بدايه حياه حبي وحبك
تحرك مراد مع ياسمين
ياسمين بتساؤل: ازاي بتكلم حسام كده
مراد: بعدين هقولك
ياسمين: طيب والبوليس عرف اننا هنا ازاي
مراد : اما نخرج هعرفك
ياسميم: وانت كنت عارف ان شروق ورا الموضوع ازاي
مراد: اما نتيل علي عينا نخرج هبقي اقولك اهدي شويه
خرج مراد وياسمين من منطقه التشابك وحاول ايجاد طريق الخروج
ولكن فجأه انقض سيد علي ياسمين واشهر سلاحه الابيض علي رقبتها
ياسمين: طول عمرك نتن
سيد بخبث: عيب يا قطه اسيبك ازاي وانتي الي هتخرجيني من هنا
مراد شاهرا مسدسه نحو سيد: سيبها احسنلك
سيد بغيظ: سيب انت المسدس ده احسن تلاقي راسها في جمب وجسمها في جمب
انزل مراد مسدسه ارضا
سيد: ايوه كده شطوور
مراد: سيبها بقي وانا هخرجك
سيد: عيب عليك يا باشا مش سيد الي يتخم هخرج بيها وبعدها هسيبهالك
فجأه وجد سيد من يحيط رأسه من الخلف بمسدس كان هذا احد رجال الشرطه
الذي تحدث بصرامه
_سيب السلاح الي في ايدك وسيب البنت
تمثل سيد لاوامره وترك ياسمين وما ان لبث ان ادار وجهه حتي هجم علي الشرطي بسلاحه
وغمز سلاحه الابيض في صدره
ولكن اسرع مراد برفع مسدسه وضرب علي سيد ولقي حتفه
نهض الشرطي ونزع السلاح الابيض من الواقي المخفي تحت ملابسه
وشكر مراد علي مساعدته
ياسمين وهي تتامل جثه سيد : النهارده بس بندق هيرتاح كل الي موتوه هياخدو جزائهم
مراد: يلا يا ياسمين ده ميستاهلش حتي تبصي عليه
لمحت ياسمين احد رجال شروق وهو يوجه مسدسه نحو مراد
فاتجهت نحو مراد ودفعته بعيدا حتي لايصاب وسقطا سويا علي الارض
اسرع مراد نحو ياسمين ليتأكد علي سلامتها
مراد: انتي غبيه كان ممكن الرصاصه تيجي فيكي
ياسمين: مره من نفسي اخدها مكانك عشان نبقي خالصين
وفجأه احست ياسمين بالم فوضعت يديها علي خصرها ووجدت بعض الدماء
مراد بخوف: ياسمين انتي اتصابتي
ياسمين: تقريبا
واخذت باخراج تلك الكاميرا التي طالما كانت بحوزتها تساعدها في تصوير الاحداث
وجدتها محطمه تمام فقد حمتها تلك الكاميرا من الرصاصه ولكن حطامها سبب في جرح لياسمين
و تلف كارت الميموري الذي كان يوجد بداخلها
ياسمين : الكاميرا اتكسرت وده سبب الجرح
مراد: المهم انك بخير
ياسمين بحزن : بس دي فيها اثبات برائتكم من كل حاجه
مراد: المهم انتي يا ياسمين
ياسمين: كان نفسي اساعدك يا مراد
بس ثواني كده
مراد: ايه تاني
ياسمين: فيه كاميرا انا مثبتاها هنا عشان لما اغيب ميفتنيش حاجه
اكيد سجلت كل حاجه لازم اجيبها
مراد: تجيبي ايه انتي مش شايفه ضرب النار
البوليس هيجيبها يلا نخرج من هنا ابوس ايديكي
___________________________
بعد فض الاشتباك والقبض علي شروق وحسام وكل رجالهم
حضرت ياسمين ومراد الي النيابه
وكان في انتظارها والدها وادهم ومنصور وسلوي
احتضنت ياسمين والدها
احمد: الحمد لله رجعتيلي يا بنتي
ادهم: ايه يا بنتي وشك ده . . ده انتي كده مش نافعه خالص وهتقعدي مع عمي للابد
ياسمين بخجل وهي تنظر لمراد: لا متقلقش في حد عجباه الجثه وهي كده
احمد وهو يحتضن ياسمين : الحمد لله رجعتيلي يا بنتي
ياسمين بدهشه : انت كنت عارف يابابا انهم كشفوني
احمد: مراد بلغني وبلغ والده
ياسمين: انت يا مراد ! !
مراد: الكل كان عارف يا ياسمين . بعد ما حسام هددني رجعت البيت ووالدي شك فيا
وحكيتله وهو اتصل بوالدك وادهم واجتمعنا كلنا
والدي اول ما عرف ان الي ورا الموضوع حسام شك علطول في شروق لانه اكتر واحد عارفها
وحسام مبيعملش حاجه زي دي الا فعلا لو كان بيتضغط عليه
وهنا تدخل ادهم وطلب من سلوي تجيب حسام ضروري في مكان معين
وهناك هجمنا عليه كلنا وبقدرات والدك احمد باشا وخبراته العاليه حسام اعترف
ان شروق بتبتذه وبتحرضه علي انه يبتزني ويخطفك يا ياسمين
مكنش يعرف ان شروق بتتاجر في الاطفال ولا المخدرات كان مفكر انها صفقه واحده عايزه تلبسها لينا وخلاص
حسام عرفناه انه لو تعاون معانا مش هيبقي شريكها في كل الجرايم دي وهياخد حكم مخفف لانه مكنش يعرف كل الاعيبها
وبرده والدك وعلاقاته قدر يكلم البوليس وحسام عرفني مكانك ورتبنا امورنا كلها
هدخل لو خرجت بيكي هيدخلو يهجمو علي شروق
مخرجناش وده الاكيد طبعا فهيهجمو برضه
بس كان لازم حسام يبين ان مفيش بينا اتفااق واتصلت بيه واتفقنا اجيلك
ياسمين: انا حاسه ان عقلي مش قادر يستوعب كل ده
سلوي بخجل: انا اسفه يا ياسمين سامحي حسام انا نفسي مصدومه من الي عمله
ياسمين وهي تحتضن سلوي: احيانا الانسان تحت الضغط بيمشي في طريق غلط
انتي ملكيش ذنب وهو مكنش يعرف بلاوي شروق
انا مسمحاه
_______________
ظل الجميع في مقر النيابه العامه ينتظرون نهايه التحقيق
ارتاحت ياسمين قيلا وجلست بجوار ابيها والتف الجميع حولها
دخل عليهم ادهم ووجه حديثه لمراد : اجهز يا مراد عشان هياخدو اقوالك كمان شويه
وقف مراد وهم بالانصراف ولكن طلب من ياسمين التحدث معها علي انفراد
ياسمين: خير يا مراد
مراد: دلوقتي انا هيتحقق معايا وشركتنا تقريبا خلاص واستاذ مراد صاحب الشركات بح
وحتي لو سمعه الشركه رجعت العيار الي ميصبش يدوش واكيد هنخسر
مش عارف مصيري بعد كده ايه بس هتقبلي بيا وانا كده ياياسمين
هتقبلي تتجوزيني
حاولت ياسمين التحكم في صدمتها وقالت بسخريه: لو متقدم لورد انت بالنسبه ليها عريس لقطه
مراد بخبث: طيب وبالنسبه لياسمين
ياسمين بخجل: انت اشرف واحسن جوز تتمني تقضي معاه حياتها
وقطع الشرطي تلك اللحظه التاريخيه في حياه ياسمين ومراد وقام باستدعاء مراد للمثول
امام النيابه
تحرك مراد معه ولكن نطق بحروفه لتتجه لقلب ياسمين مباشره
مراد: بحبك
__________________
بعد مرور ثلاثه اشهر
في المدافن تقف سلوي امام قبر اخيها وبجوارها ادهم
وفي مكان ليس ببعيد عنهم يراقبهم ياسمين ومراد
ياسمين : مش سهل عليها انها تعرف ان بندق اخوها وحتي حسام مش جمبها يواسيها
اتحكم عليه بخمس سنين وكله ده بسبب شروق
مراد: ربنا له حكمه في ده يا ياسمين وشروق اخدت جزائها كفايه صدمتها وانهيارها وعقلها الي راح منها
واهي هتقضي بقيه عمرها في مستشفي المجانين
ياسمين: ربنا عادل يلا ربنا يسامحها
مراد: تفتكري هتوافق المره دي
ياسمين بابتسامه: ادهم مصمم ومش هيسيبها الا وهو محدد ميعاد الفرح
مرتد : ما تيجي نعمل فرحنا معاهم يا ياسمين
ياسمين: هي كل حاجه عندك بسرعه ايه مش كفايه خطوبتنا سريع سريع
مراد: خير البر عاجله
ياسمين: في التأني السلامه
مراد: مش قلتلك لسانك ده هقطعهولك
ياسمين بحزن مصطنع : اهون عليك
مراد: للاسف لا
وعند ادهم وسلوي
ادهم: سلوي مش كفايه حزن لحد كده
سلوي: انا عارفه انك تعبت معايا يا ادهم بس مش قادره استوعب لحد دلوقتي
ادهم: هتفضلي كده عشان حابه تفضلي مش مصدقه تعاملي مع الواقع يا سلوي
وحاولي تعملي حاجه تساعدي بيها بندق وتكفري عن ذنب اخوكي حسام
الحل عمره ما كان في الزعل و االاستسلام
سلوي: عندك حق لازم افوق
ادهم بخبث : اه عشان ورانا فرح بقي
سلوي: انت بتحبني للدرجه دي يا ادهم رغم كل الي عرفته عن اهلي
ادهم: انا حبيتك محبتش اهلك وانتي عندي اهم من اي حد
انتي حد كويس وانا مش من الناس الي السيئه بتعم والحسنه بتخص
انا كل واحد عنده ليا ميزانه الخاص ومش بظلم حد
وعمري ما افكر اظلمك انتي حياتي
سلوي: وانا بحبك بحبك اوووي وعمري ما تخيلت ان ربنا ينعم عليا بحد زيك
__________________________
بعد اسبوع تم الاحتفال بزواج سلوي وادهم اما مراد فقد استطاع عقد قرانه علي ياسمين
وتحسنت اوضاع شركته قليلا
ولكن رغم اجواء السعاده التي كانت تغمر الحفل الا ان سوسن والده مراد لم تكن تتعامل مع ياسمين بحب
ولكن ياسمين تعاملت بشكل طبيعي وبطريقه لطيفه رغم حزنها علي تلك المعامله
الا ان اوقفتها ياسمين في الحفل بعيدا عن الناس واخذت في الحديث
ياسمين: انا عارفه يا طنط ان يمكن كنتي تتمني ان مراد يفضل مع مريم
واكيد حاسه اني السبب في انفصالهم وعشان كده بتعامليني بتحفظ شويه
انا بس عايزه اقولك حاجه ومع الوقت اكيد هتتاكدي من كلامي
انا بحب مراد بجد ومش عشان فلوسه قبلت اتجوزه
مراد الراجل الي اتمناه ووقت ما احتاجته لقيته
دايما كان الحمايه بالنسبالي
رغم بروده وقسوته عارفه ان من جواه قلب طيب
مراد هو أماني وأمنيتي الي فضلت اتمناها طول عمري وربنا حققهالي
سوسن: خلصتي كلام بعد اذنك عشان ده فرح والناس هتاخد بالها اننا بنتكلم لوحدنا
ومش عايزه الفت نظر حد
ياسمين بابتسامه هادئه: اتفضلي واتمني تصدقي كلامي
_____________
لاحظ مراد تغير مزاج ياسمين وايضا شاهد حديثها مع والدته وبعدها لاحظ طريقه معامله سوسن لها
فقرر التحدث معها
فانتظر حتي انتهاء الحفل وعودتهم الي المنزل
فانفرد بوالدته للحديث معها
مراد: ماما ممكن اسالك سؤال
سوسن: اتفضل
مراد: ليه بتعاملي ياسمين وحش
سوسن: اهلا هي الهانم لحقت تشكتي مني ما خلاص بقت مراتك وبدات شغلها
مراد: ياسمين مقلتش حاجه انا الي لاحظت وهي عمرها ما هتحكي عشان اي فعل منك هتتقبله
عشان انتي امي وده واجبها اتجاهك
سوسن: والله وبقيت بتدافع عن حد يا مراد
مردا: لاني بحب وبحب بجد ياامي
سوسن: بس دي مش الي تستاهل قلب ابني مالها بس مريم
مراد : لا دي الي تستاهل حبي ويبقي قليل عليها مش الست مريم
دي الي تستاهل لانها كانت معايا من اول خطوه ومن اول ما عرفنا ان الشركه مستهدفه وفضلت معايا عشان نكشف الحقيقه
مش زي ست مريم الي مهتمش وسابتني وانا الي المفروض شريك حياتها
طيب اعرفك حاجه كنت مخبيها عليكي عشان متقلقيش
الاصابه الي في رجلي مكنتش حادثه دي كانت تهديد بالقتل ليا ولانها المفروض شريكه حياتي قلتلها وعملت ايه بقي
مفيش قدمتلي دبلتها وقالتلي مننفعش لبعض
ياسمين وقت ما مريم اتخلت عني كانت واقفه جمبي
هي الي قلبي اتحرك ناحيتها
والدي من صغري اخدني في الشركه وقضيت حياتي شغل في شغل
وانتي ياما نصحتيني شغل قلبك شويه
مكنتش اعرف قلبي مفتاحه فين عشان اشغله
ياسمين هي الي حركته هي الي فهمتني ان الي بين ضلوعي ده حاجه بتحس
مع مريم كنت هكون نسخه منك ومن والدي بس هجيب ابني مش هيكبر يلاقي الحب الي انا كبرت شوفته معاكم
دمعت عيني سوسن وتحدثت بخفوت وبابتسامه رقيقه: بقي مريم يطلع منها كل ده سامحني يا مراد و
مش مصدقه انك حبيت واخيرا خرجت من مراد الي كنت حابس نفسك فيه طول السنين دي
مراد: دموعك غاليه عندي يا امي بلاش تبكي
سوسن: وانت غالي عندي وبعدين دي دموع الفرح ومدام راحتك معاها وقلبك وياها يبقي ربنا يهنيك يا ابني
مردا: يعني راضيه عني وعن جوازي منها
سوسن: ربنا يسعد كل ايامك
________________________
بعد مرور سنه في دار ايتام ”احمد صبري" يجتمع كل اطفال الشوارع للاحتفال سويا
خصصت سلوي تلك الدار لاطفال الشوارع الذين كانو يعملون مع سيد
وقامت بتوفير كل ما يطلبونه
اجتمع كل من سلوي وادهم ومراد وياسمين
ياسمين: مبروك يا سلوي افتتاح الدار
سلوي بفرح : اخيرا مش مصدقه اني قدرت في الوقت القصير ده افتتحها
ادهم بسخريه : لا وكمان ببطنك دي دي معجزه والله
سلوي: اتريق يا استاذ ادهم اتريق
ادهم: انا اقدر ده انتي حياتي وقبل يديها
مراد هامسا لياسمين: شايفه الحب عقبالي يارب
ياسمين: هانت الله مش قلت هتفتحو مشروع جديد الاسبوع الجاي
مراد: ايوه طبعا ده انا بعد الايام
ادهم: بتوشوشو بعض في ايه
مراد: ابداا يا سيدي بقولها هانت هفتتح المشروع الجديد الاسبوع الجاي
ادهم: ايه ده بجد مبروك يا مراد
اظن كده اتفك الحصار
مراد بمرح : والله احسن تشبيه
ياسمين: اتريقو اتريقو فيها ايه انا انسانه عمليه مهري ان مراد يرجع شركته احسن ما كانت
مليش انا في دهب وفلوس وكلام من ده
ادهم: اسمع مني يا ابني اهرب والله دي بخساره عليك
مراد بسخريه : انا حاسس كده
ياسمين: سلوووي خدي جوزك بدل ما اخلي ابنك يطلع الدنيا يلاقيه في العباسيه
ادهم: علي ايه الطيب احسن تعالو نتصور صوره سوا مع الاطفال
مراد وياسمين : يلا بينا
قام ادهم بضبط الكاميرا وعاد سريعا ليقف بجوار زوجته سلوي وحولهم الاطفال
اما مراد وياسمين وقفا سويا متشابيكين الايدي ونظرا لبعضهم البعض بحب و وابتسامه وقت التقاط الصوره
رايكم فيها
0 تعليق على موضوع "قصة وردة الياسمين - الحلقة 19 والأخيرة"
الإبتساماتإخفاء