اصبحتي اكبر اهتمامتي وشغل بالي
مراد : انت متاكد من الاخبار دي
الموظف: يافندم ده موظف في شركتنا فعلا بس كان موظف عند حسام بيه وبعد ما الشراكه اتعملت
حسام بيه هو الي عينه عندنا بعد ما اخد اذن منصور بيه ووكله بالعلاقات العامه في الشركه
والسي في بتاعه محترم جداا وشكله مجتهد
مراد بتعجب : حسام الي دخله شركتنا
الموظف: ايوه يا فندم
مراد: تمام كويس تقدر تخرج دلوقتي
الموظف: بعد اذنك يا فندم
_______________________
كتبت ياسمين مقال عن تجاره الاعضاء وكشفت الكثير من الاعمال المشبوهه التي يقوم بها بعض الاشخاص
بعدما يستغلون هؤلاء الاطفال
كانت تحاول تهدئه النار الموقده في قلبها من حزنها علي بندق عن طريق الكتابه
كتبت الكثير بداخل هذا المقال الذي اصدر ضجه كبيره في الاعلام
واخذت بعض القنوات في الاهتمام اكثر بموضوع اطفال الشوارع
عندما وقع المقال في يد مراد قرأه ولكن شعر بالغضب الشديد
كم هي مندفعه ولا تتريث ولا تسمع لاي صوت سوي الصوت النابع من عقلها المتهور
اغتاظ من افعالها ها هي تسير بمفردها ولم تعد تطلعه باي اخبار ولا اي خطوه تفعلها
___________________
عادت ياسمين بشخصيه ورد الي مقر سيد ولاول مره تشعر بثقل في تمثيلها تلك الشخصيه
وخصوصا عندما وطأت قدماها في المخبأ
شعرت برعشه تسري في كل خلايا جسدها تذكرت بندق فكل ركن بالمكان كان يحمل ذكري معه
حاولت التحكم في نفسها واخفاء مشاعرها خاصه بعد دخول سيد وايقافه لها
سيد : اهلا بورد هانم
ورد وقبضت يدها وكتمت غيظها ورددت بصوت شبه مسموع: خير
سيد: لا كل خير بوصي يا قطه شغل اروح واجي بمزاجي مش هينفع
بح خلاص شطبنا انت من النهارده لا تقولي انك معانا لا تمشي زي الي مشيو
ورد باصرار: لا معاكم ومش همشي
اسيبك ازاي يا سيد
مش هسيبك الا لما روحك تطلع
سيد بتعجب : ايه
ورد: اقصد يعني ملناش الا بعض هروح فين ادينا قاعدين
سيد: طيب يختي كويس اخيرا ظهرتي
والبيه بندق كمان مختفي
ورد بدهشه مصطنعه رغم احمرار عينيها من كتم دموعها : هو اختفي !
سيد: الزفت بقاله كام يوم مش باين اشوفه بس هنفخه فاتحه تكيه انا
ورد بحنق : مش انت قلت الي مش عاحبه المكان يمشي وطردت دبش يمكن حصله
سيد بانفعال : يلا في داهيه
ورد وقد بلغ الغضب مبلغه قررت الابتعاد عنه حتي لا تنقض عليه فهي لن تتمالك اعصابها اكثر من ذلك
رددت: انا هشوف شغلي يا نتن
سيد: يلا ووريني
_________________
في دار الايتام وجدت سلوي ادهم يجلس شاردا وسط لعب الاطفال وصياحهم
سلوي: مالك يا ادهم
ادهم: هه
سلوي بغضب : بتفكر في مين يا استاااااذ
ادهم : هيكون مين يعني اكيد ام سعاد
سلوي بدهشه : ام سعاد مين
ادهم: ما احنا من ضمن عيالنا هنسمي سعاد واناديكي في الرايح والجاي يا ام سعاد
سلوي بخبث : ادهم مش هياكل معايا الكلام ده بتفكر في ايه
وبالك مشغول وده من فتره وبعدي بمزاجي بس للصبر حدود
ادهم بتنهيده : مفيش يا سلوي شغل بس وضغط
سلوي: من امته بتخبي عني مشاكلك في الشغل
ادهم : ما هو مش شغلي انا
سلوي بحزن : انت شكلك بتخوني
ادهم: نهار اسود بقولك ضغط شغل تقولي بخونك
انتي محسساني انك جيتي قفشتيني باتنين بيره ومعايا عدلات شخلع
اتنيلي اما الاقي وقت ارتاح ابقي الاقي وقت اخونك
سلوي ومطت شفتيها : يعني الي فارق عندك الوقت
ادهم: طبعا ده عنصر اساسي في الموضوع يابنتي افضي نفسي بس وابهرك
سلوي : رخم
ادهم : الموضوع كله ان شغل لياسمين ومقدرش ابلغك حاجه انما انا بالنسبالك ياباشا كتاب مفتوح
سلوي: مااشي يا ادهومه اما نشوف يا طيب القلب انت
ادهم بصدمه : انتي قلتي ايه
سلوي ببراءه: اما نشوف
ادهم: لا الي بعدها
سلوي: ياطيب القلب
تدهم.: الي في النص هتشليني
سلوي: ااااه عادي يعني
ادهم:عادي يعني.. ااانا كلم عدلات احسن تيجيلي تظبطني
وفجأة رن هاتف ادهم فقفزت سلوي لتري من المتحدث فرفع ادهم يده حتي لا تراه
ادهم: ايييه واحد بيكلم عدلات بتدخلي في النص ليه
سلوي بدلال : بقي كده يا ادهومي
ادهم: قلبي ياناس وخفض الهاتف ليريها اسم المتصل وتابع
ده مراد شوفتي ظلماني ازاي
سلوي بجديه : طيب يلا شوفه عايز ايه وانا همشي اشوف العيال يا ادهم سلام
ادهم: استغفر الله انت لو عفريت بيتحول مش هتبقي كده
امشي يا سلوي امشي
____________________
التقي مراد بادهم بعد اتصاله به للحضور لامر مهم
ادهم: خير يا ادهم اخلص من ياسمين احضر احضر تطلعلي انت
مراد: عشان الموضوع مهم
ادهم: خير
مراد: انت عارف طبعا بحكايه اشرف الي كلم ياسمين في الحفله
ادهم: ايوه ياسمين حكتلي ده
مراد: اشرف موظف عندي بس كان قبلها موظف عند حسام وهو الي دخله في شركتنا
ادهم: اوباااااااا مين حس ابو نسب
مراد: بالظبط كده واوعي تعرف ياسمين
ادهم: ليه
مراد: ياسمين موت بندق مخليها مندفعه وبتفكر بتهور وخايف بس اقول الاسم تعمل حاجه غلط
ادهم: تقصد انك مش حاسس انه حسام
مراد: عايز اتاكد واعرف السبب
ايه الي يخلي حسام ينقل حد من موظفينه عندنا
وايه يخلي اشرف ده يقول انه شغال عندي في حفله الشراكه كأنه بالظبط قاصد يبلغ ده لياسمين
ادهم: يعني حسام عايز يورطك انت
مراد: مش عارف بس ازاي وانا شريكه والي يضرني يضره
حرك ادهم يده في خصلات شعره واخذ يفكر
ادهم: لا دي محتاجه طالعه بقي
مراد: يعني ايه
ادهم: نراقب حسام
__________________________
ارتدي كل من مراد وادهم نقاب وتحركا نحو سياره قام باستئجارها
مراد بتذمر: ايييه الفكره العبقريه دي!!
ادهم وهو يرفع العباءه الي المنتصف ويتحرك بننطاله من تحتها
ادهم: ايه رايك عبقريه صح
مراد: انت ماشي كده ازاي هتقفشنا الله يخربيت دماغك
ادهم: يا عم لسه متحركناش محدش شايفنا
مراد: ولازمه كل ده ايه
ادهم : عشان حسُ ميقفشناش
مراد بسخريه : بحركاتك دي انا واثق اننا هنتسجن
ادهم: خلاص ظبطت اهو يلا نتحرك بقي
مراد : فيه بنات بالطول والعرض ده
ادهم: عشام كده لبست نقاب تحب ادخلك علي خطه بي نلبس فساتين وشعر وكعب
مراد: لا لا كده حلووو اووي يلا بينا
ادهم: قشطه يا مان
مراد: نعم يا اخويا
ادهم: اه صحيح هيا يا اختاه بارك الله فيكي هيا
دخل الاثنان السياره وتحركا الا ان وصلا الي شركه حسام
مراد: ميعاد خروجه حالا
ادهم وقد اخفض كرسه ووضع قدم فوق قدم ورفع نقابه
ادهم: تمام ينزل بس ووراه فين ما راح
مراد وهو يمسح بيده علي وجه المخبأ تحت النقاب : يا ابني هتكشفنا اتعدل وبطل انت مش قاعد في صالون بيتكم
ادهم:طيب طيب انعدلنا اهو
مراد بابتسامه : انتو العيله كلها كده
ادهم : وراثه بعيد عنك
مراد: الله يكون في عونك يا سلوي
ادهم: خرج خرج خليه وراه
__________________________
في غرفه سيد
يجلس سيد علي الكرسي ويضع الهاتف علي اذنه ويستمع جيدا للصوت القادم منه
_فيه كلام كتيير عن الي بيحصل وواضح ان فيه بينكم حد بينقل لسه الكلام
لو متعرفش مين هو هتحصل عطوه
وهدي الشغل اليومين دول عشان العين علينا
_____________________________
ظل ادهم ومراد يتحركان خلف حسام في كل مكان
دون ان يشعر انه مراقب
ادهم: انا زهقت ده ايه فيه راجل عصابه يروح كارفور ويشيك علي عربيته
ويقعد في كافيه مع ناس
ايه رجال العصابات المحترمه دي
مراد: لحد دلوقتي فعلا مفيش حاجه مش طبيعيه من تصرفاته
ادهم: هو الحل في اشرف ده نجيبه نرنه علقه تمام ويقر ويعترف
مراد : شكلها مش هتيجي الا كده
ادهم: يلا بينا نتحرك احنا لو تاكسي مش هنوصله لحد بيته زينا كده
وفجأه قطع حوارهم صوت خبطات علي نافذه ادهم كان هذا حسام
ارتعب كل من ادهم ومراد
ولكن فتح ادهم النافذه ببطأ وتوجس ليستمع لحسام
حسام بلباقه: حضراتكم تايهين اصل لاحظت انكم واقفين من زمان هنا
ادهم بصوت نسائي مصطنه:هه
حسام: انتو معاكو العنوان ومش عارفين تلاقوه
ادهم: اينعم يا اخي جزاك الله خيرا ممكن بس توصفلي اروح النادي منين
حسام: ااه بوصي حضرتك يمين في شمال اخره هتلاقي يافطه فيها اتجاه النادي وبوابته
ادهم: شكرا اخي بوركت والله
رزقت الجنه
غمز مراد يد ادهم
ادهم: احم احم سلام عليكم
واغلق نافذته وتحركا بعيدا عنه
مراد: كنا هنضيييع
ادهم: الحمد لله نفدنا
مراد: اول واخر مره اسمع نصايحك او افكارك
______________________
خرج سيد بعد المكالمه التي زادت من غضبه فقد سمع الكثير من التأنيب والتهديد والتحذير
اخد يسير في طرقات المخبأ الا ان وجد ورد تقف بمفردها في ردهه مظلمه
اقترب منها بهدوء واستمع لحديثها
ورد: ايوه يا بابا مش هرجع لا ومفيش مده محدده
من الاخر مش هرجع الا لما اجيب حق بندق
0 تعليق على موضوع "قصة وردة الياسمين - الحلقة 16"
الإبتساماتإخفاء