الحلقة (1)
_______________
امينة : اصحى يازفته هانم نايمة لحد
الضهر انا مش عارفة انتى لازمتك ايه
جاتك الارف قومى يابت هتتاخرى
على محاضراتك قومى يا عجلة
فرحة : استغفر الله العظيم ارحمنى يارب
من الارف ده عايزة ايه على الصبح ياماما
ارحمينى بقي
امينة : انتى مش عندك محاضرات ولا مش
ناوية تروحى ما انتى فاشلة ومش نافعة
فأى حاجة
فرحة : معنديش محاضرات سبينى فى حالى
بقى انا فاشلة وعايزة انام
امينة : طيب قومى روقى البيت و ساعدينى
فالمطبخ حيلى اتهد فالغسيل من الصبح و انتى
نايمة ومانتخة زى البقرة عايزة اللى يشيل
من تحتك
فرحة : لا حول ولا قوة الا بالله طيب طيب
طيييييييييييب
امينة : مصيبة يارب دى مصيبة ابتليتنى بيها
انا هقول لاخوكى بس لما يصحى
فرحة : نعمممممممم هو نايم وجاية تصحينى
انا طيب ماهو نايم اهو
امينة : هو ولد انما انتى بنت
فرحة : لا والله فعلاً اول مرة اعرف ان
الولد ينام كتير البنت لا
امينة : مش فالحة بس غير فاللماضة
وطولة اللسان انما الواحد يستفاد منك بحاجة
مفيش
فرحة : تستفيدى منى ازاى يعنى عايزة ايه
اروح اشتغل واصرف على البيت مثلاً دا
ابنك اللى اسمه راجل مش بيعمل كده
فالح بس يروح يصاحب دى ويسيب دى
امينة : قومى بقى ياعجلة ربنا ياخدك وارتاح
منك جاتك داهية
_________ استووووووووووب
متستغربوش !!
دى حياتى اللى متهببة عايشها و قال ايه اسمى
فرحة ولا عمرى اعرفها ولا اعرف معناها
دى أمى امينة و انا فرحة ومحدش يسألنى
اسمى كده ازاى اووووف :\
ابويا مسافر الكويت اخر مرة شوفته من 3 سنين
بيشتغل مدرس ,, و أمى ربه منزل بس لسانها
ماشاء الله مبرد حامى ليل ونهار اهانة وشتيمة
و اخواتى بقى ياسلام :\
ياسر و احمد عايشين بمبدأ نفسي ثم نفسي ثم نفسي
ثم نفسي ثم نفسي ثم نفسي وبس تربية امى بقي
و ما اجملها من تربية :\
اها على فكرة انا تخينة مش تخينة اوى لا الصراحة
تخينة جدااااااااا او عجلة زى ما امى بتقولى هى
و اخواتى مش بينادونى غير بـــ عجلة >.<
بس هى السبب عمرها ما اهتمت بيا او بأكلى
انا نفسيتى على طول تعبانة اها انا لما بزعل
بأكل و لما بفرح برضوا بأكل مش بفرح كتير
يعنى غير فالمناسبات و دى مش بتفرحنى
برضوا لأنى لما بقابل قريبنا العقارب
وبناتهم السحالى و بينكدوا عليا عشان كده
الفرحة بتقلب غم و اروح بيتنا افتح التلاجة
و هاتك يا اكل من غير تفكير نفسي اعرف
مين سمانى فرحة عشان اقتله :\
عمرى 21 سنة اخر مرة فرحت فيها لما
كنت فالاعدادى عشان اتكرمت على القصة
اللى كتبتها ايوه نسيت اقولكم انى بكتب قصص
عندى مدونة على النت بكتب فيها وليا معجبين
كتيييييييير بس ياخسارة لو حد شافنى على حقيقتى
المعجابين دول هيهربوا رغم ان معظمهم نفسه
يتعرف عليا وفى ولاد كتير نفسهم يرتبطوا بيا
من غير حتى ميشوفوا شكلى فاكرين انى حلوة
لان قصصى كلها جميلة فاكرين انى جميلة زى
كتاباتى و فى ولاد كتير طلبوا يقابلونى
بس طبعاً عمرى ما هوافق اقابل حد عشان
الصدمة ما علينا ,, لما اتكرمت وانا فالاعداى
كانت قصة رعب بس عجبت ناس كتير و اخدت
عشانها المركز الاول بعدها بقيت اكتب قصص
رومانسية عشان اعوض النقص اللى فى حياتى
انا اكتر واحدة مش بتؤمن بالرومانسية بس هعمل
ايه بتعوضنى كتير فى حياتى مين هيتجوز واحدة
زيى حجم عائلى ما علينا , عمرى ما سمعت
كلمة حلوة من شاب الكلام اللى بسمعه من الشباب
هو السخرية و بس :(
انا بدرس فى اكاديمية ادارة الاعمال تقريباً كده
محدش بيكلمنى غير لو كان محتاج منى حاجة
حتى خالد عمره ما كلمنى ,, خالد ده زميلى
من الابتدائى وبحبه اوى بس ياخسارة هفضل
احبه كده ع الفاضي لانه اصلاً مش واخد باله
منى و الصدفة انه دخل معايا نفس الاكاديمية
اللى انا دخلتها و محدش متفوق غير انا وهو
بس برضوا مش واخد باله اصلاً من وجودى
معنديش اصحاب غير هند هى كمان زميلتى
من الابتدائى بنت طيبة اوى زيادة عن اللزوم
عشان كده انا بحبها بس طيبتها دى سبب
المشاكل اللى بتحصلها دايماً و المقالب اللى
بتتعمل فيها من الجزمة اللى اسمها سهيلة
كانت زميلتنا هى كمان و بنت عم خالد
و علطول لازقة فيه حتى لما قرر يدرس
ادارة الاعمال علشان شركة والده دخلت
معاه و بترسم عليه زوج للمستقبل هى عمرها
ما حبته بس عايزة تتجوزه لمجرد ان البنات
هتموت عليه ,,
كفاية عليكم كده كلام عنى انتو هتعرفونى
مع الوقت ________
فرحة وصلت الاكاديمية و فضلت قاعدة
مستنية هند اتصلت بيها قالتلها انها مش جاية
عشان والدتها تعبانة
__
ايييييييييه ده ياربى ياريتنى ماجيت
خالد :)
(اول ما شوفت خالد فضلت
واقفة مكانى طبعاً مقدرتش اتحرك ياربي
معقول فى انسان بالجمال ده مش معقول
اكيد ده ملاك نازل من السما و فجأة الدنيا
مطرت اقصد مراد الحيوان دلق عليا العصير
وضحك الناس عليا مراد واحد من شلة سهيلة
الجزمة على فكرة انا مش بقولها
غير سهيلة الجزمة لان هى دى مكانتها عندى)
مراد : ايه ده بجد مكنتش اقصد يافرحة اسف
جداً مخدتش بالى
سهيلة : ايه ده ازاى ماتخدش بالك من الجثة
دى كلها يامارو
مراد : جثة ههههههههههههههههه حلوة
فرحة : سهيلة الجزمة و مراد الحيوان لازم
تكونوا اصحاب اومال اللى زيكم ياصاحب
مين الطيور على اشكالها تقع
(و مشيت وسابتهم و دخلت الحمام تمسح
العصير اللى ادلق على حجابها وهى بتعيط )
(اها نسيت اقولكم انى محجبة و شعرى
طويل جداً و جميل يمكن ده اجمل حاجة فيا
عمر ما حد شافه غير هند صاحبتى و انا
مبحبش حد يشوفه لانى بحبه جداً يمكن
ده اجمل حاجة فى حياتى )
(خلعت حجابها غسلته و عصرته جامد
ولبسته تانى و روحت البيت دخلت
اوضتها وفضلت تعيط لحد ما نامت فضلت
لتانى يوم صحت الصبح على نفس الاسطوانة
بتاعة مامتها غيرت هدومها بسرعة ونزلت
من البيت وصلت الاكاديمية و قابلت هند)
هند : صباح الخير يا فرحة مالك زعلانة
كده ليه على الصبح
فرحة : انا ازعل ههههههههههههه يابنتى
انا زى ما بيقولوا كده مبقاش عندى احساس
سيبك انتى المهم مامتك اخبارها ايه لسه تعبانة
هند : ايوه يا فرحة اتبهدلت اوى انا مش عارفة
هعيش ازاى لو ماما حصلها حاجة انا ممكن
اموت بعدها
فرحة : ياساتر يارب بعد الشر ياهند ماتقوليش
كده ان شاء الله هتبقي كويسة ربنا يخليهالك
هند : يارب يا فرحة يارب
(اها و الدة هند مريضة بــ سرطان العظام ومش
بتقدر تتحرك من السرير هند هى اللى بتعملها
كل حاجة معندهاش اخوات والدها متوفى من
و هى صغيرة فى حادثة عربية مستواهم المادى
معقول والدتها دكتورة نفسية و عصبية بس
لما جالها المرض ده مبقتش تشتغل وقعدت فالبيت)
هند : انا جعانة مفطرتش انتى فطرتى
فرحة : انا مأكلتش من امبارح بعد الجريمة اللى
حصلت
هند : جريمة :o خير
فرحة : مراد الحيوان دلق عليا العصير و انا
قاعدة هنا امبارح و جات سهيلة الجزمة اتمسخرت
عليا قدام الناس
هند : و طبعاً سبتيهم عملوا اللى عملوه من
غير ما تاخدى حقك وروحتى البيت
دخلتى على التلاجة اكلتيها
فرحة : هو مش بالظبط اكلتها يعنى بقولك جريمة
انا مخلتش حاجة فيها و مأكلتهاش صحيت
الصبح على صوت امى و هى بتصرخ
وبتقول اكيد البقرة اللى عايشة معانا هى اللى
اكلت التلاجة
هند : يابنتى ارحمى نفسك و الله العظيم انتى
جميلة و زى القمر ملامحك كلها جميلة
و لو خسيتى هتبقي مزة والله انا مش بقولك
كده عشان حد انا بقولك كده عشان نفسك
لما تكبري مش هتقدرى تتحركى رجليكى
مش هتستحمل وزنك لو خسيتى هتبقي
احسن من كده بكتير
فرحة : لو خسيت :)
هند : ايوه لو خسيتى :\
فرحة : اوووف قومى هاتى فطار اخلصى
عشان جعانة
هند : برضوا مفيش فايدة الكلام بيدخل
من هنا بيطلع من الناحية التانية
فرحة : ايوه متتعبيش نفسك و ابقى
كترى المخلل عشان يفتح نفسي
هند : :o
فرحة : امشي يابت
هند : تعالى معايا
فرحة : لا هستناكى هنا
هند : بجد بقى بطلى رخامة وتعالى معايا
سهيلة : اهلاً بالثنائى الفيل والنملة
فرحة : انتى سامعة حاجة ياهند
هند : لا مش سامعة حاجة
فرحة : انا بقى سامعة صوت عرسه وهدوس
عليها بجزمتى
هند : تعالى يابنتى قومى يالا نمشي
دلوقتى الحشرات تتلم
(مشيوا وسابوها واقفة )
هند : انا نفسي اعرف البنت دى عايزة
ايه مننا
فرحة : الجزمة دى هتعوز مننا ايه
يعنى اكيد عايزة تعمل نمرة زى كل
يوم ,, بصي بصي خالد اهو
هند : يالهوى ارحمينى الله يكرمك
بخالد بتاعك اللى مش واخد باله منك اصلاً
فرحة : دلوقت الجزمة دى تروح تتمحلس
فيه
هند : مش بنت عمه
هند : انتى زعلتى ولا ايه
فرحة : اسكتى ياهند و امشي
(دخلوا قاعة المحاضرات كان عندهم
محاضرة للدكتور رأفت )
(الدكتور رأفت ده اصغر دكتور فالاكاديمية
وهند بتحبه اوى من اول ما دخلنا الاكاديمية
انسان محترم و الطلبه كلهم بيحبوه وبيحترموه
و انا كمان بيحبه وبقدره جداً و بحس انه زى
اخويا انا كمان متفوقة فى مادته جداً ادارة
الاعمال انا و خالد بس يمكن هى دى الحاجة
الوحيدة اللى بتجمع بينا)
رأفت : صباح الخير ياشباب النهاردة مفيش
محضارات جديدة فى امتحان لمدة عشر دقايق
عشان اقيم مستوياتكم و اشوف مين اتحسن
ومن مستواه نزل
خالد : ياريت يادكتور انا محضر نفسي
فرحة : هييييييييييييح
هند : ههههههههههههههه جاتك هوا ذاكرتى
يادحيحة انتى
فرحة : من غير مذاكرة ياماما احنا ملوك اللعبة
هند : انتى هتقوليلى مضروبة
فرحة : ههههههههههههه و انتى ذاكرتى
هند : يعنى شوية ما انتى عارفة ماما كانت
تعبانة و معرفتش اذاكر كتير
فرحة : ان شاء الله تعرفى تحلي
رأفت : فى كلام جانبي ليه يافرحة
فرحة : متاسفة يادكتور رأفت
رأفت : يالا ياشباب افتحوا المرجع الفصل
السابع صفحة 306 و حلوا الصفحة
كلها
سهيلة : نعمممممممم كل ده
مراد : شوفى خالد كده يعرف يحله
سهيلة : بيكتب زى الدحيح اهو
مراد : انا مذاكرتش
سهيلة : ولا انا :\ كان عيد ميلاد شوشو
امبارح
مراد : بتهزرى وازاى متقوليليش حاجة
زى دى دلوقت هتزعل منى و مش هتكلمنى
تانى
سهيلة : اوووووووف اتنيل انته وهى لما
اشوف الامتحان الزفت ده
رأفت : مراد وسهيلة كلمة كمان ومش هتكملوا
الامتحان
سهيلة : سورى يادكتور
مراد : اسف يادكتور
فرحة و خالد : قاموا وقفوا مع بعض و قالوا فى
نفس واحد خلصت يادكتور
رأفت : بالسرعة دى
فرحة وشها احمَر : ايوه يادكتور الامتحان
سهل جداً انا خلصت المرجع كله من اربع
ايام
رأفت : و انته ياخالد
خالد : الامتحان تمام بس انا لسه مخلصتش
المرجع فاضل فاصلين واخلصه
رأفت : هات ورقتك ياخالد انته و فرحة
خلاص كده ياشباب فاضل دقيقة و الم الورق
سهيلة : مكنش فاضل غير دى كمان
رأفت : خلاص الورق يتحرك لقدام بسرعة
كل طالب يوصل ورقته لزميله اللى قدامه
(لم الورق و صححه)
رأفت : فرحة اتفضلى اوقفى اتفضل اوقف
ياخالد انتو اعلى اتنين فالدرجات و الباقى
محدش جاب النص حتى دا دليل على انى
مش مقصر معاكم وبشرح بضمير و العيب
مش فيا العيب فيكم ممكن افهم بقى انتو مش
بتذاكروا ليه ؟ بكرا في امتحان تانى و اللى
مش هيحل كويس فالامتحان ملهوش عندى
اعمال سنة خالد و فرحة معفين من الامتحان اما
باقى الطلبة لا
اتفضلوا .. استنى ياخالد ثوانى يافرحة
عايزكم فى مكتبي دلوقت
فرحة : حاضر يادكتور
خالد خرج مع الدكتور راح مكتبه
و هند فضلت تعيط
فرحة : قومى تعالى معايا
هند : فين ؟
فرحة : تعالى بس
(فرحة اخدت هند وراحوا مكتب
دكتور رأفت و خبطت على الباب)
رأفت : ادخل
فرحة : ايوه يادكتور خير
رأفت : تعالى يافرحة
فرحة : ممكن بعد اذن حضرتك اكلمك
على انفراد يادكتور
رافت : طبعاً يافرحة اتفضلى
(خالد كان واقف ساكت هو و هند و فرحة
واقفة بتكلم دكتور رأفت )
فرحة : ممكن اطلب من حضرتك طلب
يادكتور
رافت : اتفضلى يافرحة
فرحة : انا عارفة ان حضرتك انسان
طيب و بتقدر الظروف و هند زميلتى
والدتها تعبانة عندها كانسر و مش بتحضر
كتير لان هى اللى بتراعى والدتها و متاخرة
جداً فالمنهج و كنت محتاجة حضرتك تعفيها
من امتحان بكرا لانها مش هتلحق تذاكر
كل الفصول المتاخرة عليها دى وانا مش هقدر
اساعدها خالص لان بيتها بعيد عنى اللى بقدر
عليه بساعدها فيه هنا لكن مقدرش اروح بيتها
وهى كمان متقدرش عشان والدتها و اتمنى ان
حضرتك لو فاضي يعنى ممكن تشرحلها الجزئيات
اللى مش فاهمها هى متفوقة جداً والله بس مرض
والدتها السبب فى العطلة دى
رأفت : لا حول ولا قوة الا بالله ربنا يشفيها
مفيش مشكلة ان شاء الله يوم الاتنين الجاى
خليها تيجى المكتبة عشان اشوف ايه الحاجات
اللى واقفة معاها فى الشرح واساعدها فيها
وهى كمان معفيه من امتحان بكرا
فرحة : ربنا يكرمك يا دكتور يارب
رأفت : ربنا يخليكى يافرحة انتى
عارفة طالما هى صاحبتك يبقى اكيد مجتهدة
و هتقدر تعدى المحنة دى
فرحة : ان شاء الله
رأفت : تعالى يافرحة اقعدى اقعد ياخالد
انتوا الاتنين اكتر طالبين متفوقين عندى
فالمادة بتاعتى و النهاردة اثبتوا انكم
فعلاً متفوقين مش عايزين تعرفوا
الدرجات
خالد و فرحة : ياريت
رأفت : هههههههه بصوا الصراحة ومن
غير زعل انتو مستواكم متقارب جداً
فالمادة بس للاسف ياخالد فرحة جابت
اكتر منك فالامتحان لانها جاوبت الامتحان
مرتين مرة بطريقة المقرر و مرة بطريقة
لورين بوتن صاحبة كتاب مدير الاعمال العالمى
خالد : الكتاب ده عندى انا وصلت فيه للجزء العشرين
فرحة : و انا خلصته كله
رأفت : يبقى هى الاحق بالدرجة الاعلى و انته
كمان يا خالد طالب متفوق و ده اللى هيخلينى
ارشحكم للسفر تبع الاكاديمية عندنا عشان
تقضوا اسبوع فى مجموعة شركات اطلس الغرب
فرحة : اطلس الغرب اللى فى امريكا بتاعة
الدكتور اسعد ابو العزم
رأفت : ايوه فعلاً
خالد : بجد يادكتور
رأفت : بجد و مش بس كده هتقابلوه شخصياً
فرحة : انا مش مصدقة نفسي ايه ده بس
كده فى مشكلة
رأفت : خير يا فرحة
فرحة : والدتى مش هتوافق يادكتور ولا حتى
اخواتى
رأفت : يبقى كده رئيس الاكاديمية ممكن يرشح
حد تانى من الطلبه
خالد : لا يادكتور اكيد سهيلة هتقول لعمى عشان
يكلم رئيس الاكاديمية وهما اصحاب و اكيد هيوافق
وسهيلة متستحقش الفرصة دى لانها مش متفوقة
زى فرحة انتى ممكن تحاولى مع والدتك و تقوللها
انها فرصة مهمة بالنسبة لدراستك ومش هتتكرر تانى
فرحة : (العالم وقف لحظة هدوء.. خالد اول مرة
يكلم فرحة و قال اسمها )
رأفت : خالد عنده حق يافرحة انا ممكن اكلم
ولدتك و ان شاء الله اقدر اقنعها
(فرحة واقفة ساكتة)
رافت : فرحة انتى كويسة
فرحة : هاااااا ايوه يادكتور ايوه ايوه كويسة
خالد : الدكتور بيقولك انه ممكن يقنع والدتك
انها توافق على سفرك معايا
فرحة : هاااا معاك
رأفت : ايوه يا فرحة انتى و خالد ودكتورة مريم
فرحة : هو السفر امته يادكتور
رأفت : الاسبوع الجاى
فرحة : مفيش وقت
رافت : وقت لأيه كل حاجة متحضرة
و جاهزة انتو هتسافرو تبع الاكاديمية
فرحة : طيب طيب انا همشي يادكتور
رأفت : طيب و والدتك
فرحة : والدتى اها والدتى هحاول اقنعها
خالد : و لو معرفتيش
فرحة : هااااا
خالد : ارجوكى لو سمحتى حاولى معاها
لانك لو مجتيش اكيد سهيلة هتيجى
فرحة : عن اذنكم
(خرجت فرحة من المكتب وهى مش حاسة
بنفسها عايزة تجرى وتطنطت و ترقص
وتغنى )
____________________
يتبع..
_____
برعاية يوميات سحس و سحساية
ASMaa
0 تعليق على موضوع "قصة فرحة / الجزء الأول - الحلقة 1"
الإبتساماتإخفاء