أراكي بصوره وقلبي يراكي بصوره اخري "
شعر ادهم بالدماء تتساقط من رأسه وبالألم الشديد وحاول استجماع قوته لكن وجد من يخرجه من سيارته بعنف
كان شخص ضخم الهيئه ومعه اثنان آخران هم من تسببو في اصطدام سيارته
اخرجوه من السياره وابرحوه ضربا وتبادلو سويا الضرب
الا ان سقط ادهم غارقا في دمائه
سمع صوت احدهم يقول
معتز بيه بيقولك ده رد بسيط عن الي يفكر يعمل الي عملته
وبعدها وجد الدنيا ظلام دامس الا ان افاق في المسشفي
____________________
في المساء وبعد عوده ياسمين اخذت في مساعده مراد في تضميم جراحه
ياسمين: تمام كده غيرت كل الشاش
مراد بامتنان : شكرا
ياسمين: اي خدمه ضرب نار تلاقي وعلاج الجرح تلاقي
ابتسم مراد وقال في مرح: اتنين في واحد وخد فكره وتعالي بكره
ياسمين بدهشه: ايه ده
مراد بدهشه وهو يحاول الوقوف : مالك!!
ياسمين بسخريه: مراد بيه بيعرف يألش ده معجزه القرن
ضحك مراد وعاد الي بروده: مش يلا بينا للفرح
ياسمين بطريقه طفوليه: عدنا اليكم من جديد
تعالت ضحكات مراد : ليه سبيستون !!
خرجت ياسمين مسرعه وقالت اثناء ذلك: لا دي قناه مراد للنكد اليومي
مراد بداخله: اااه من لسانها
خرجا سويا وذهبا الي حديقه عم صابر المقام فيها الحفل
واجتمع الجميع لحضور عقد قران اميره علي ابن عمها
مراد: الجو حلو
ياسمين بضحك : لا لسه ده هيحلو حالا
مراد بتعجب: ازاي مش فاهم !
تحرك عم صابر وعم عوض ذراعه الايمن ومساعده في العمل وعم العروس ومعهم المؤذون
والعريس
وهنا وقفت ياسمين وتحدثت: عم صابر استني مفيش جواز ولا كتب كتاب
انا مش موافقه
مسح مراد بيديه علي وجهه وردد في صمت: يارب نفسي يوم واحد يعدي من غير ما تعمل مصيبه يارب
________________________
وجدت سلوي هاتفها يضئ برقم ادهم فرحت كثيرا اخيرا قرر الحديث معها فبعد موقف معتز لم تعد تراه ولا لم يعد يأتي الي دار الايتام
سلوي بفرح ولكن تصنعت الحزن: ايوه يا ادهم عايز ايه
جائها صوت انثوي من الهاتف: حضرتك تعرفي الاستاذ ادهم
سلوي بغيظ: وحضرتك مين وبتسالي ليه
قد كانت تلك احدي الممرضات التي تحدثت مره اخري بهدوء : حضرتك صاحب التليفون ده عمل حادثه وناس نقلوه المستشفي وانتي اخر رقم اتصل بيه
_________________________
تحول الفرح الي هرج ومرج واخذ الجميع في الكلام وعلي وجوه الكل الدهشه
ولكن تحرك عوض بسرعه نحو ياسمين وهويقول بانفعال
عوض: بقي انتي يا حته بت جايه من مصر ودخلناكي وكرمناكي في بيوتنا قاعده تتشرطي علينا
شعرت ياسمين بالخوف لكن اظهرت الشجاعه ورفعت اصبعها في وجه عوض لتحذيره وقالت باضطراب : لو سمحت الزم حدودك معايا وانا عشان مؤدبه مش هتكلم معاك
انا هكلم عم صابر هو كبير البلد
عوض وقد بلغ الغضب مبلغه وهم برفع يده لضرب ياسمين: مؤدبه شكلك عايزه تتربي ازاي البنات تتكلم مع الرجاله
اغمضت ياسمين عينيها واستسلمت لمصيرها ولكن لم تشعر باي الم ففتحت عينيها وجدت مراد امامها ويمسك بيد عوض
فاحتمت ورائه ورأت عينيه والغضب يتطاير منهم وهو يردد
مراد: لولا ان في بيت راجل كريم وفضله عليا كنت عرفتك الي يرفع ايده علي واحده ست بيبقي اسمه ايه
وياسمين محدش يمد ايده عليها فاهم
تألم عوض من قبضه مراد فترك يده ونظر لها بحنق
وفجأه سمعا صوت عم صابر الذي اخرس الجميع
عم صابر: للدرجه دي صغرتني يا عوض
عوض بندم: هي الي خرجتني عن شعوري يا حاج وبعدين من امته وعندنا بنات تقول رايها
ياسمين وقد انتهزت الفرصه: معني كده ان الجواز من غير موافقه العروسه
تلعثم عوض ولكن ردد بثبات: لا طبعا
تحركت ياسمين نحو عم صابر وتحدثت بهدوء : عم صابر من اول يوم دخلنا بيتك شوفتك راجل كريم وبتساعد الكل
وربنا رزقك البنين والمال ووسعها عليك وعمرك ما نسيت الغلابه
وحتي بنات البلد كأنهم بناتك وبتساعدهم في كل حاجه لكن الراجل ده واشارت الي عوض
عايز يجوز بنت اخوه لابنه لمجرد ياخد فلوسها وورثها وينهب حقها ويرمهيها خدامه في بيته
البنت لسه صغيره نفسها تكمل تعليمها. نفسها تعيش. نفسها تقول رايها
اسرع عوض في الرد بانفعال: وانتي بقي سياده المحاميه عنها والله بنت اخوي وانا حر
وهي موافقه ومشتكش انها هتتجوز ابن عمها
نظرت ياسمين للعروس مشجعه اياها: اميره اتكلمي مش هتلاقي فرصه احسن من دي
اتكلمي بدل ما تندمي طول عمرك
انا عملت الي عليا دلوقتي الدور عليكي قولي ومتخافيش
عوض: تقول ايه انتي شكلك ست مجنونه وجايه تبوظي الفرح عروستنا موافقه علي الفرح
وفجأه سمعو صوت العروس اميره
اميره بخفوت وقلق : لا مش موافقه
امسك عرض يديها بعنف: بتقولي ايه يابت عايزه تفضحينا في البلد
عم صابر بحزم: عووض اسكت خالص
تمثل عوض لاوامره واقترب عم صابر من اميره وشجعها علي الحديث
عم صابر: اتكلمي يا اميره قولي الي انتي عايزاه واتاكدي اني هعمل الي في مصلحتك اتكلمي يا بنتي
اميره: انا فعلا مش عايزه اتجوز دلوقتي وعمي الي غصب عليا والا هيطردني من بيت ابويا
وكمان لحد دلوقتي لا انا ولا امي اخدنا ميراثنا بيقول مفيش ورث لبنات
ياسمين: في اي دين الكلام ده وبأي حق يغصب بنت علي حاجه هي مش عايزاها
مراد: ايه الهبل ده يعني ايه جواز غصب ويعني ايه متكملش تعليمها
احنا في القرن 21 مش في عصر جاهليه يا جماعه
عوض: انا عمها واكبر منها وافهم عنها وملكيش دخل يا ست انتي
ولا الاستاذ البيه
عم صابر : للدرجه دي الطمع عمي قلبك يا عوض ونسيت ربنا
كل ده بتعمله من ورايا خاف الله يا شيخ دي بنت يتيمه وهتتسأل عنها
ولا تأكلو مال اليتيم يا عوض ارحم نفسك من عذاب ربنا
عوض باضطراب: انا .. انا كان قصدي احافظ عليها وكما....
عم صابر مقاطعا : بس مش عايز اسمع كلام ومفيش فرح واميره وامها في بيتي لحد ما حقهم من الورث يجي
وهتكمل تعليمها ولو انا الي هصرف عليها
ربنا يحميك من شر نفسك يا أخي روح ربنا يسامحك مش عايز اشوف وشك تاني
عوض بندم بعد احس بضياع كل شئ من يده : سماح يا حاج خلاص هديهم كل الي عايزينه بس بلاش تطردني من عندك
ده انا شغال عندك بقالي سنين عشره عمر يا حج
اميزه: يا حاج بلاش تتطرده ربنا يخليك
عم صابر بدهشه : انتي الي بتقولي كده يا اميره
اميره: مهما عمل عمي وفي مقام ابويا وكلنا بنغلط
سامحو المره دي
عم صابر: خلاص ميورنيش وشه دلوقتي وربنا يقدم الي في الخير
قبل عوض راس عم صابر وتحرك خارجا من المكان
ياسمين بخجل: اسفه يا عم صابر علي الي عملته ومكنش قدامي غير كده
اميره امبارح بالصدفه وانا مسافره معاهم حكتيلي الموضوع وحبيت اساعدها وكنت شجعتها تيجي تكلمك
بس هي خافت من عمها فقلت مبدهاش بقي
عم صابر: خير ما عملتي يا بنتي وانا لو كان عندي بنت مكنتش اتمني ليها جوازه زي دي
اميره وهي تحتضن ياسمين وتبكي من الفرحه: شكرا يا ياسمين انتي انقذتي حياتي
كنت هموت النهارده وانتي رجعتيلي دنيتي
ياسمين بسخريه : المره دي بس مش كل مره هتلاقي ياسمين
اتعودي بعد كده اوعي تسيبي حقك واجري وراه وعافري
ضحكت اميره : حاضر
انتهي الحفل علي غير المتوقع وعادت ياسمين الي الغرفه معها مراد وفور دخولهم المكان
انهال مراد عليها ب وابل من الصراخ
مراد: ايه الي عملتيه ده في حد عاقل يعمل كده
كان ممكن اووي نكلم عم صابر لوحدنا
ياسمين: انت بتزعقلي ليه!!
مراد: انتي شايفه الي عملتيه يستاهل حاجه غير كده
ولولايا كان زمان وشك متعلم عليه من الزفت عوض
كل مره بتعملي كارثه انيل من الي قبلها
ياسمين بانفعال: والله حضرتك انا جيت متاخر عشان بجيبلك شاش وقطن هكلم عم صابر امته
واساسا رحت هناك الصبح ملقتوش كان مشغول مع زفت عوض في تجهيز الفرح
انا لا بجري ورا كوارث ولا عايزاها لكن الحق لو وراه شويه مصاعب فا انا قدها
وكون انك انقذتني من ايد عوض فشكرا يا سيدي علي كرم اخلاقك
واني انقذ انسانه بريئه نفسها في ابسط حقوقها كارثه فاهلا بالكوراث دي وياريت تكون كتيير
خرجت ياسمين من الغرفه لتتركها لمراد
________________
لم تشعر سلوي باي شئ بعد سماع كلمات الممرضه التي اعلمتها بما حدث لمراد وكأنها اصبحت في عالم آخر و لم تجد نفسها الا وهي تخطو سريعا داخل المستشفي لرؤيه ادهم
واستعلمت عن غرفته وبالفعل وجدتها ودخلت سريعا للاطمئنان عليه
رآها ادهم فقد كان للتو مستيقظ كان يضع الضماده علي راسه ويده بها كسر ومحاطه بشاش ابيض
كان يتواجد احمد معه فبعد استيقاظ ادهم اخبر احمد للمجئ ليكون بجوراه
سلوي والدموع تنهمر من عينيها: ادهم انت بخير ايه الي حصل
ادهم بضعف: ايه الي جابك هنا وعرفتي منين
سلوي: حد من الممرضات اتصل بيا من تليفونك
ادهم ببرود : انا بخير وكويس روحي ومتقلقيش نفسك
سلوي بدهشه: امشي!
ادهم: ايوه امشي وارجوكم عايز ارتاح
سلوي بحزن: حاضر يا ادهم
خرجت سلوي ليقف احمد بجوار ادهم يربت علي كتفه
احمد: ليه يا ابني
ادهم: عشام مش عايز شفقه من حد وحقي هجيبه
احمد: هي ملهاش ذنب
ادهم: مش عايزها تشوفني كده اخرجلها يا عمي وانا هنام وهحاول ارتاح
احمد: بكيفك يا ابني انت حر
ترك احمد ادهم وخرج وجد سلوي تنتظره وفور رؤيته توجهت نحوه
سلوي بقلق : هو كويس يا عمو
احمد: ايوه يا بنتي والله الدكتور لسه ماكدلي ارتجاج في المخ بسيط وكدمات مقدور عليها
بس الاصعب كسر الايد واهو اتجبس
منهم لله معتز الكلب
سلوي بصدمه: معتز!
احمد: ايوه واحد معفن وحيوان اسمه معتز هو الي عمل كده اصل ادهم هو الي حكالي قالي بلطجيه قطعو طريقه
وعملو كده فيه وبلغوه ان ده من معتز سالته معتز مين مرداش يرد
تعرفي مين ده يا بنتي
سلوي: هه لا يا عمي معرفش بس انا عايزه ادخله
احمد: هو نام دلوقتي وصدقيني بلاش دلوقتي شكله مخنوق شويه
سلوي: حاضر يا عمو انا هفضل شويه هطمن عليه وامشي
____________________
ظل مراد يتحرك في الغرفه بعد خروج ياسمين واستمر الحال لساعات
واخذ يحدث نفسه كثيرا
مراد: ما انت غلطان برده يا مراد اييه ياخي مش كده
بس هي الي مستفزه
بس استفزتك امته دي بت جدعه وبتدافع عن اي حد اهو
بس مش بالطريقه دي!!
ما هي يا غبي قالتلك ملقتش حل الا ده
ماشي بس تهدي كده
هي مجنونه اه بس يده حتي احلي حاجه فيها جنانها
جنان ايه دي ضايعه منها خالص
بس طيبه وغلبانه ..يوووه يعني انت عايز ايه دلوقتي
اصالحها .....لا لا يمكن
خليك محترم واعتذر هي استحملت منك كلام زفت... بس برده هي الي استفزتني
بسيطه اسف وخلصنا..... انا اقول اسف ليه
خلاص روح شوف هي فين دي بقالها كتير بره... هتلاقيها بتعمل مصيبه تانيه
يابني بطل افتري وشوف والبت فين.. يوووه طااايب طاايب اما نشوف اخرتها
خرح ادهم من الغرفه وعندما سأل عن ياسمين اخبروه انها خرجت من المنزل
تتنزه في شوراع القريه
فخرح يبحث عنها الا ان
توقف فجأه وانتفض قلبه وصاح بصوت عالي: ياسمييييين
0 تعليق على موضوع "قصة وردة الياسمين - الحلقة 11"
الإبتساماتإخفاء