(8)
اقسم بالله انا عيطت وانا بكتبها من كتر تأثرى بشخصية فرحة :(
______________
خالد : هاااا وصلتى لحد فين يافرحة ؟
فرحة : لحد فين فالضل فصلين واخلصها
خالد : هاا O.o فصلين
فرحة : اها فصلين و انته وصلت لحد فين ؟
خالد : احم انا فاضل فصل و ابقى قريت اربع فصول
فرحة : هههههههه انته فى الفصل الرابع
دى 20 فصل
خالد : معلش بقي بتتعاملى مع واحد بطئ -_-
فرحة : ايوه صح على رأيك :p
خالد : انتى جاية لوحدك ولا معاكى حد
فرحة : لا جاية لوحدى :p
خالد : انا كمان لوحدى :D
فرحة : طيب
خالد : طيب ايه ؟
فرحة : اسكت تعرف تسكت اقرأ و انته ساكت
خالد : دا امر
فرحة : احم ايوه :D
خالد : احم حاضر
فرحة : خالد اقولك على حاجة
خالد : ياااه اخيراً هتنطقى
فرحة : انتى فاكرنى هقولك ايه O.o ؟
خالد : لا اتكلمى بس انا سامع و كلى آذاناً
صاغية و عنية مفنجلة و مبحلق اهو
فرحة : ايه ده بس اسكت شوية
خالد : اها ايوه سكت قولى
فرحة : انا خايفة :(
خالد : ايه :o
فرحة : ايوه خايفة :(
خالد : من ايه ؟
فرحة : منك خايفة تيجى فى يوم
تقولى اسف مش هينفع نكمل سوا
خالد : طب و فيها ايه ؟
فرحة : فيها انى ممكن اموت هو انته
هتعمل كده فعلاً
خالد : مش عارف
فرحة : مش عارفازاى يبقلا هتعمل
كده صح :(
خالد : انتى هبلة صح
فرحة : لا مش هبلة بس خايفة انى
فى يوم ابقى لوحدى
خالد : بس انتى مش لوحدك معاكى ربنا انتى
نسيتى كلامك نسيتى لما شوفتك وانتى بتكلمى
ربنا هو ده اللى خلانى اموت فيكى
فرحة : متغيرش الموضوع
خالد : لا يافرحة مش بغير الموضوع
انتى ليه رافضة تسمعى انى بحبك
انتى مش مصدقانى صح
فرحة : لا انا مش مصدقة نفسي اصلاً
خالد : ليه يافرحة معيشة نفسك فالخوف
ده كله ليه ؟ انا مش ملاك و مهم للدرجة
دى انا مستغربك
فرحة : ايوه انته مش ملاك و بس مهم
عندى اوى انته مش فاهم ..
انا مش بحبك من سنة ولا اتنين انا من
يوم ماعرفت حاجة اسمها حب عرفتك
بيه انا معرفش حد ليا غيرك انته مش
فاهم يعنى ايه بنت تعيش عمرها كل
تحب انسان و فالاخر يسيبها احنا البنات
لما بنحب مش بيهمنا اي حاجة احنا ممكن
نموت نفسنا عشان اللى بنحبه انته مش فاهم
يعنى ايه تفضل تحب حد وهو اصلاً مش
حاسس بوجودك وفجاة كده تجمعكم حاجة
سوا و فجأة برضوا يحبك كده من غير مقدمات
حاجة محدش يصدقها حبيتنى عشان قريت الاجندة
تبقى شفقة عشان اللى عشته طول عمرى يبقى برضوا شفقة
حبيتنى ليه ياخالد انته حبيتنى ليه نفسي افهم
وحبيتنى امته اصلاً انا مش عارفة اصدق اللى بيحصل
معايا ممكن تريحنى وتقول حبيتنى ليه حبيتنى امته اصلاً
احنا مبقلناش غير اسبوع حبتنى امته بالله عليك
مشعايزة اصدق انى هفرح و ارج اتكسر تانى انا
مش حمل حاجة تكسرنى تانى اصلاً انا كنت بنتهى
و انته جيت خلتنى احب الحياة خالد بالله عليك انا
مش عايزة اعيش ايام زى اللى فاتت تانى لو ناوى
تسيبنى سيبنى دلوقت انا راضية ومش هزعل والله
والله هفرح انك صارحتنى مش هزعل ياخالد
بس قولى انته حبيتنى امته حبتنى اصلاً ليه ياخالد
خالد : خلصتى يافرحة (كان بيعيط)
فرحة : ايوه خلصت (هى كانت ميتة من العياط)
- فك حزام الامان وقام وقف
فرحة : رايح فين ؟
خالد : (بصوت عالى) طبعاً حضرتكم معظمكم
عرب و اكيد فيكم مصرين وهتفهموا كلامى
المضيفة : فى حاجة يافندم
خالد : ايوه فيه ؟
المضيفة : خير اتفضل معايا عند الكابتن ولو
يقدر يساعدك هيساعدك
خالد : لالا انا هتكلم هنا
.. بصوا ياجماعة انا عندى 22 والبنت دى
زميلتى من الابتدائي يعنى نعرف بعض
17 سنة و هى بتحبنى من و احنا صغيرين
وانا كمان بحبها من واحنا صغيرين بس
مكنتش بقول عشان مكنتش قادر اقول
بس حصلت صدفة وعرفت منها انها
بتحبنى و من وقتها وانا فى حيرة عمرى
ماقولت لحد انى بحب فرحة من واحنا صغيرين
وحتى لما قولتلها انى بحبها فهمتها انى بحبها
من اسبوع بس يعنى مش من 15 سنة زى ما
هى بتحبنى .. ايوه يافرحة بحبك من 15 سنة
بس مكنتش بتكلم عشان مكنتش بقول عشان
اى حد بحبه بيسبنى ويروح امى ماتت وسابتنى
و اختك اتجوزت وسابتنى و انتى لما حبيتك
خوفت انك تسيبينى بس اقسم بالله اقسم بالله
انا ما هفرط فيكى انتى تخينة طب و ايه يعنى
انتى اصلاً احلى و اطيب واحن بنت شافتها
عنيا انا كنت بكذب نفسي وبخرس صوتى
جوايا عشان نقولش لنفسي انى بحبك بس
انا مش بحبك انا بعشقك وقدام الناس مش
عارف في حد مش فاهمنى ولا لا انا بحبك
يافرحة والله العظيم ومش هتجوز غيرك مهما
يحصل و مش هتنازل عنك ومش هيبعدنى عنك غير
الموت واللى يحصل يحصل صدقتينى او مصدقتنيش
انا مش هسيبك صدقتى كلام او مصدقتهوش انتى
حرة بس انا مش هفرط فيكى مهما يحصل يافرحة
انا خلصت كلامى بقى خلصته كله ولو حد قالى قوله
تانى مش هعرف والله مهما عملت
- قام كل اللى كانوا قاعدين معاهم وصقفوا جامد
وفى واحدة وزغرطت بصوت عالى
- وفرحة دموعها على خدها مش قادرة تبطل
عياط قعد فى مكانه جمبها ومسح دموعها
خالد : والله العظيم بحبك
فرحة : انا مش بحلم صح
خالد : لا .. ومش هحضنك عشان حرام
فرحة : ههههههههههههههههههه (وعيونها مليانة دموع)
خالد : اصلاً انتى القاعدة معاكى كلها ذنوب
عرفتى بقى انا بحبك من امته ؟
فرحة : اها عرفت
خالد : و لسه خايفة
فرحة : لا .. عارف ليه ؟
خالد : ليه ؟
فرحة : عشان ربنا معانا
خالد : :)
فرحة : :)
- (الطيارة وصلت مصر و انا حاسة انى
قلبى هيخرج من صدرى مش قادرة اتنفس
و لا عارفة افكر تفكيرى اتشل مكنتش قادرة
ارد حتى على حد و دكتورة مريم تكلمنى ابتسم
وصلت بلدى ياااه كنت حاسة ان بقالى سنين بعيدة
عنها مش اسبوع واحشتنى كل حاجة سبتها ورايا
فى بلدى نزلنا من الطيارة وانا ساكتة و خلصنا
كل حاجة واخدنا الشنط ركبت التاكسي و انا
مش عارفة اللى حصل ده بجد ولا كان حلم
يااااه للدرجة دى المفأجأت اللى ربنا بيشلها
لينا بتبقى احلى من اللى بنتمناه خالد بيحبنى
من واحنا صغيرين وانا كنت فاكراه مش
واخد باله منى اصلاً بحبنى و انا اصلاً
كنت قفدت امل ان يحس بوجدي يااااه
للدرجة دى ربنا كريم و بيحبنى عشان
يحصل معايا كل ده
- ركبت التاكسي مع خالد و الدكتورة مريم
ووصلت بيتها اول واحدة
مريم : نشوفك بكرا بقى فالاكاديمية يافرحة
فرحة : ان شاء الله
خالد : مع السلامة
فرحة : مع السلامة
_________
- طلعت بيتها و اول مادخلت البيت شافت
والدتها عيطت واترمت فــ حضنها
امينة : مالك يافرحة .. انتى تعبانة
وشك عامل كده ليه ؟ اي اللى حصل
يابنتى مالك طمنينى ؟
فرحة : خالد بيحبنى يا ماما بيحبنى
امينة : خالد مين انا مش فاهمة حاجة
يابنتى انتى حصلك ايه اهدى شوية
ايه كل العياط ده
(هديت وقتها وانا فى حضن ماما اوى وارتحت
وحكيت كل حاجة حصلت و كل تفصيل صغير
حصل معايا كل حاجة كنت كتماها فى قلبى
قولتها لأمى وهى تعيط وانا اعيط و مقدرتش
اخبى عنها حاجة )
امينة : يااااه يابنتى شايلة كل ده فى قلبك
دا انا على كده مش بحس ياحبيبتى تعالى
نامى دلوقت وكل حاجة هتبقى كويسة ان
شاء الله و هتفرحى والله سيبى كل حاجة على
الله و قولي يارب
-- نامت فرحة لانها كانت تعبانة من السفر
ونفسيتها كانت تعبانة و مكنتش عايزة تعمل
حاجة غير انها تنام و بس
- تانى يوم الصبح
امينة : فرحة يافرحة :)
فرحة : ماما :)
امينة : صباح الخير
فرحة : صباح النور
امينة : يالا قومى عشان نفطر سوا
فرحة : مليش نفس
امينة : لا قومى عشان نفطر كلنا
احمد وياسر هيفطرو معانا قومى
يلا بلاش كسل
- افتكرت الهدايا اللى كانت جيباها
لاخوتها وامها قامت تجيبها
فرحة : حاضر يا ماما هغير هدومى
و اجى وراكى
- غيرت هدومها و خرجت
فرحة : صباح الخير ياولاد
احمد : صباح الخير يافرحة
ياسر : صباح الخير ياوحش
امينة : ولد عيب احترم نفسك
فرحة : ههههههههههههه لا سيبيه
يا ماما .. خد يا ياسر دى عشانك
و انته يا احمد اتفضل .. ودى ليكى ياماما
امينة : هاتى يافرحة شكراً ياحبيبتى
ياسر : بلايستيشن الله من اللى قولتلك عليه ياماما
- قام باس فرحة فى خدها
ياسر : انا اسف يافرحة شكراً اوى اوى
امينة : يانصاب
فرحة : ههههههههههه مش هتفتح هديتك يااحمد
احمد : ايوه هفتحها بس بلاش دلوقت عشان
محدش كده يحط عينه عليها
فرحة : هههههههههههههه
ياسر : انته فاكرنى هبص لهديتك ولا ايه
انا معايا هدية احسن من بتاعتك
امينة : شكراً يافرحة مكنش ليه لازمة
مصاريف على الفاضي
فرحة : لا ابداً ياماما بعدين انا حبيت
اجبلكم هديا عشان كنتوا فى بالى على
طول وانا هناك و جبت اللعبة دى مخصوص
لــ ياسر عشان عارفة ان نفسه فيها :)
ياسر : شكرا يافرحة بجد شكراً اوى
فرحة : العفو ياحبيبي
ياسر : اروح اجربها بقى
احمد : و انا هنزل بقى عشان اتأخرت على
الكلية وشكرا على الهدية يافرحة
فرحة : العفو ياحبيبي
ياسر : مش هتفتحها
احمد : لا :P
ياسر : اصلك رخم
امينة : اخترم نفسك ياولد قولتلك
قوم يلا خد شنطتك و روح مدرستك
ياسر : طيب :\
امينة : تعالى يافرحة عيزاكى فى موضوع
فرحة : خير ياماما لو موضوع امبارح بلاش
اتكلم فيه دلوقت لسه محتاجة استوعبه
امينة : لا دى حاجة بخصوص هند صحبتك
فرحة : هند ياااا وحشتنى اوى استنى لما اكلمها
امينة : مش هترد عليكى يافرحة
فرحة : ليه يا ماما
امينة : امها ماتت
فرحة : ايه طنط امل ماتت
امينة : ايوه ربنا يرحمها ماتت تانى
يوم سافرتى فيه
فرحة : وهند يا ماما هند اخبارها ايه
امينة : البنت حالتها تصعب على الكافر
قاعدة عند خالها فــ اسكندرية والدكتور
عندها كل يوم
فرحة : ياحبيتى ياهند ليه كده يارب
دى ملهاش غيرها
امينة : حرام عليكى استغفرى ربنا
فرحة : استغفر الله ياترى عاملة ايه دلوقت ياهند
امينة : هى مش دراينة بحد اصلاً نايمة بسبب
المهدئات الى بتاخدها ياقلبى
فرحة : انا لازم اروحلها
امينة : ايوه هنروح ان شاء الله بس روحى
دلوقت جامعتك ولما ترجعى هنروح عشان
هى بتبقى نايمة دلوقت
فرحة : يااااه ياهند مبقاش عندها حد يا ماما
خالص كل اللى كانت بتحبهم ماتوا
امينة متقوليش كده حرام عليكى و ربنا موجود
يابنتى محدش بيموت من الحزن و لا حد بيموت
على حد بكرا تتحسن
فرحة : بس دى كانت بتحب امها اوى يا ماما
امينة : وهتفضل تحبها يابنتى دى مهما كانت امها
بس لازم تعيش هتعمل ايه ؟
فرحة : ربنا يخليكى ليا يا امى
امينة : ويخليكى ليا يابنتى وافرح بيكى
فرحة : طيب ياماما انا همشي بقي عشان متأخرش
وحضرى نفسك عشان نسافر
امينة : ان شاء الله.. فرحة عايزة اطلب منك طلب
فرحة : طبعاً يا ماما اتفضلى
امينة : عاملى خالد بطريقة كويسة و بلاش
التهور ده هو بيحبك فعلاً
فرحة : عادى يا ماما بتعامل معاه عادى
امينة : ايوه انا بلفت نظرك بس
فرحة : ربنا يخليكى ليا
- نزلت فرحة من البيت وهى زعلانة اوى على
هند و زعلانة اكتر من نفسها عشان ماكنتش جمب
صاحبتها فى اكتر وقت محتاجة ليها فيه
وصلت الجامعة وهى زعلانة لقت خالد قدامها
خالد : صباح الخير يافرحة مالك انتى كويسة
فرحة : صباح الخير .. لا ياخالد انا حاسة انى
مدبوحة
خالد : بعد الشر عليكى مالك
فرحة : عارف هند زميلتى
خالد : ايوه اللى بتحب دكتور رأفت
فرحة : انته تعرف منين ؟
خالد : ماهو انتى مش مخليه حاجة الا
وكتباها فى مذكراتك
فرحة : اممممم انا هولع فالمذكرات دى
خالد : ههههههههههههه ماعلينا مالها هند
فرحة : امها ماتت
خالد : اللى كانت تعبانة مش كده
فرحة : ايوه
خالد : الله يرحمها
فرحة : ماتت تانى يوم لما سافرنا وانا
مكنتش جمبها :(
خالد : ربنا يصبرها متزعليش يافرحة
ربنا جمبها و معاها
فرحة : ونعم بالله
خالد : سهيلة الجزمة جاية علينا
فرحة : ياريت عايزة حد اطلع فيه همى دلوقت
سهيلة : هاى يا خالد ازيك حمد لله على السلامة
خالد : شكراً
سهيلة : وحشتنى اوى
خالد : متشوفيش وحش .. ها يافرحة هتعملى ايه ؟
سهيلة : انته واقف مع الشئ ده ليه
خالد : ياشباب و يابنات تعالوا كلكم
فرحة : انا ماشية ياخالد
خالد : لا استنى (ومسك ايديها)
فرحة : سيب ايدى فى ايه ؟
خالد : استنى .. ياجماعة انا عايز اقولكم
انى خطبت فرحة و اشترينا الدبل من امريكا
و ان شاء الله الخطوبة بعد الامتحانات وكلكم
معزومين
محسن : مبروك ياندل و انا اخر من يعلم
خالد : معلش ياصاحبى كنت عايز اعملها مفأجأة
لفرحة
مراد : مبروك ياخالد مبروك يافرحة
- كل ده وفرحة واقفة مصدومة من تصرف خالد
سهيلة (بااستحقار) : ملقتش غير دى ياخالد
خالد : احترمى نفسك يا سهيلة ومتنسيش انك بنت
عمى مش عايز اتخانق معاكى فرحة دى الانسانة
الوحيدة اللى اقدر اتجوزها وانا مطمن على الاقل
مش بتروح تسهر لوش الفجر فى النوادى مع اللى
يسوا واللى ميسواش
سهيلة : مبروك عليك شيل (بصت لفرحة باستحقار
و مشيت وسابتهم )
محسن : و الدكتور رافت كمان خطب مروة علام
فرحة : دكتور رأفت خطب دكتورة مروة
محسن : ايوه
خالد : امته يا محسن
محسن : امبارح كانت حفلة الخطوبة
- فرحة : انا همشي يا خالد (ومشيت)
خالد : استنى يافرحة
محسن : عن اذنكم انا ومبروك على الخطوبة
خالد : الله يبارك فيك وعقبالك يا سحس
فرحة : شوفت اللى حصل
خالد : ايه عشان خطوبة رأفت و مروة يعنى
ما هو الناس كلهم عارفين انهم بيحبوا بعض
فرحة : بيحبوا بعض ؟
خالد : ايوه يابنتى دول كانوا زمايل و هو بيحبها
فرحة : طب وهند دى لو عرفت خلاص ممكن
تموت يعنى امها تسيبها وتموت و الانسان اللى
حبته يخطب واحدة غيرها
خالد : قضاء ربنا يافرحة و اكيد ربنا شايلها الاحسن
فرحة : ونعمة بالله انا عايزة امشي لازم اروحلها
خالد : االنهاردة
فرحة : ايوه .. وبعدين تعالى هنا ايه اللى انته عملته ده
خالد : اايه بحبك وخطبتك فيها حاجة دى
فرحة : و هو اللى بيخطب حد بيخطبه فى الكلية
خالد : عشان مفيش كلب يطول لسانه عليكى احم وبعدين انا فاتحت بابا وهنيجى نزوركم الاسبو ع الجاى
فرحة : هاااااا
خالد : هههههههههههههه مش كنتى عايزة تمشي
فرحة : ايوه همشي قبل ما يغمى عليا
خالد : سلامتك ياقلبى
فرحة : خالد
خالد : نعم ياعيون خالد
فرحة : انا بحبك
(ومشت وسبته)
__________________________
يتبع
__________________
برعاية يوميات سحس و سحساية
ASMaa
0 تعليق على موضوع "قصة فرحة / الجزء الأول - الحلقة 8"
الإبتساماتإخفاء