يوميات سحس وسحساية: قصة وردة الياسمين - الحلقة 9

الحلقه 9

ما هي البدايه؟ هل هي  الانطلاق من العدم ام السير مجددا من النهايه؟!

اسرع سيد الي غرفه عطوه ووجد جثته بالفعل
سيد بصدمه  : نهار اسود ده مات فعلا
دبش : مين يا سيد الي يكون عملها
سيد بانفعال : معرفش بس مين يقدر يدخل لعطوه في وكره وكمان يقتله
كنتو فين يابقر
دبش بخوف : ما انت عارف عطوه محرج محدش يدخل المكان بتاعه ابداا الا الصبح
سيد: مصيري اعرف مين وياويله
بقولك اتصرف في الجثه وتعالي معايا نشوف الزفت التاني بندق ده مش ناقص انا جثه تانيه
دبش : تمام ياباشا
______________________
فتح مراد عينيه ووجد نفسه علي سرير في غرفه بسيطه وامامه توجد ياسمين التي كانت نائمه علي اريكه موجوده بالغرفه
مراد بصوت ضعيف: ياسمين
ياسمين والتي ظلت نائمه و تحدثت اثناء نومها: لا يابابا مش هاكل
مش جعانه
حاول مراد رفع صوته قليلا: ياسمييييين
ياسمين:  ما قلنا لا يا بابا هنام بس سبني انام بقي
مراد واستنفذ كل قوته في رفع صوته: ياسمين اصحي
انتفضت ياسمين من ثباتها وفقدت اتزانها فسقطت من الاريكه
ياسمين بالم: اااااه يا عمودي الفقري
واخذت تنظر حولها وعاد لها تركيزها ووجدت مراد ينظر لها
نهضت من الارض واسرعت ياسمين في الاقتراب من سريره
ياسمين بفرح : مراد انت صحيت حاسس بايه
انت كويس صح لسه حاجه بتوجعك اكيد لا
نمت كويس فيك حاجه طيب..
اوقفها مراد: اسكتي شويه افصلي اييه رغي رغي
ياسمين: صحفيه يعني والرغي اسلوبنا بقي ها اخبارك ايه
مراد باستفسار : احنا فين
ياسمين: الراجلين الي شافونا جابونا هنا قريه كده غريبه عجيبه مش موجوده علي الخريطه
اسمها قريه النخيل وليها كبير زي عمده مثلا بس ايه حاجه فخمه هنا اسمه عم صابر ومراته كله بيناديها الحاجه معرفتش ااسمها المهم ياسيدي دول الي استضفونا في بيتهم وفيه راجل دراعه اليمين عم عوض بس راجل خنيق كده مش عارفه ليه مطقتوش واه  جابو دكتورليك
ومطلعتش اصابتك كبيره ولا حاجه اصلا الدكتور قال الي نشن عليك شكله مبتدأ احم احم ده الي هو انا يعني المهم والرصاصه عملت خدش وكله طبعا عرف اننا اخوات وانا اصريت افضل معاك كنت خايفه تموت واقعد بقي اكفر عن ذنبي ده طووول حياتي
مراد ببروده المعتاد: عايز امشي من هنا
ياسمين بسخريه :لا مش اصابتك بسيطه للدرجه دي
انت مش مسموح الحركه يومين تلاته علي الاقل
مراد: انتي ليه محسساني ان الي حصل امبارح كان فيلم كوميدي
ياسمين برعب مصطنع : امبارح يا نهار اسود شوفت شوفت الي حصل وشوفتني وانا بضرب المسدس ايه كنت جيمس بوند
شوفت شوفت بو بو واينعم جت فيك معلش بس شوفت جت في المجرم ازاي
مراد: انتي هبله يا بنتي
ياسمين وعقدت ذراعيها: مش قلنا بلاش تجاوز في حدود التاني
مراد بعصبيه: اعقلي كلامك الاول انا لو مطلعك رحله مش هتبقي  كده

تنهدت ياسمين ورددت : والدي كان بياخدني وقت التدريب وكنت بشوف اكتر من كده
واكتر من مره كان يصاب واجري انا وامي علي المستشفي والرعب بقي صاحبي متعوده يعني
كبرت بدل ما ابعد عنه روحتله برجلي ودخلت صحافه ومش اي مواضيع اكتبها
تقدر تقول حبيتش الموضوع اووي

ابتسم مراد رغم ان كلام ياسمين يحمل نكهه الفرح لكن كان يظهر في عينيها الالم
ان العيش وسط الرعب والخوف والالم لشئ يجعل القلب يتقبل اشد انواع العذاب

مراد: لازم امشي من هنا في اسرع وقت وغيابي عن الشركه هيخلي الكل يسأل
ولازم اعرف مين الي ورا الموضوع ده دي محاوله قتل ومش انني لوحدك ده كان هيقتلني انا كمان

ياسمين: يلا زمانه الله يرحمه بقي

مراد: كان لابس واقي
ياسمين بدهشه: ايه ! !
مراد:  انا شفته وانا بضربه وضربي حتي ولا كان بيأثر فيه
ده قاتل مأجور بس محترف وعارف شغله وقالهالي ان كان عليا الدور
ياسمين: مين الي عايز يتخلص منك طيب انا وطلع كمين ليا انت مين مصلحته موتك
مراد: معرفش بس الي اتاكدت منه ان والدي اكيد ملوش دخل بالموضوع ده
ياسمين: بس برده لسه منعرفش مين الي ورا كل ده
مراد: نرجع بس القاهره وانا هعرف بطريقتي
ياسمين: ازاي يعني
مراد: مش بتصرحي عن مصادرك  انا زيك سبيني بقي وانا لو عرفت حاجه هعرفك
ياسمين: بقي كده ماشيي عموما يعني.... قاطع حديثهم صوت الباب
تحركت ياسمين وفتحت الباب  لتجد زوجه عم صابر ومعها فتاه تحمل صينيه بها الكثيز من الاكل
الحاجه: اتفضلو يا بنتي شويه اكل علي ما قسم
ياسمين: تسلمي يا حاجه
حاجه : ايه ده اخوكي فاق الحمد لله
ياسمين: لسه حالا والحمد لله بخير
مراد: شكرا جدااا علي مساعدتنا لسه ياسمين بتحكيلي
حاجه: الشكر لله يا ابني وهبلغ الحاج عشان يطل عليك بنفسه
اسيبكم ترتاحو
وخرجت السيده مع الفتاه
مراد: طيبه اوووي
ياسمين : كل الي هنا طيبين
مراد: كل الي هنا ازاي يعني
ياسمين: اصل انا قعدت اتعرف عليهم امبارح بس ملحقتش كلهم يدوب كريمه وسعاد وبدور وكمان بنتها ايمان وابنها محمد وبنت ابن عمها وبنت خالتها وشيماء وكوثر امممم مش فاكره اسامي الباقي
مراد بتعجب: لهو فيه باقي لسه!
ياسمين: هوووهوو كتيير هفتكر واقولك
مراد: ربنا يستر عليهم منك
ياسمين: بتقول حاجه
مراد:  بقول هاتي الاكل جعان
______________________
داخل احدي المستشفيات
وقف سيد يتحدث مع احد الاطباء داخل حجرته
سيد: زي ما فهمتك يا دكتور
دكتور: تمام بس بالكتير تلت اربع ايام وخدوه
سيد: حلوين اووي تمام
تشكر يا دكتور
دكتور: يلا سبني اشوف شغلي دي مسشتفي برده
سيد : حاضر سلام
خرج سيد للوزه وبعض الاطفال المنتظرين خارج الحجره
لوزه : ها يا سيد الواد عامل ايه
سيد: عيب عليكي الدكتور طمني وهيجحزه هنا كام يوم
وباذن الله يخف
لوزه :الحمد لله تصدق ياواد طلعت طيب عن عطوه ده انا قلت بكبيرك هتوديه لدكتور
انما جبته مستوصف كبير كده لا كريم
سيد: مستوصف!! دي مسشتفي يا جاهله يلا يختي علي شغلنا يلا
وبعد عوده الجميع الي عمله اخرج سيد هاتفه وقام بالاتصال باشرف
سيد: اهلا يابباشا
اشرف بتذمر: ارغي عايز ايه
سيد: عطوه يا بيه
اشرف: ماله
سيد بتلعثم: اتقتل ولقينا جثته في اوضته
اشرف ببرود: ومطلوب مني ايه

سيد بدهشه: مش نعرف مين الي عملها
اشرف: وان قلت اني عارف
سيد ولمعت عينيه بعد دهشته :  لا كده بقي يبقي الكلام علي كبير
اشرف: بمعني؟!
سيد: اخلصكم من جثته بس ابقي الكبير
اشرف: نفذ وهيكون
سيد: اعتبره حصل يا بيه سلام
اشرف: سلام يا....  كبير

اغلق سيد هاتفه وجلس علي كرسي عطوه بكل عظمه ورسم ابتسامه نصر لحصوله علي مكانته

_______________

في بيت حسام صبري
يطرق حسام غرفه سلوي فتأذن له بالدخول
سلوي: تعالي يا حسام اتفضل
حسام بحنان: عامله ايه يا سلوتي
سلوي: بخير يا حس
حسام: حبيتي يارب دايما
سلوي: شكلك جاي في موضوع ومش عارف تبدأ قول قول
حسام: احم احم دايما كشفاني
سلوي بابتسامه: ده العادي ها قول يا حبيبي
حسام: متقدم ليكي عريس
سلوي: بدهشه : عريس
حسام : اه ادهم اتقدملك وطلب ايديكي مني
عارفاه ادهم المصور الي كان في الحفله وقالي انه شافك في دار الايتام كمان
لحظه توقف عندها الكون كله شعرت بدقات قلبها تعلو وتكاد تسمعها بأذنيها لم تكن تتخيل سماع تلك الكلمه سريعا
شعرت بحرب مشاعر بداخلها فرح وصدمه وخوف وحزن وقلق
حسام بقلق: سلوي مالك
سلوي بتلعثم: مليش
حسام: لو مش موافقه انا مش هجبرك علي حاجه
سلوي: مش عارفه
ضحك حسام
سلوي بغيظ: بتضحك علي ايه
حسام: لما كنت بقولك علي اي عريس ردك بدون ما تغمضلك عين لا يعني لا
اول  مره تقولي معرفش
حاولت سلوي التحدث وتبرير كلمتها لكن اوقفها حسام الذي قال وهو يهم بالخروج
حسام: فكري يا سلوي هو مش مستعجل وده قرارك قرارك انتي

وجدت سلوي نفسها تمسك الهاتف وتضغط علي زر الاتصال بهاتف ادهم
اتاها صوته من الجانب الاخر
ادهم بمرح : ايه رايك خطر انا
سلوي: انت مجنون اكيد
ادهم: انت فكراني هقضيها ورد بس ولا ايه مرتبي خلص حرام عليكي  اومال هجيب العشر عيال امته
انا عايز انجز هاا وافقي بقي خليني اجي حالا واجيب المأذون
سلوي : لا بجد مجنون مش طبيعي كده
ادهم: لا فيه مني في السوق كتير بس انا النسخه الي نزلت باسمك قدرك بقي واستحملي
كتمت سلوي ضحكاتها واغلقت هاتفها وارتمت علي سريرها وهي لا تفكر سوي في ادهم
________________________
استيقظ مراد بعد محاولته للحصول علي قسط من الراحه علي صوت هاتفه
وجد الشاشه تضئ باسم مريم
ضغط علي زر الرد
مراد: ازيك يا مريم
مريم بغضب : ازيك يا مراد انت فين مش بترد عليا من امبارح ليه
مراد: غصب عني انا سافرت الاقصر عشان..
مريم بانفعال  : ايييه
مراد: استني يا مريم هشرحلك
مريم : تسافر من غيري!!
مراد بعصبيه : الموضوع مش فسحه يعني
مريم: هتقولي شغل شغل وانا الي غلطانه لو فهمت غير كده  ده العادي بتاعك يا مراد..
سلام يا مراد
مراد: استني يا مريم
مريم مريم
___________________
في احدي الانديه بالقاهره يجلس ادهم علي كرسي في احدي المقاهي المطله علي النيل  واخذ يتامل في منظر المياه امامه
الذي ترسمت عليها لوحه بطلتها سلوي

وادار وجهه فاذا هو يجدها امامه وكان اللوحه تحررت واصحبت حقيقه
لكن تقف مع شخص ما
تحرك ادهم نحوها فقد كان سعيد جداا لرؤيتها وكأن القدر يصر علي ربظهم معا
ادهم بفرح : سلوي انتي مشتركه في النادي ده
شوفتي الصدفه
سلوي بتوتو واضطراب: ادهم
لاحظ ادهم توترها ونظر الي الشخص الواقف معها بنظره استفسار
وتحدث الشخص
_ايه يا سلوي مش تعرفينا
سلوي باضطراب: هه اه طبعا
اس .ستاذ ادهم صحفي في جريده الخبر
وو.. استاذ معتز صاحب شركه ايجيبت للسياحه

خد ينسي اللايك هبعته لعطوه 󾌰
بيعجبني جداا تفكيركم في القصه ^_^
عايزين تحرقوها ليه 󾌩