنتك بتحسي بايه وابنك
امنيه: بحس اني ملكت الدنيا ومش عايزه حاجه اكتر من كده... دي نعم كتييره عليا ودايما في صلاتي بحمد ربنا عليها
ميروز: ربنا يديمها عليكي يا حبيتي يارب وميحرمكيش من اي حد منهم يارب
امنيه : يارب امييين
ميروز: حياتك دي حلوه عشان كانت من اختيارك مش مفروضه عليكي ولا كانت اجبار وقرار اتفرض عليكي.. انتي الي اخترتي احمد لما اتقدم عليكي رغم ان كان فيه غيره ومتيسرين ماليا اكتر بس اخترتيه عشان ده الي نصيبك ولما قعدتي معاه حصل قبول وقولتي ده نصيبك...
وعشتو مع بعض رمع الأيام عرفتي فعلا انه كان يستاهل حبك ليه وانه فعلا الرجل المناسب ليكي
امنيه: ده صحيح فعلا
ميروز: انا بقي عايزه احس بكل ده... عايزه احس ان نصيبك جاي وانه اختارني وانا اختارته.. عايزه اعيش حياتي بنفسي مش حد يفرضها عليا ولا حد يضغط عليا لمجرد رقم ييزيد علي عمري وناس بتقول كلام.. الحياه بنعيشها مره واحده فمش هعيشها للناس اكتر ما هعيشها لنفسي.. دي حياتي وانا الي برسمها بايدي
امنيه: ولا مره كلمتك في الموضوع الا وقدرتي تثبتيني
ميروز : نفسي تفهمي ان الموضوع كله قسمه ونصيب وانا راضيه الحمد لله بحياتي ومش زعلانه بالعكس مستمتعه بكل جزء فيها
امنيه: ربنا يرزقك بزوج يسعد ايامك كلها
ميروز: يااارب ويهدي قلبك الي خايف عليا ليل نهار ده
امنيه: انتي بنتي ازاي ميقلقش عليكي
ميروز: ربنا يخليكي ليا يا احلي عيله ليا في الدنيا
تقضي ميروز بضع الوقت مع اختها
وتعود الي شقتها التي تبعد بضع الامتار من شقه اختها لتكون بالقرب منها فبعد وفاه والده ميروز لم تستطع اختها تركها بمفردها في بيت العائله وكذلك رفضت ميروز التطفل علي حياه اختها وقررت السكن بالقرب منها فقط وايضا في ذلك الوقت قررت ميروز السفر للخارج لاستكمال دراستها . . .
تستقبل ميروز فراشها بسعاده بالغه من انقضاء هذا اليوم
وتغوص في الاحلام الي صباح اليوم التالي
في الصباح وفي عياده ميروز يدخل زوجان لطلب الدخول الي ميروز
سباعي: دكتوره فيه بره كشف وعايز يدخل
ميروز: حسام ويسرا ميعادهم مش النهارده
سباعي : لا دول اتنين تانين
ميروز: ده بجد الله ينور... واضح ان الاعلانات والدعايا عملت شغل.. احم دخلهم بسرعه
يدخل الزوجان وبعد الترحيب
كريم : انا كريم 22 سنه وشغال في بنك
اميره: اميره 22 سنه وربه منزل
ميروز: اهلا بيكو ندخل في الموضوع علطول بس ثواني اعذروني بس خمس دقايق وهرجع
تخرج ميروز للبحث عن سباعي
ميروز: انت فين يا سباعي برن الجرس ليك وانت ولاهنا.. مش تشوف الناس الي جوه تشرب ايه
ادم: اتفضل يا سباعي شكرا جدااا الشاكوش فتح القفل فعلا
ميروز: اددددم!!!
ادم : ميروز!!!!
يتبع
بقلم : طمطم
فندومة
0 تعليق على موضوع "قصة مرايا الحب - الحلقة 3"
الإبتساماتإخفاء