ميروز: بس ممكن اسال
ادم : اتفضلي اكيد
ميروز: يعني انا وعرفت سبب ان اختي بتعمل الافلام العربي دي ليه.. عشان السعاده عندها في انها تشوفني في عش الزوجيه وعندها السن ده سن الخطر وسارينه الانذار شغاله عندها..
ادم : هههههههههه عندك حق لما قلتي انها والدتك اتفضلي كملي كلامك
ميروز : انت بقي دكتور اسنان ومخلص من زمان ليه مرتبطش لحد دلوقتي.. ايه بتروح لدكتور نفسي ولا ايه
اصل اليومين دول الي مش مرتبطين يا دكاتره نفسين يا مرضي نفسين
تعالت ضحكات ادم من كلمات ميروز التي شجعته الي الحديث وإبدااء السبب
ادم : زي ما الطب النفسي كان شغفك انا كنت بحب دراستي اوووي.. لا كان ليا تعارف ولا جو اصحاب واتخرجت بتقدير كويس ومفضلش دلوقتي غير الارتباط زي ما والدتي دايما بتقولي خلاص اتعلمت واتخرجت وبقيت دكتور وكملت دراستك عشان تبقي دكتور كويس لما تفتح عياده ويبقي ليك مركز ومتبقاش الا الزوجه الي تكمل حياتها معاك... وفضلت هي تدور بس تقدري تقولي قسمه ونصيب
ميروز : بالنسبه ليا انا مستوعبه كل الي بتقوله عشان عشته... بالنسبه ليهم دكتور وعنده 30 سنه ومرتبطش يبقي ليه؟؟؟ واول سؤال اكيد يتسال انت مرتبطش ولا مرتبط والغمزه الي بتتعمل دي ويتقال هسسس حبتش يعني
ادم : هههههههههههه حب ! !
ميروز: ايه مفيش ولد محبش ولا بنت كمان واي حد قال غير كده يبقي كداب كدااااب
ادم :ههههههههه معني كده انك حبيتي او بتحبي يعني
ميروز : حب من طرف نفسه
ادم : ههههههه طرف نفسه لا جديده دي افهم بقي ازاي . .
ميروز : الشاب بطبيعته يكبر يبقي يسمع عن الحب حابب يجرب يعني ايه ده وكلام من كده هووب يتعرف علي بنت و يرغي ويجرب الحب ويدوق الحب ويكبر والبنت تتخطب وهويتجرح ويتعلم ويكسب خبرات او البنت تكمل معاه وتبات ونبات . . . .
بالنسبه للبنت مخلوقه رقيق و رومانسيه بطبعها من صغرها بتدرو علي الحب في عيون الي حواليها . . بتحب بن عمها لو جابلها مره شيكولاته . . ولا تحب ابن الجيران الجديد تفضل مراقبه الشباك ليل ونهار حتي لو اصغر منها... او تحب الشاب الوسيم الي كل البنات ملهوفه عليه وهو عمره ما هيبصلها اصلا . . او تحب واحد مره بص ليها وطول في النظره
....كان في دماغها هي كده بتحب مع انها عمرها ما كلمت حد فيهم ولا حد اعترف ليها هو من نفسها ولنفسها لا هي عارفه ده ايه ولا عايزه تتكلم مع حد عنه حتي الشخص الي بتقول عنه حبيبها.... بس بتكبر وبتفهم مع الوقت ان ده مش حب ولا حتي اعجاب كان حاله هي سمتها حب . . . الحب اكبر من كده بكتير وبتفهم ان عشان تقول انا حبيت يبقي لازم شخص يستاهل
ظل ادم صامتا يستمع لكلام ميروز وهو مسمتع بكل كلمه تنطقها برغم الصراحه التي تمتلكها ميروز الا انها تحتوي قدر كبير من الاحترام والوعي وادراك الموضوع بابعاده الصحيحه
ميروز : دوشتك للدرجه دي
يستفيق ادم من استمتاعه بهذه الكلمه ويقول : انا اطلاقا انا كنت بستوعب كل كلمه لانها صح وحقيقة
ميروز : معني كده انك حبيت واتجرحت ولا مستني تبات ونبات
ادم: لا حب من طرف نفسه برده
ميروز : ههههههههههههه ده احنا كتير علي كده
ادم : اكتر مما تتخيلي . . مشفتش في جمالها كانت هاديه ورقيقه وكان الي يربطني بيها باب
.. كانت في كليه تجاره ومكنتش بشوفها الا عند بوابه الجامعه عرفت المواعيد الي ببتيجي فيها وبس اكتفيت باني اشوفها كل يوم وتشكر علي كده
ميروز : اه ويوم الصدفه جمعتكم وابتدت الشراره
ادم : لا فضلت ساكت ساكت ولا يوم فكرت اروح اكلمها واتخطبت وانا فضلت ساكت ساكت وتلاقيها دلوقتي معاها ايمن ولا امل وانا ساكت ساكت
ميروز : ههههههه ماشاء الله هو حضرتك دورك صامت بس ولا ايه
ادم : كان اول مره قلبي يتحرك اول مره احس بحاجه فيه لا عرفت اترجمها ولا اتصرف وكنت بدرس تقدري تقولي طريقك مسدود لا كان عندي جراءه ولا شجاعه ولا قادر اتحمل مسئوليه
ميروز : ففضلت ساكت ساكت ساكت
ادم : ههههههههههههههه السكوت احيانا كويس
ميروز :يمكن ده اعجاب برده لان الحب بيحرك اي انسان مش بيوقفه ساكت الحب ليه الطاقه السحريه والمعجزات الي تخلي المستحيل ممكن
ادم : يمكن مكنش حب اصلا محدش يفهم الحب ده ايه ولا عامل ازاي
ميروز : الحب هو كوبايه نسكافيه
الي اول مره تدوقها بتستطعمها رغم شويه مر في الاخر بس بتكملها ويعدي اليوم تلاقيك بتشرب تاني وتالت
بقت هي الافيونه بتاعتك وهي الي بتظبط يومك وحياتك بيه كويسه ومرتاح
وهووب ادمنت النسكافيه
لو قررت يوم تبطل نسكافيه هتحس انك عايش عادي مفيش مشكله
بس الي كان بيظبط دماغك خلاص راح
صداع وغم ونكد وحياتك مش هتتظبط الي كان ظابطها راح
ادم : ههههههههههه نسكافيه . . الحب بقي نسكافيه
ميروز : بحب استخدم التشبيهات معلش
ادم : بالعكس تشبيهك حلو . . . امممممم انا اشبه ليكي يبقي اقولك الحب هو
السنه اللبنيه الي عند الاطفال بيضه ونقيه اوووي بس لما بتقع بنزعل اووي عليها
ليه خسرناها عشان مكناش مهتمين باسنانا ولا ايه سبب اننا خسرناها
بس مع ظهور السنه الجديده بنفرح اووي ونقول هنهتم بيها عشان متقعش زي الي فاتت وفعلا السنه دي بتبقي اقوووي بكتير من الي قبلها . . اصل الي قبلها عرفنا قيمه الي جاي
ميروز : ههههههههه بجد تشبيه حلو جدااا يمكن احلي من بتاعي كمان . . كل شخص متاثر بشغله بقي
ادم : الحب والجواز ده رزق ومكتوب لينا ليه ميعاد محدد
ميروز : الله علي كلمه رزق دي عندك حق والله كل شئ في حياتنا رزق حتي ده كمان
ادم : محظوظ الي يترزق بزوجه صالحه وحياه كريمه مع بعض
ميروز : بالحب والموده بتبقي كده
ادم : انا بشكر التدبيسه دي الي خلتني اتكلم معاكي ونتناقش في المواضيع دي
ميروز : المفروض نشكر احمد وامنيه
ابتسم ادم ثم قال : هعمل كده
هم ادم بالنهوض وتوجه ناحيه الباب ثم التف الي ميروز التي ما زالت تجلس علي الاريكه
وقال
ادم : انا مرجعتش ابص لاني البنت عندي مش شكل ولا عمر عنوان الانسان مظهره انا الي يهمني التفكير والعقليه.. مهما كان الشكل الي هيفضل معاك هو الروح..
رحل ادم فور انتهائه من كلماته وترك ميروز لتعود الي اختها وكأن شيئا لم يحدث وانها لم تدري بالخطه المدبره لهما ولتنقضي تلك الليله علي خير حال للجميع
بعد مرور بضع الايام وانشغال ميروز بامورها العاديه وعملها التي تحاول جاهده تطويره وتحسين النظره اليه وبالقيام بالدعايه الخاصه علي الانترنت وكل الوسائل المتاحه لها..
تدخل ميروز العياده الخاصه بها في احد الشقق في عماره في شوارع القاهره
ميروز : صباح الخير يا سبااعي..
سباعي :انتي فين يا دااكتوررره من الصبح برن عليكي كتير كتير
ميروز : فيه ايه بس ما انا عارفه ان العياده بتههههش ولسه قدامي كتيييير علي ما اشوف زبون واحد فيها وغالبا هيكون انت ومراتك
سباعي :جالنا حاله يا دكتوره
ميروز : اه قلبي ماذا تراني اسمع هل هذا صحيح
سباعي : ايوه والله العظيم جالنا حاله ودخلتهم المكتب وبرن عليكي من الصبح عشان تشوفيهم
ميروز : انا داخله اهو وانت حضر القهوه وورايا
خلونا ناخد فرصتنا بقي
تدخل ميروز المكتب لتجد زوجان يجلسان علي الاريكه
زوج ضخم الهيئه وزوجه حامل تجلس بجوراه
ميروز : السلام عليكم
الزوجان : عليكم السلام
ميروز : اهلا بحضراتكم مبروك للمدام اولا
يسرا : الله يبارك فيكي شكرا ميرسي
حسام بصوت جهووري : الله يبارك في حضرتك شكراااا
تميل ميروز الي يسرا ثم تقول: هو زوج حضرتك حد زعله قبل ما يجي هو متعصب ليه ولا كلامه كده
يسرا : لا هو كده
ميروز : احم تمام اتفضلو يا جماعه اتفضلو
بعد مرور بعض الوقت
ميروز : نبدا الاول بالتعريف ببعض
يسرا : انا اسمي يسرا 25 سنه وخريجه اعلام
وحاليا للاسف عاطله عن العمل
حسام : حسام 27 سنه و كابتن تدريب مصارعه
ميروز :احم واضح حضرتك . . اهلا بيكم
ساد الصمت لفتره طويله ثم تحدثت ميروز
ميروز: ها اقدر اعرف سبب زيارتكم ليا
حسام : بوصي انا مبدايا مش تعبان ومش عندي اي حاجه ولا كان عندي مرض نفسي عشان اجي هنا . . ولولا ان الي جمبي دي حامل والمفروض انفذ طلباتها مكنتش جيت اصلاا
يسرا : حساااااام
حسام : عايزه ايه بقول الصراحه انا ومتعليش صوتك ياااااا بت
ميروز : . . . . . .
يتبع
بقلم : طمطم
فندومة
0 تعليق على موضوع "قصة مرايا الحب - الحلقة 2 "
الإبتساماتإخفاء