الحلقة (7)
__________
ياريت اللى يقراها يقول رأيه فالحلقة و انتقاده و انا هتقبله و
مش هزعل و ياريت كل واحد من الفانز يكتب اكتر جزء عجبه فالحلقة
و اكتر جزء معجبهوش ؟؟
اتمنى ان الحلقة تنال اعجابكم
القصة يومية :)
قراءة ممتعة :)
_____________________________________
(ياترى ايه المفأجاة ياخالد انا اعصابي
باظت طب خلاص بقي استنى و امرى
لله ايوه اكيد حاجة حلوة المفروض مكونش
خايفة كده و ابقى هادية انا هكلمه لا اكلمه
ايه احترمى نفسك شوية وبطلى هبل و
اعقلى كده عشان تصرفاتك دى كلها بتتحسب
عليكى حتى لو كنتى بتحبيه اوى دا شرقي
و كفاية الحضن اللى فلت منك ياهبلة
ايوه انا مش هتصل )
- التليفون يرن وهى بتلكم نفسها فالاوضة
تتخض وهو بيرن
فرحة : الو
خالد : Is this room Princess Far7ah
فرحة : Who speaks
خالد : معرفتيش صوتى
فرحة : خالد
خالد : الله ايوه خالد
فرحة : عايز ايه
خالد : ايه ده هو اللى عايز ايه ؟
فرحة : هو مش حضرتك بتتصل
يبقى عايز حاجة ؟
خالد : عايز سلامتك بطمن عليكى
فرحة : انا كويسة اقفل بقى
خالد : بس كده
فرحة : ايوه بس كده و نحترم نفسنا شوية
خالد : طيب مفيش مفأجاة بقي
فرحة : مفيش مفيش مع السلامة :\
- و قفلت الخط
التليفون رن تانى
فرحة : مش قولنا نحترم نفسنا بقي
مريم : فى ايه يافرحة
فرحة : دكتورة مريم لا ابداً ولا حاجة
كان فى حد بيعاكس
مريم : ههههههههههههه بياعكس هنا
و فى امريكا اكيد مصري
فرحة : اكيد :\
مريم : طيب يالا انزلى عشان نروح نشترى الهدايا
فرحة : دقيتين و هنزل على طول
مريم : طيب سلام
فرحة : سلام
(ممكن يكون زعل منى معرفش بقي و بعدين انا
صح هى مش البت هند قالتلى انهم بيحبوا الاسلوب
ده ايوه صح احسن ماابقى زى فراخ الجمعية مليش
طعم كده ولا نكهة ههههههههههههه ايه اللى انا بقوله
ده والله البت هند وحشتنى يالا كلها بكرا )
- نزلت من اوضتها وراحت لــ مريم
مريم : يالا نمشي
فرحة : هو خالد مش هيجى
مريم : قال انه هيجى ورانا
فرحة : يالا :\
(دخلوا المول و اشترو حاجات كتير و فضلوا
يستنوا خالد مجاش و هى مدايقة وهتعيط
و خلصوا كل حاجة و رجعوا تانى على الفندق)
مريم : يظهر ان خالد نام لسه
فرحة : اها ممكن انا كامن هروح انام بقى
تصبحى على خير
مريم : ايوه نامى عشان تصحى بدري عندنا
طيارة الصبح وانتى من اهله
_ دخلت فرحة الاوضة و اول ما فتحتها عنيها
دمعت وفضلت تعيط انه خالد وعدها بمفأجأة
ومعملهاش حطت الشنط و الحاجات اللى كانت
معاها على الارض و لسه بتدخل عند السرير
لقت بوكيه ورد و جمبه علبة هدية كبير لونها
ابيض ملفوفة بشريط ستان احمر جريت على
العلبة تفتحها .. لقت جوها ظرف و علبة
فيها دبلتين !!
- فتحت الظرف عشان تقرا الكلام :
احم .. بصي الدبلتين دول بتوعى
انا و انتى مش هنلبسهم دلوقت ولا هنا
هنلبسهم فى بلدنا وسط اهلنا و الناس اللى
بتحبنا انتى كده بقي محجوزة ليا و فى كلام
تانى لما نرجع مصر و عايزك تنسي كل
حاجة وحشة حصلت فى حياتك انا ربنا
بعتنى ليكى عشان انسيكى كل ايام الوجع
اللى عشتيها و كمان اتجوزك بقى و ألمس
شعرك اللى هموت و اشم ريحته احم ..
حاضر هحترم نفسي ..
اها و فى حاجة كمان الدبلة بتاعتك مش
هتتغير حتى لو معجبتكيش انا راجل حازم و احب
كلمتى هى اللى تمشي و بعدين الدبلة شكلها
حلو و زى القمر زى صاحبتها .. والله هحترم
نفسي حاضر .. و بطلى عياط و انتى بتقرى
الجواب انا عارفك زمانك دلوقت غرقتى نفسك
دموع اااه ياربى بحب حنفية .. اها بحبك
بقي .. احم خلاص انا احترمت نفسي ..
_____
(هااااااا هو اللى بيحصل ده بجد و لا انا بحلم)
- و هى بتكلم نفسها التليفون رن
خالد : فرحة
فرحة : نعم (كانت بتعيط اوى)
خالد : قولى جملة مفيدة كده
فرحة : ليه ؟
خالد : هو احنا هنسافر بكرا
فرحة : ايوه
خالد : قولى اللهم صلى على سيدنا محمد كده
فرحة : ليه ؟
خالد : قولى بس
فرحة : اللهم صلى على سيدنا محمد عليه الصلاة
والسلام
خالد : عليه الصلاة والسلام انا كده اتاكدت انتى
بتعيطى برضوا
فرحة : لا
خالد : اومال انا خليتك تقولى جملة طويلة ليه ؟
عشان اعرف اذا كنتى بتعيطى ولا لأ
فرحة : فعلاً انا كنت بعيط بس لما صليت ع
النبى هديت
خالد : عليه الصلاة والسلام طب انتى كويسة
فرحة : الحمد لله ايوه كويسة انته كويس
خالد : الحمد لله
فرحة : طيب تصبح على خير
خالد : اصبح على خير و انتى من اهلى
فرحة : طيب
خالد : خدى بالك من نفسك
فرحة : حاضر .. لا اله الا الله
خالد : محمد رسول الله .. فرحة مش عايزة
تقولى حاجة ؟
فرحة : خد بالك من نفسك ..
خالد : حاضر و انتى كمان
فرحة : حاضر
خالد : مع السلامة
_____
(ياااه يافرحة للدرجة دى انتى حساسة كده
ربنا يقدرنى و اقدراعوضك عن كل الوجع
اللى عشتيه كنتى فين من زمان يافرحة هو
لسه فى بنات كده فى براءة بالشكل ده)
(اااااه لو تعرف يا خالد انا حاسة بإيه دلوقت
شكراً يارب ياحبيبي شكراً انك استجبت لدعوتى
انا مش عايزة حاجة تانى والله يارب غير اننا
نبقوا لبعض وتكمل على خير و الله يارب مش
عايزة غير كده و اى حاجة تانية تحصل انا
مش عايزة والله غيره يارب هو نيته اكيد خير
يارب .. بحبك يارب شكراً ليك يارب شكراً
ياحبيبي ياسندى بحبك يارب بحبك اوى
الحمد لله يارب انك دايماً معايا مبتنسنيش الحمدلله)
___
فضلت تكلم نفسها لحد ماراحت فالنوم و صحيت على
صوت المنبه ..
(انا اول ما فتحت عنيا الصبح حسيت بأنشكاح
فظيع و كأن الاسبوع ده عمر بحاله حصلت
فيه حاجات كتير حلوة اوى صدف و مواقف
و مش هنسي ولا لحظة من الاسبوع ده
اجمل اسبوع فى حياتى و يارب الايام
الجاية تبقى احلى يارب)
- الباب كان بيخبط راحت تفتح
مريم : جاهزة يافرحة
فرحة : ايوه انا حضرت كل حاجة من امبارح
هغير هدومى و انزل على طول
مريم : طيب انا هنزل استناكى تحت مع خالد
فرحة : طيب :)
- دخلت فرحة تغير هدومها و قفلت الباب
بعدها بخمس دقايق الباب خبط تانى فتحت الباب
وهى فاكرة انها دكتورة مريم
فرحة : انا جهزت يلا بينا
خالد : اييييييه ده
فرحة : انته ايه اللى جابك هنا
خالد : ردى عليا انتى ايه ده
فرحة : فى ايه ؟
خالد : انتى حلوة اوى
فرحة : >.<
خالد : خلاص احترمتها والله احترمت نفسي
يلا ننزل هاتى الشنطة دى
فرحة : لا و امشي انزل لوحدك
خالد : مش هتنزلى معايا ليه ؟
فرحة : انزل معاك ليه هو انا اعرفك
خالد : ايوه صح احنا منعرفوش بعض خالص
احنا يدوبك لسه متعرفين على بعض دلوقت :D
فرحة : امشي ياظريف هنتأخر امشي بقي
خالد : طيب هاتى حاجتك و انا همشي وراكى
احرسك :D
- دخلت وقفلت الباب و وقفت عليه من جوه
(الواد ده حلو كده ازاى :( انا هيجيلى سكته
قلبية منه لا وكمان عايزة اتجوزة يالهووى :(
دا الواحد يقعد معاه فى بيت واحد ازاى ده
يارب انا غلبانة بس بحبه يارب يفضل
حنين كده يارب )
- الباب خبط تانى دخلت جابت الشنط
و خرجت
خالد : بتعملى ايه كل ده امشي قدامى يلا
امشي جاتك الارف كده و انتى حلوة
فرحة : >.< و الله ما انا متحركة من هنا
غير لما تمشي انته الاول
- مشي خطوتين ورجع تانى
خالد : اهو مشيت الاول مشيتى حلوة صح
امشي قدامى بدل ما اتصرف معاكى تصرف تندمى
عليه >.<
فرحة : حاضر :(
خالد : ههههههههههههه بيبي فيس :D متجيش غير
بالعين الحمرا
- نزلوا تحت عند مريم فالريسبشن
مريم : ايه يا ولاد اتاخرتوا كده ليه
فرحة : اصل كان فى كائن رزل و انا جاية
مريم : ايه حد عاكسك
فرحة : حاجة زى كده :\
مريم : وانته حد عاكسك انته كمان ولا ايه ؟
خالد : بصراحة لا انا اللى كنت بعاكس :D
مريم : ههههههههههه بجد
خالد : لقيت بنت زى القمر يادكتورة مريم
و انا نازل دلوقت بس ياخسارة احنا هنمشي
مريم : هههههههههههههه انته مصيبة ياخالد
فرحة : يلا نمشي يادكتورة عشان مش هنخلص
مريم : يلا ههههههههههههههه
- خرجوا من الفندق بعد ماصفوا حسابهم و راحوا
على المطار
مريم : طيب اسيبكم انا بقي عشان انتو عارفين
مش بعرف اقعد على الكراسي دى
فرحة : اتفضلى يادكتورة
- راحو يقعدوا
خالد : هاااا هتعرفى تقفلى الحزام و لا لسه
متعرفيش
فرحة : خليك فى حالك
خالد : ايه يابنتى التناكة دى
فرحة : ياصبر
خالد: صبر مش هنا فى خالد
فرحة : و فى البنت اللى كنت سيادتك بتعاكسها
خالد : ااااااااااااااااااه انتى بتغيرى
فرحة : اناااااااااا :\
خالد : اومال انا
فرحة : اسكت تعرف تسكت
خالد : لا معرفش
فرحة : طيب اتكلم
- طلعت المصحف تقرا فيه
خالد : خلصتى
- و هى مبتردش
خالد : خلصتى
فرحة : ايييييييييييه عايز ايه ؟
خالد : خلصتى
فرحة : اها عايز ايه ؟
خالد : احم فتحتى العلبة
فرحة : علبة ايه ؟ (بخبث)
خالد : العلبة
فرحة : ايوه علبة ايه ؟
خالد : يابنتى العلبة
فرحة : يابنى علبة ايه ؟ مش فاهمة
خالد : العلبة اللى كان فيها الدبلتين و الظرف
فرحة : ااااااااااه العلبة لا مفتحتهاش
خالد : ياربى على الاستفزاز
فرحة : هههههههههه خلاص خلاص فتحتها
خالد : طب و ايه ؟
فرحة : ايه ؟
خالد : ايه انتى ؟
فرحة : احم .. ايه انته ؟
خالد : اييييييه مفيش ريكشن خالص
كده نو كومنت
فرحة : مش انته جبت امانة اخليها
عندى و لما تيجى تطلبها اديهالك
خالد : اماااااانة اها امانة طيب اسكت يعنى
فرحة : اها ياريت عشان صدعت
خالد : اااااااااااه يا دماغى
فرحة : كتر خيرها الصراحة ان دماغك مستحملاك
خالد : كتر خيرى انا مستحمل تناكتك دى
فرحة : :D
خالد : خدى
فرحة : ايه ده ؟
خالد : رواية جبت اتنين واحدة ليكى و واحدة ليا
عشان متبقاش واحدة كده تقولى انته قليل الادب
فرحة : احم .. شكراً
خالد : ههههههههههههههه
فرحة : ههههههههههههه
خالد : عسل
فرحة : ايه ؟
خالد : بقول لنفسي عايز اكل عسل
فرحة : عسل اسود
خالد : عرفتى منين ؟
فرحة : خفة
خالد : احم طيب نقرا الرواية بقى قبل ماتقلب
فرحة : ايوه و انته ساكت ياريت
_______________________
يتبع
يوميات سحس وسحساية
ASMaa
0 تعليق على موضوع "قصة فرحة / الجزء الأول - الحلقة 7"
الإبتساماتإخفاء