يوميات سحس وسحساية: قصة فرحة / الجزء الأول - الحلقة 13 والأخيرة

الاخيــــــــــــــــــــــــــــــرة
(13)




______________________

فرحة : عربية مقلوبة

الراجل : ايوه حضرتك بس مفيش حد جواها

فرحة : خالد فى العربية

الراجل : خالد مين صاحب العربية

فرحة : خالد مات ياماما خالد مات

امينة : اهدى يافرحة اهدى

- واخدت التليفون منها

امينة : ايوه الو هو العربية فيها حد

الراجل : لا مفيهاش حد فاضية و مقلوبة
على اول الطريق

امينة : فين ؟

- وصفلها المكان و قفلت الخط بعدها والد
خالد وصل و ميعرفش حاجة على اساس
ان خالد قاله انه عايز يعمل مفاجأة لــ فرحة

هند : عمو مصطفى وصل برا يا طنط امينة
وشكله ميعرفش حاجة

امينة : يارب تسترها

- اتحركت فرحة و خرجت عشان تكلمه

امينة : استني يافرحة انتى رايحة فين يابنتى استنى

هند : سيبيها ياطنط يمكن يكون عارف

مصطفى : فرحة ماشاء الله يابنتى ايه الجمال
ده ربنا يحميكى .. خالد فين ؟
انتى بتعيطى ليه يابنتى مالك خير ؟

فرحة : خالد عمل حادثة العربية بتاعته اتقلبت
على الطريق يا بابا اتقلبت و خالد مختفى

مصطفى : انتى بتقولى ايه يابنتى ازاى الكلام
ده مستحيل

فرحة : والله هو ده اللى حصل فى واحد رد عليا
وانا بتصل بخالد عشان اتأخر قالى انه لقى التليفون
فى العربية عمال بيرن و العربية مقلوبة

- و فرحة بتتكلم تليفون مصطفى رن

مصطفى : الو

شخص غريب : مهندس مصطفى رفاعى

مصطفى : ايوه انا

شخص غريب : انا مندوب بينك وبين
اليخاندرو تورتينا عشان العطا بتاع ارض
الشروق اللى رسي عليك و انته رفضت
تتنازل عنه

مصطفى : إياً كنت مين ممكن تتصل وقت
تانى عشان مشغول

شخص غريب : لا من مصلحتك اننا نتكلم
دلوقت و لا ابنك مش غالى عليك

مصطفى : خالد انتو خطفتوا ابنى

شخص غريب : لالا احنا مش بنخطف
احنا بنقتل على طول قدامك 24 ساعة
عشان تتنازل فالشهر العقارى عن الارض
و هنبعتلك مندوب من عندنا بالاوراق
اللازمة عشان تخلص كل حاجة و ابنك
وبنتك يكونو عندك لما الارض تبقى بأسم
إلخاندرو

مصطفى : بنتى

شخص الغريب : ايوه بنتك و ابنك ياما
التنازل يا اما القتل و الاختيار فى ايدك
و قدامك 24 ساعة بس .. وقفل الخط

فرحة : خالد اتخطف يابابا خالد فين ؟

مصطفى : خالد اتخطف هو رانيا بنتى

فرحة : ايه ؟ طب ليه كل ده وعشان ايه ؟

مصطفى : كان فى عطا تبع الشركة عندنا
ورسى علينا و الارض دى فيها بترول
بكميات كبيرة وانا كنت ناوى لما استلم الارض
اسلمها للحكومة عشان تخرج البترول اللى جواها
و بعدين الارض ترجعلى تانى لكن هما بما انه
واحد اجنبى الحكومة هتتنازل عن الارض باللى
فيها للمستثمرين عشان تشجعهم

فرحة : طب وخالد ماله بكل ده

مصطفى : خطفوه عشان يضغطوا بيه عليا
خطفوه هو رانيا بنتى يافرحة و لو منفذتش
طلبهم فى خلال 24 ساعة هيقتلوا ولادى

فرحة : ومصطفى كمان يا بابا

مصطفى : مصطفى مين ؟

فرحة : ابن رانيا حفيدك انته نسيته

مصطفى : يااااااااه اكيد خطفوه هو كمان

فرحة : للدرجة دى معندهمش انسانية

مصطفى : دول مش مصريين يابنتى
ولا حتى اجانب دول من اسرائيل والموضوع
كبير و مينفعش اتنازل عن ارض بلدى لليهود
دول

فرحة : بس لو منفذتش طلبهم هموتهم يا بابا

مصطفى : لا يابنتى متقوليش كده ان شاء الله
هيرجعوا ان شاء الله

____________________
- خالد قاعد فى اوضة و عنيه متغميه
ومتكتف و مربوط
فجأة حد دخل عنده .. ادخلى هنا من غير
صوت وخدى ابنك ده وسكتيه !

خالد : انا فين ؟ انتو جايبنى هنا ليه ؟

- صوت طفل صغير بيعيط .. ماما هما هيعملوا
فينا ايه انا خايف

خالد : مصطفى ؟
- ماما دا صوت خالو دودا
رانيا : خالد انته خالد صح
خالد : ايوه يارانيا انتى عيونك متغمية

رانيا : ايوه انا ومصطفى ياخالد

خالد : مصطفى حبيبي متخافش انا معاك اهو

مصطفى : هى فرحة معاك

خالد : لا مش معايا

رانيا : هو ايه اللى حصلك ياخالد ؟

خالد : انا خرجت من البيت و كنت رايح
لفرحة فجأة لقيت ورايا عربية سودا بتسرع
وتحاول توقفنى زودت فى السرعة انا كمان
وعملت حادثة تقريباً العربية اتقلبت بيا فوقت
لقيت نفسي هنا

رانيا : حادثة طب انتى كويس

خالد : مش عارف بس يظهر وشى اتعور
و دراعى مكسور مش قادر احركه و انتى
ايه اللى حصل معاكم

رانيا : احنا كنا عند فرحة ونزلنا من عندها
ورحت عند العربية عشان اركب لقيت حد
ضربنى على راسي من ورا مفقتش غير
من شوية على صوت مصطفى وهو بيعيط

مصطفى : ماما انا مش شايف حاجة يا ماما

رانيا : و انا كمان ياحبيبي وخالد كمان عيونه
متغطية متخافش خليك بس جمبى متتحركش

______________

- فرحة فالبيت عمالة تعيط و مش قادرة تتستوعب
اللى حصل لخالد و عمالة تفتكر كل اللحظات الحلوة
اللى مرت بيهم و الايام الحلوة اللى عاشوها سوا
فجأة سهيلة دخلت عليها

فرحة : انتى بتعملى ايه هنا ؟

سهيلة : جاية اعزيكى

فرحة : تعزينى فى مين ؟

سهيلة : فى عريسك اللى مش راجع
ياشاطرة خلاص انسيه

فرحة : انتى اكيد مريضة مش ممكن
بعد كل اللى عملناه معاكى والمساعدة
اللى سعدناها ليكى ولسه زى ماانتى

سهيلة : انا مش مريضة هو فعلاً مش
راجع تانى ولا هتشوفيه

- قربت فرحة منها وهى بتعيط و مسحت
دموعها وبصت لها بنظرو حادة

فرحة : فاكرة يوم ماخالد ضربك بالقلم
عشان غلطى فيا و قولتى عنى انى مش
محترمة و جابلى حقى لما مكنتش موجودة

سهيلة : هههههههههههههههه انتى بتصدقيه
دا كداب

- فرحة ماحستش بنفسها غير وهى بتضربها
وشدتها من شعرها لحد على الارض لحد باب
البيت وفتحت الباب وطلعتها برا و هى بتصرخ
فيها و سهيلة تضحك

فرحة : خالد هيرجع و مش هيموت وهنتجوز
خالد مش هيسبنى .. وهى بتعيط

- و الناس واقفين مذهولين من اللى فرحة بتعمله
يمكن قالوا عنها انها مجنونة عشان هما مش فاهمين
اللى حصل

فرحة : انتو واقفين كده ليه خلاص مفيش خطوبة
مفيش عروسة ومفيش عريس اطلعوا برا

- و فضلت تعيط و الناس كلهم خرجوا وهما مش
مصدقين اللى عملته

هند : اهدى يافرحة اهدى خالد هيرجع والله اهدى

فرحة : دول يهود يا هند يهود مش بيهمهم ارواح
ولا كبير ولا صغير خالد خلاص مش راجع
ياهند مش هشوفه تانى

امينة : اهدى يابنتى حرام عليكى انتى ليه بتفرضى
حاجة وحشة على ربنا ان شاء الله هيرجع اهدى

فرحة : لا و عشان يضغطوا اكتر على بابا مصطفى
خطفوا رانيا و مصطفى كمان و الله حرام يارب
يارب ياحبيبي خليك معاهم دول ملهمش غيرك يارب
يارب انا خلاص مش عايزة خالد بس والنبى ياري
وحياة حبيبك النبى ترجعه بالسلامة لأبوه والنبى يارب

- موقف خلا كل الحاضرين يعيطوا على فرحة اللى
ملحقتش تفرح و الوقت بيمر بسرعة كأن الدقايق ثوانى
و فرحة حاسة انها بتموت و 24 ساعة بقوا عشر ساعات
و هى كل اللى بتعمله انها قاعدة فى اوضتها تصلى وتدعى
ربنا ان خالد يرجع بالسلامة

- المكان اللى خالد موجود فيه فجأة اتفتح وفى شخص
دخل اخد مصطفى وقفل عليهم تانى

رانيا : الحقنى ياخالد اخدوا مصطفى ياخالد

خالد : اهدى يارانيا اهدى انا مش فاهم ايه
اللى بيحصل و اللى خطفونا دول عايزين ايه
مننا

رانيا : مصطفى صغير ياخالد طب احنا كبار
عايزين ايه من طفل صغير زى ده

خالد : اكيد فى حاجة خطيرة الموضوع مش
موضوع خطب وخلاص فى حاجة احنا
مش فاهمنها

- الباب اتفتح تانى و المرة دى خرجوهم
سوا وركبوهم العربية

رانيا : ابنى ياخالد ابنى وديتوا ابنى فين ؟
حرام عليكم ده طفل صغير ملهوش ذنب
يحصل فيه كده

واحد من اللى راكبين العربية ..
ياريت مااسمعش نفس ابنك موجود فى الكرسي
اللى وراكى بس متخضر عشان مش عايزين
دوشة و لو مسكتيش انتى كمان هتتخضرى زيه
مش عايز كلام كتير

______________
فرحة فى البيت عمالة تصلى وتدعى ربنا
ان محدش يتأذى ودموعها مانشفتش من على خدها

- فجأة العربية اللى خالد كان فيها وقفت ونزلوا
خالد و رانيا وفكوا ايديهم و مصطفى كان متخضر
خالد شاله على دراعه ..

رانيا : احنا فين ياخالد انا خايفة

خالد : متخافيش هما سابونا ومشيوا اكيد فى حاجة
حصلت عشان كده سابونا
- العربية اللى نزلتهم اختفت من الطريق
وفجأة ظهرت عربية تانية

خالد : بابا

رانيا : هو فين ؟

خالد : اهو يا رانيا بابا اهو هو اللى فالعربية
ده
- العربية وقفت و مصطفى نزل منها
اول ما رانيا شافته جريت عليه

رانيا : بابا حبيبي انا اسفة يا بابا سامحنى
وحشتنى اوى يابابا انا اسفة سامحنى

مصطفى : بس يابنتى بطلى عياط انا
اللى اسف تعالى فى حضنى يابنتى

خالد : بابا هو ايه اللى حصل فى ايه ؟

مصطفى : تعالوا ياولاد نركب الاول
عشان نروح لفرحة حالتها وحشة اوى
يابنى من ساعة ماعرفت اللى حصلك

خالد : فرحة ياااااه دى خطوبتنا كانت
اول امبارح

مصطفى : اركبوا وهكيلكم اللى حصل

-__________________

ركبوا كلهم فالعربية و رانيا ماسكة
ايد ابوها مش بتسبها خالص
و مكلهم كل اللى حصل ..

خالد : من اسرائيل

مصطفى : ايوه انا نفذت كل اللى هما
عايزينه بس المحامى بتاعى قدم مذكرة
بيشرح فيها كل اللى حصل وانى اتنازلت
عن الارض بالتهديد وهما بقى هيتصرفوا
معاهم الحمد لله انكم رجعتولى بالسلامة
يا ولادى

رانيا : ياحبيبي يا بابا انا كنت خايفة عليك

مصطفى : انا اللى كنت هموت من خوفى عليكم
و على حفيدى

خالد : مصطفى  نايم من المخدر اللى كانوا
مخدرينه بيه

مصطفى : كلاب ربنا نتقم منهم لو مكنتش نفذت
اللى هما عايزينه كانوا لقدر الله حرمونى منكم

رانيا : الحمد لله

خالد : ياترى فرحة عاملة ايه دلوقت

مصطفى : انا هكلمها اطمنها

خالد : لا يا بابا سبها خليها مفأجاة

_____________

فرحة قاعدة فى اوضتها ولسه بتعيط
وبتصلى وتدعى ربنا ان خالد يرجع
بالسلامة
وبتفتكر كلامهم مع بعض و اللى كانت
بتعمله فيه و نادمانة انها مكنتش بتريحه
وتبين حبها ليه حتى ولو بكلمة
_____

خالد : فرحة

فرحة : نعم

خالد : بموت انا فى كلمة نعم دى قوليهالى على
طول ماشي

فرحة : نعم

خالد : هههههههههههههه

فرحة : للدرجة دى بتحب كلمة نعم

خالد : الله .. بصي انا بحبها عشان انتى
اللى بتقوليها اى كلمة بتطلع منك زى السكر

فرحة : ياسلام

خالد : الله و لا ياسلام دى لما تطلع على
سهوة كده وانتى متعصبة

فرحة : اتعصب عليك يعنى

خالد : براحتك طبعاً

فرحة : لا ياحبيبي براحتى انا

خالد : هااا قولتى لا يا ايه ؟

فرحة : احم قولت لا يا بابا

خالد : انتى رخمة على فكرة و الله قولتى
يا حبيبي

فرحة : لا استاذ انته بتسمع غلط

خالد : و قالت ياحبيبي اه ياعين يالليل

فرحة : هههههههههههههههههه

________________
- و قاعدة تفتكر كلامهم سوا و ابتسامتها
اتفجرت دموع وعياط و صرخت بعلو
صوتها .. ايوه حبيبي ايوه ياخالد انته
حبيبي و الله يارب دا حبيبي يارب متحرمنيش منه

- باب الاوضة اتفتح و دخلت امها
وهى بتعيط
امينة : مالك يابنتى اهدى

فرحة : خالد حبيبي يا ماما حبيبي
انا مكنتش بقولها ابدا ولا عمره سمعها
منى خالد حبيبي يا ماما والله العظيم
خالد حبيبي

خالد : و انتى كمان حبيبتى

- اول ما فرحة سمعته جريت عليه
و اخدها فى حضنه ..

خالد : انتى كمان حبيبتى بحبك اوى

فرحة : كنت هتسيبنى ياخالد و تموت
انا كنت هموت وراك ياخالد والله مكنتش
هستحمل

خالد : انا مش بخاف من الموت بس اخاف انه
يبعدنى عنك

فرحة : بحبك بحبك بحبك بحبااااااااااااااااااااااااااك

خالد : بحبك بحبك بحبك بحببببببببببببببببببببك

فرحة : وحشتنى انته حبيبي وعيونى وكل حاجة
ليا
خالد : تتجوزينى ؟

فرحة : ايوه اتجوزك ياحبيبي

- شالها ولف بيها ومصطفى صحى و خالد
شايل فرحة وبيلف بيها
مصطفى : ايه ده هى فرحة اتجوزت خالد

- اللى كانوا واقفين ماتوا من الضحك
___________________

و توتوته توتوته خلصت حكاية خالد هيييييييييييييييييح
وفرحة البشمحترمة  دى كانت الحلقة الاخيرة
يا رب تكون القصة عجبتكم
متنسوش تقرأو الجزء التاني هتلاقوه برضو فالمدونه
_________________


برعاية يوميات سحس وسحساية