انشغل الجميع في اجواء الفرحه وفور وصول سباعي الي منزل العروس لياخذها الي منزلهم الجديد
اخذ بعض الرجال بضرب النار لاعلان دخول العريس الي منزل العروس فهذا من تقالديهم
ولكن فجاه توقف هذا الصوت
وتعالت اصوات الرجال في الخارج
شعرت ميروز باضطراب في قلبها وسمعت صوت الرجال امام المنزل
وقفت لتري من شرفه المنزل ما يحدث
تخرج ميروز الي الشرفه اذا بها تجد تجمع من الرجال حول ادم الذي ابتلت ملابسه بالدماء فور اصابته باحد الرصاصات الطائشه من احد الرجال
ميروز : اااادم
صرخت ميروز صرخه مدويه ليخرج الجميع علي مشهد ادم الغارق في الدماء
يسرع الجميع الي المستشفي ويدخل ادم الي غرفه العمليات
ظل الجميع في انتظار الاخبار والجميع يتمم بكلمات الدعاء لادم
ايعقل ان ينقلب العرس الي ماساه وحزن
ايعقل ان مجرد رصاصه طائشه قد تؤدي الي وفاه ادم
ظلت ميروز تبعد كل وساويس الشيطان من عقلها وتدعو الله ان ينجي ادم
خرج الطبيب ليخبرهم بالنتيجه
الدكتور : اطمنو يا جماعه مجرد كسر في عظام الساعد عشان الرصاصه اثرت عليه ومتقلقوش تجبيسه زي الفل وهيقوم بالسلامه
ايه للتوتر ده كله
ميروز :الف حمد والف شكر ليك ياارب
الف حمد والف شكر ليك يارب
صفاء : يعني ابني كويس اقدر اشوفه طيب
الدكتور: هو تحت تاثير المخدر دلوقتي عشان الرصاصه الي خرجناها منه وهيفوق بعد ساعات متقلقوش
سعيد: الحمد الله
سباعي : حمد الله علي السلامه مكنتش هسامح نفسي لو كان حصل حاجه للدكتور
سعيد: يا ابني وانت ذنبك ايه قدر الله وماشاء فعل المفروض تاخد عروستك وتمشو اصلا مكتش ينفع تيجو
زينب : ازاي يا عمي لازم كنا نطمن علي الدكتور
امنيه : المفروض والله يبطلو العادات دي ضرب نار ايه بس هو الفرح ميمفعش يعني الا بضرب النار!!
سباعي: انا والله كنت مشدد علي الموضوع ده وانه ممنوع حد يضرب نار بس الي حصل
احمد:خلاص يا جماعه ممكن نقفل علي الموضوع ده
الحمد لله ادم قام بالسلامه وده المهم
كارمن : الحمد لله فعلا المفروض تاخد مراتك وتروح يا سباعي
ميروز : كارمن عندها حق احنا هنقعد وهنطمنكم بالتليفون متقلقوش روحو انتو وانتي كمان يا امنيه عشان اولادك وصلهم يا احمد
احنا هنقعد وهنطمنكم
تمثل الجميع لاوامر ميروز وغادرو المشفى
ظلت ميروز في غرفه ادم تراقبه وتنتظره حتي يفيق
وبعد بضع الساعات
تحرك ادم
ميروز : ادم انت صحيت
ادم حبيبي
ادم : انا فين
ميروز : انت مش فاكر الي حصل ولا ايه
ادم : كل الي فاكره ضرب نار واني فجاه وقعت مش عارف ليه
ميروز : في رصاصه جت في ايدك بالغلط ونقالناك علي المستشفي
ادم : وبابا وماما فين
ميروز : الكل بره مستنيك تفوق وانا كنت قاعده معاك تحب اناديهم
ادم : انتي عنيكي حمرا ليه
ميروز : انا ابدا هيكون ليه بس
امسك ادم بيد ميروز
ادم: متخافيش انا كويس واوعي تعيطي تاني
نزلت دموع ميروز
ميروز: اوعي تحسسني بالاحساس ده تاني يا ادم اوعدني اوعي تسبني
انت مش عارف انت بالنسبه ليا ليه
ولا عارف يعني ايه احب حد اووي كده
انت بقيت روحي الي لو غابت اموت
انا مليش في الدنيا غيرك انت سكني
انت زوجي
انت حياتي كلها
فكره اني للحظه كنت هخسرك مش بتوجع قلبي لا دي بتموته
كنت هعيش نفس خارج وداخل وبس
ادم: اهدي يا ميروز وبطلي عياط
حاول ادم التحرك ولكن تالم من الوجع
ميروز: بلاش تتحرك انا كويسه اهو بلاش تتحرك
ادم: بطلي عياط طيب مش قادر اشوفك بتعيطي ومش قادر حتي امسح دموعك وبعدين مكنتش عارف انك بتحبيني اوووي كده
ميروز: مش جوزي ولاايه وبعدين كنت عايزني ابقي ارمله.. كتبت الكتاب واتكلت
ادم : هههههههههههه ااه بقي كده يا ميروز ده للي همك وبعدين بوصي هنا بلاش بص علي الحيطه
ميروز: ادم
ادم: نعم
ميروز: اوعي تسبني انا مصدقت لقيتك
ادم: شايفاني قادر احرك ايدي حتي عشان اسيبك
ميروز: رخم
ادم: بس والله العظيم بحبك
بعد اسابيع من الحادث
تخرج ميروز من مكتبها لتوديع احد الحالات التي كانت تباشرها
لتجد ادم يجلس في الخارج في انتظارها
ادم: ينفع كده هه هه كل ده في حاله وانا راجل مريض ودراعي مكسور وقاطع كشف مستعجل ومستني بقالي كتيير
ميروز: قاطع منين يا كداب ولسه اصلا زينب وسباعي في شهر العسل
ادم : قاطع من نفسي ما انا السكرتير بتاعك لحد ما اخف وارجع شغلي ولحد ما سباعي وزنيب يرجعو من شهر عسلهم الي مش بيخلص ده
ميروز: الله هتنق عليهم هما يستاهلو يتمد ليهم الاجازه كفايه الي شافوه يوم فرحهم خليهم يفرحو شويه
ادم: وبالنسبه للي حصلي يعني يوم فرحهم مستاهلش عليه انا كمان اي حاحه انا عايز فرحنا يبقي الشهر الجاي
ميروز: ادم يا حبيبي روح البيت ارتاح انا ورايا
شغل
تدخل ميروز الي مكتبها ويبتعها ادم
ادم : انا قلت علي فكره اني قاطع كشف
ميروز: وعايز ايه يا سي الكشف
ادم: اشتكيلك من مراتي وحلي بقي مشكلتي يا سياده الدكتوره
ميروز: تشتكي يا روح قلبي!! طب قول قول
ادم : بوصي يا دكتوره استني امدد علي الشوزلونج
ميروز: ههههههههههه عيش الدور عيش
ادم: ادونا فرصتنا بوصي يا دكتوره انا بحب مراتي اووي وحبيتي وقلبي وهي كمان بتموت فيا بتعشقني كده عشق
بس عيبها انها رخمه
ميروز: انا رخمه يا ادم
ادم: لا مش انتي دي مراتي الي رخمه
ميروز:هههههههههههههه كمل يا ادم
ادم: انا نفسي اتجوزها من حالا بس هي الي مش راضيه وكده هتخليني اطفش منها واروح اتحوز اي حد تاني
ادم: انت مش قلت مراتك!! يبقي ازاي مش عايزه تتجوزك
ادم: هنستعبط بقي ما انتي عارفه انه كتب كتاب بس المهم طيب يعني انا عايزه اسالك اروح اتجوز عليها ولا اطلقها وخلاص
ميروز: لو تقدر تتجوز غيرها اعمل ده
ادم : ما هو المصيبه اني مش اقدر وهي عارفه اني مش اقدر مش لاني مش هلاقي في جمالها وادبها وطيبتها ونقاء قلبها لا عشان مش هلاقي حد قلبي يحبه غيرها
ميروز: يبقي هي غبيه انها مش موافقه تتجوزك
ادم : اهوووو ظهر الحق بعدين متقوليش عليها غبيه ابت دي حبيتي
ميرووز: وانت حبيبي
ادم: طب تتجوزيني بقي
ميروز: مين يلاقي واحد بيحبه الايام دي وميتنماش دنيته كلها تبقي معاه بس نجهز شقتنا وبيتنا الاول
ادم: انتي ناسيه اني واخد اجازه من شغلي بسبب الجبس ده بجهز فيها وهي أقل من شهر وتكون كامله
ميروز: يبقي خلاص مشكلتك اتحلت يا فندم ومبروك فرحك
ادم: بحبك يا احلي حلاله مشاكل في الكون
ميروز: وانا بحبك يلي بتقدر تقنعني باي حاجه وتثبتني دايما
ادم: دي موهبه يا بنتي
ميروز: ههههههههههههههه
بعد 3سنوات
يدخل ادم الي شقته
ادم: ميرووز ميموووو حبيتي
ميروز: ايوه نعم يا ادم انا هنا بحضر الاكل
ادم: مش قتلك بلاش تعملي الاكل وانا الي هعمله مش كفايه انك حامل وبتكتبي الكتاب بتاعك ده
ميروز: انا مرتاحه متقلقش والدكتوره قالتلي اتحركي فبتحرك في البيت بدل القعده طول اليوم عشان اكتب
ادم: بقيتي في ايه في الكتاب
ميروز: هدخل اخر حالتين عندي ويبقي خلص
ادم: لسه مفكرتيش في اسم للكتاب
ميروز: لا لقيته هسميه مرايا الحب
ادم: اسم جديد بس غريب
ميروز: كل حاله كتبتها في الكتاب بتحكي عن حب وكل اتنين متجوزين الحب ليه تعريف عندهم حتي انا وانت ما انا كتبت كل حاله قبلتني حتي احنا نفسي الكل يقراه ويتعلم فعلا ان الحب حاجه حلوه بس احنا الي بنضيعه بايدينا وبنشوه معناه
ده الرسول قال اني رزقت حبها في السيده عائشه.. الحب رزق حياه مش مجرد كلمه بين اتنين تنتهي وقت الخصام
مرايا الحب لان الحب ليه وشوش كتير وكل وش بيبان في مرايه مخصصه ليه
الي هي الحالات الي اتعاملت معاها
بس مهما اختلفت الوشوش والمرايا الحب واحد
والكل متفق عليه انه اروع شعور في الكون
الحياه الزوجيه بيملاها مشاكل ويمكن تقتل الحب بس مع حلها بيرجع الحب اقوي
كل الحالات الي تعاملت معاها كان ينقصها انها تحس بقيمه الحب الي جواهم عشان تقدر تحل مشاكلها
محتاجين مرايا عشان نشوف الحب الي جوانا عشان نعرف نعيش
تمت
بقلم : طمطم
0 تعليق على موضوع "قصة مرايا الحب - الحلقة 13 والأخيرة"
الإبتساماتإخفاء