تعالت اصوات الضحك والمرح بين الاطفال وفي وسط الاغاني المرحه للاطفال البريئه . . تجري طفله صغيره وتتبعها فتاه يافعه وتلتقطها من علي الارض
ميروز : اخيييرا مسكتك يا احلي يارا
يارا : خالتو عايزه العب
ميروز: يا حبيتي العبي بس مش تجري بثرعه بثرعه ليحصلك حاجه
يارا : حاضر يا خالتو
امنيه : ميررروز تعالي عايزاكي
يارا : كلمي خالتو يا ماما وانا هروح العب باي
ميروز : بنت... يارا . . . ي يا يويو
امنيه : تعالي سبيكي من لعب الاطفال وخليكي في كلام الكبار
ميروز : لا انا مش عايزه لعب الكبار عايزه العب مع الأطفال بس
امنيه : لعب مين ! ! !
ميروز : احم كلام الكبار اتفضلي اتكلمي . . ما احنا موجودين في الحفله وانا كمان عندك من الصبح مشبعتيش من كلامنا
امنيه : لا مشبعتش وبعدين فيه دكتوره عاقله تقعد تلعب مع الاطفال وتسيب كل المعازيم الي في الحفله لكن هقول ايه ما انتي دكتوره هسهس
تعالت ضحكات ميروز
ميروز : ههههههههه هسهس دي يعني دكتوره امراض نفسيه
امنيه : اعمل ايه بس يا ربي من كل التخصصات الي في الكليه اخترتي دي لا ولما حبيتي تكلمي دراستك خلتيها عن المشاكل الزوجيه
ميروز : ودي حاجه تضايق ليه
امنيه : ابدا ضيعتي عمرك علي الفاضي
ميروز : بكره تشوفي الفاضي الي بتقولي عليه ده . .
امنيه : اما نشوف
ميروز :هتشوفي عشان ده حلمي الي بسعي احققه
امنيه : طيب بلاش كلام بقولك ايه احمد جوه مع صاحبه دخلي الكيك ده ليهم . . . كريم بيعيط وجعان هاكله وهشوف ماله
ميروز: تمام يا حبيتي حاضر هاتي
تناولت ميروز الطبق وقامت بطرق الباب ودخلت بعد السماح لها بالدخول عند سماعها صوت احمد
احمد : اتفضلي يا ميروز
ميروز : معلش امنيه بس بتشوف كريم وهتيجي
احمد : مفيش مشكله . . اعرفكم ببعض ادم صاحبي واخويا ودفعتي ودكتور اسنان
ميروز اخت مراتي ودكتوره نفسيه تخصص ازواج ههههههه اقصد خبيره في المشاكل الزوجيه
ادم : اهلا بيكي
ميروز : اهلا بيك
ُيسمع صوت من الخارج كان استدعاء لاحمد من قبل امنيه لمساعدتها في شئ ما
احمد : ثواني يا ادم هشوف فيه ايه وراجع ليك البيت بيتك . . . خليكي يا ميروز معاه لحد اما اجي
خرج احمد وترك ميروز مع ادم
جلست ميروز وحاولت كتمان ضحكاتها
وظلت محتفظه بابتسامه بسيطه
التي لاحظها ادم
ادم : ممكن اعرف سبب الابتسامه دي
ميروز : اقول الصراحه ولا هتزعل
ادم : محدش يزعل من الصراحه
ميروز : اصل الفيلم العربي القديم ده مقفوش اوووي ومن زمان . . ومدبسين فيه واقصد بالتدبيسه انا وانت مش انا لوحدي
ادم : انا وانتي ازاي يعني ؟ ؟
ميروز: من اول الحفله الامور عاديه واول ما وصلت احمد رحب بيك بس لاحظت عنيكم جت عليا تقريبا بيعرفك بيا لاول مره بس طول الحفله مفيش نظرات تاني دليل علي ان مفيش اعجاب العروسه يعني مدخلتش الدماغ فانت مضطر تقضي اليوم عشان اخوك وصاحبك وبكره تقوله مفيش توافق وانا مضطره اقضي اليوم عشان ارضي اختي وخوفها عليا وانها بالنسبه ليا العيله كلها بعد وفاه اهلي وانا بالنسبه ليها بنتها مش اختها واتكلم برده معاك شويه واقول مفيش توافق ومضطره كل مره اجاريها بدل ما ادخل معاها في مناقشات تؤدي الي قتل حد فينا للتاني هههههه
ظل ادم مصدمه لبضع اللحظات من صراحه ميروز ومن وعيها للموقف
ثم تحدث
ادم : هههههههههههه ماشاء الله شكلك دكتوره شاطره
ميروز : علم النفس فيه حاجه اسمها الحس الادراكي تقدر تقول عالي عندي شويه . . بس الاصح اني عندي بصيره ودي نعمه كبيره اوووي يكفي انك عارف كل الي بيحصل حوليك وفاهم كل شي بس بتستني ترد في الوقت الصح
ادم : معاكي حق واضح تاثير دراستك عليكي
ميروز : دراستي شغف منذ الصغر ومازال بس
اللي يفهم ده
ادم :تقصدي اختك
ميروز :اختي وغيرها الي بينظر للمريض النفسي انه مجنون... الي بينظر لي اني بنت صعب عليكي تخصص زي ده ولا انتي في بلد تسمح بحل خلافات زوجيه تحت مسمي دكتور نفسي واخصائي نفسي
ادم : التخصص نادر في مصر مش اكتر
ميروز: رغم نسبه الطلاق في مصر عاليه جداا ورغم ان بلدنا محتاجه تخصص من ده كتير محتاجه الي تفهم الناس الي بنعمله ده اسمه علاج وحل للخلاف مش جنان وبنعالجه ومحتاجين نشيل من دماغنا فكره الناس هتقول . . بمعني انا ازور دكتور نفسي ليه عشان الكل يقول ده مجنون عشان الناس تتكلم عليا . . . محتاجين نبطل خوف
ادم : عندك حق ربنا يوفقك في دراستك يارب وفي عملك . . . انا حبيته من الكلام الي سمعته منك وواضح انه كويس ربنا يوفقك فيه..الناس محتاجه تسمع الكلام ده وهي فعلا هتغير وجه نظرها
ميروز : وده الي بطمح ليه واني هحاول اغير الواقع الي عايشين فيه اغير شويه قيم راسخة في عقولنا وهي في الحقيقه غلط . . . انا بجمع بين حبي العلمي وحبي لديني . . الدين الاسلامي قال ان الطلاق ابغض الحلال عند الله الاسلام ووضع حدود وقواعد بين الزوج والزوجه ووجد حلول لكل مشكله بينهم
والدراسه الي درستها عن تحليل النفس وتفسير المواقف وايجاد حلول وفهم روح الانسان ..
بحاول اساعد واغير واقع وبدمج الاتنين انا متفائله باني هقدر
ادم: ربنا معاكي فيه وانا اول واحد اقتنعت وغيرت رايه واوعدك احاول اساعد برده وافهم الي اقدر عليه
تبتسم ميروز : شكرا جدااا... المهم بما انه وقت واتفرض علينا وواضح اني حكيت كتيير اووي وصدعتك
ادم : ابدا الكلام معاكي ممتع والحوار مفيد
ميروز: بس ممكن اسال سؤال
ادم : اتفضلي اكيد
ميروز: يعني انا وعرفت سبب ان اختي بتعمل الافلام العربي دي ليه.. عشان السعاده عندها في انها تشوفني في عش الزوجيه وعندها السن ده سن الخطر وسارينه الانذار شغاله عندها..
ادم : هههههههههه عندك حق لما قلتي انها والدتك اتفضلي كملي كلامك
ميروز : انت بقي دكتور اسنان ومخلص من زمان ليه مرتبطش لحد دلوقتي..
ايه بتروح لدكتور نفسي ولا ايه اصل اليومين دول الي مش مرتبطين يا دكاتره نفسين يا مرضي نفسين
تعالت ضحكات ادم من كلمات ميروز التي شجعته الي الحديث وإبدااء السبب
يتبع ...
بقلم : طمطم
0 تعليق على موضوع "قصة مرايا الحب - الحلقة 1 "
الإبتساماتإخفاء