قصـــــة ماليـــــــــــش غيـــركــ <3
-------------------------------------
تذكير بالشخصيات :
لينا .. بنت وحيده باباها " الحاج عمرو " ومامتها " الحاجه ام لينا :D
طنط فاطمه تبقى خالة لينا .. ومخلفه 3 .. ( منى و نبيل و نسمه )
نوران تبقى صاحبه لينا واكتر من اختها ... وليها أخ كان مسافر وبيدرس برآ ولسه راجع من السفر
ومحمد يبقى صاحب نبيل وصديقه الروح بالروح
في الحلقات اللي فاتت :
- نبيل بيحب لينا من صغرها .. وهيا كمان بتحبه بس اخلاقها مسمحتلهاش انها تعبر عن حبها لابن خالتها .. نبيل اقنع الحاج عمرو فـ انه يتخطب لـ لينا ويستناها لحد ما تخلص جامعتها ويتجوزو .. والحاج عمرو وافق وحددو معاد الخطوبه
- نوران حبت " محمد " من أول نظره شافته فيها فـ المول مع نبيل
- إلياس ونبيل ومحمد ومنى ونوران ولينا .. اتقابلو كلهم في مطعم وحصل مشاداه بين الاطراف .. لحد ما جه الحاج عمرو وفض القلق اللي كان بينهم ..
- فيروز اقنعت نسمه انها تكلم ولد من على النت اسمه خالد ..
- منى عرفت ان اختها نسمه بتكلم ولد وواجهتها وادتها نصائح اخويه .. ونسمه وعدتها انها هتقطع علاقتها بيه .. وتاني يوم .. نسمه وخالد راحو لبيت فيروز عشان يتقابلو هناك من الباب الوراني ..
- إلياس اعترف لـ لينا انه بيحبها ولما اتمسكت بـ نبيل .. هددها بأنه يقتل نبيل
- نبيل جاتله مكالمه من إلياس .. بيطلب فيها يقابله ضروري في ميدان سرور فاستأذن ونزل يروح يقابله
-إلياس وهوا خارج من البيت رايح المقابله .. وقفته نوران وعرفت انه معاه سكينه
- نوران اتصلت على لينا بتسألها عن نبيل اذا كان موجود فـ البيت ولا لأ .. وحكيتلها ان إلياس كان بيتكلم مع واحد وهيقابله ونزل من البيت معاه سكينه ..
- لينا قفلت السكه فـ وش نوران عشان تكلم نبيل فورا
---
الحلقه العاشـــــــره ..
لينا بتلعب في موبايلها : الرقم الرقم .. رقمه فيييييييين
منى : هوا مين ؟؟؟؟ في ايه وشك مخطوف كدا ليه
لينا وقلبها واقع : اللي منكد عليا حياتي .. اللي منكد عليا حياتي
منى : نعم بتدوري على رقم إلياس ؟؟؟؟؟؟؟
لينا : ايوا بدور على رقم زفت .. انا مسحته !!!!!!!!!
منى شدت كتف لينا جامد : ماتقولي في ايييييييه ؟؟؟؟؟؟؟؟
لينا بانهيار : نبيل ... نبيل هيروح .. مطلعش بيخطرف .. مطلعش بيهزر .. مطلعش بيهدد .. هيقتله يا منى هيقتله ( عياط )
منى : وانتي هبله بتدوري على رقم إلياس .. اوعي كدا
( منى اخدت موبايل لينا واتصلت على نبيل اخوها )
منى : مش بيرررررد مش بيرد .. ا ا ا ا الوووو نبيل
نبيل بعصبيه : بقولك ايه اقفلي دلوقتي هكلمك بعدين
منى : طب اسمع بس .. نبيل ..... !!
نبيل : طوط طوط طوط
لينا : ايه ؟؟ مقولتلهوش ليه هه ؟؟ حصل حاجه ؟؟ حصله حاجه ؟؟
منى : لا محصلش بس زعقلي وقالي اقفلي دلوقتي هكلمك بعدين
لينا : يبقى قابله .. قابله وهيضيع مني .. هيضيع مني يامنى
منى : قومي معايا .. تعالي .. مش نبيل قال ربع ساعه واكون ف الميدان عندك .. اكيد ميدان سرور ... تعالي نروح هناك قووووووووومي
لينا بانهيار : مش قادره اقف على رجلي
منى : قوووووووومي بقى مفيش وقت لو في حاجه هتحصل مفيش غيرك يقدر يوقفها
منى بزعيق : قوووووووووووووووومي يلااااااااااااا
في نفس الوقت :
نبيل كان ماشي بالعربيه في الميدان .. وسرح ف الطريق فـ لينا وتخيل نفسه وهوا متجوزها ونازل كل يوم يروح الشغل ويرجع ويلاقيها في بيته ..
لحد ماسمع صوت عربيته بتتكحت " احتكاك " في عربيه تانيه .. ونبيل عربيته بالنسباله زي بنته بالظبط :D
وفـ وسط ماهو مقهور على العربيه .. منى اخته اتصلت عليه وقالها هكلمك بعدين
--
(نبيل اتصل على إلياس بعد ماوصل الميدان )
نبيل : ايه يا إلياس باشا .. انا في الميدان اهه .. انت فين
إلياس : انا كمان فالميدان مستنيك .. انا شايفك اهه
نبيل : طب عربيتك فين اجيلك
إلياس : العربيه اللانسر السودا .. بنورلك اهو
نبيل : اهاا .. شفتك
--
نبيل بيسلم على إلياس
نبيل : يا مليون اهلا بـ حبيب الحلوين .. ازيك يا باشا
إلياس من غير نفس : كويس
نبيل : ايه خير يا فندم كنت عاوزني فـ ايه
( إلياس نزل راسه وسكت وبعدها رفع راسه )
إلياس : بص يا نبيل انا عاوز اقولك على حاجه واتمنى انك تفهمني ومتضايقش من كلامي وانا عارف ان الحاجه دي هتبقى صعبه عليك بس اتمنى انك تفهم موقفي
نبيل وهوا عاقد حواجبه : خير قلقتني .. هيا نوران حصلها حاجه بعد الشر
إلياس : لا نوران زي الفل
نبيل : اومال ايه في ايه
إلياس : بص .. انا عارف انك خاطب وبتحب خطيبتك لينا و ( بيبلع ريقه ) وانا حبيت لينا من قبل ماتتخطب ليك و .....
نبيل قطع كلام إلياس ومسكه بعصبيه من قميصه : انت بتقول ايه انت .. انت اتجننت ؟؟؟؟؟؟
إلياس : نزل ايدك لتتقطع .. خلينا نتفاهم
نبيل : تفاهم ايه يا حيوان انت .. عاوزني افرح وازغرط يعني ولا عاوزني اقولك متغلاش عليك ؟؟؟؟
إلياس : وليه لأ يعني ؟
نبيل : نعم ياروح امك انت مجنون يالا ؟؟؟؟؟؟؟؟؟
إلياس : انا بس حبيت اعرفك انها دخلت قلبي وهتخصني
نبيل بعصبيه زق إلياس : يلعن *****ابن ******** و ******* اما انت عارف انها مخطوبه بتقول تخصني ودخلت قلبي ليه يا ابن الـ*****
إلياس : انت بتزقني يا ابن الـ***** انا الحق عليا عملتلك قيمه وقلت اتكلم معاك بهداوه
( في الوقت دا وصلت منى بعربيتها ومعاها لينا )
منى : مش دا نبيل .. بصي كدا هوا ولا لا
لينا بعياط : مش عارفه اشوف حاجه مش عارفه مش عارفه
منى : ماتبطلي عياط بقى خلينا نشوف المصيبه دي .. انزلي انزززززززلي
--
نبيل بيكلم إلياس : قسما عظما لو سمعتك بتقول التخاريف دي تاني لخليك تحفر قبرك بايدك وتتمنى الموت .. غور عكننت عليا
( نبيل رماله الكلمتين دول ولف وشه وخلاص هيمشي .. ومنى ولينا واقفين من بعيد بيسمعو ويشوفو اللي بيحصل وبيتقال )
إلياس بعصبيه : رايح على فين .. احنا لسه متفقناش
نبيل وهوا مكمل مشي : الكلاب اما بتهوهو محدش بيعبرها
إلياس : عندك حق .. بس لما الكلاب دي بتبقى معاها سلاح (وبعلو صوته ) بيعبروها اوووووووووي
( شهقه من لينا ومنى )
نبيل وقف مكانه وإلتفت : هوا انا ليه حاسس اني في فيلم هندي قديم ؟؟ انت بقالك أد ايه برا مصر .. الرجاله دلوقتي بياخدو حقهم بدراعهم مش بسكينه مطبخ :v
هاهاهاهاهاهاهاهاها هما علموك كدا برآ ؟؟
إلياس : عاوز تعرف علموني ايه ؟؟؟؟؟؟؟ علموني ان لما اعوز حاجه باخدها .. علموني اني لما بحطلي هدف بوصله
عاوز تعرف علموني ايه تاني ؟؟؟؟؟؟؟؟؟؟ علموني دي
( رمى إلياس السكينه على نبيل .. لكن عشان المسافه اللي بينهم مصابتهوش جامد .. كان خدش خارجي فـ رُكبة نبيل .... وهنا طلعت لينا تجري على إلياس ومنى تجري على نبيل )
منى بلهفه : نبيل حبيبي انت كويس يا نبيل ؟؟؟؟؟؟؟؟؟؟؟
نبيل وهوا ضاغط على سنانه من ألم ركبته : انا كويس انتو ايه اللي جابكو هنا ؟؟؟؟؟؟؟؟؟؟؟؟؟؟؟؟؟؟؟
منى : قوم نروح قووووووووم .. لينا ليناااااااااااا
--
لينا راحت لـ إلياس وفضلت بصاله بدموعها وبتعاتبه بعينها لأنها مش عارفه تقول ايه
إلياس : شفتي ؟ شفتي يا لينا انا علشانك اعمل ايه ؟ انا لو وصلت اني اقتل ابوكي هقتله ..
لينا انفعلت : ايييييييييه انت فاكر نفسك ايه محدش هيقدر يوقفك ..
إلياس : لا محدش هيقدر يوقفني .. عارفه ليه .. عشان انا معايا شهاده طبيه تثبت اني مريض وهطلع منها زي الشعره من العجين .. تحبي المره الجايه اجي ومعايا مسدس ولا اجيب السكينه الكبيره؟؟؟؟؟
لينا بعياط : انت بتتكلم كدا ليه .. انت فاكر نفسك في فيلم ؟؟ ياخي حرام عليك حررررررام عليك شقلبت حياتي خلتها جحيم .. انت ايه اللي رجعك من السفر .. مبحبكش يا اخي مبحبببببكش افهم بقى مش هتطولني
إلياس طلع من جيبه السكينه التانيه : ايه رأيك اخلص على ركبته التانيه ؟؟؟؟؟؟؟؟؟
لينا : بصت للسكينه وسكتت
( إلياس زق لينا وجري جامد على نبيل عشان يضربه بالسكينه من مسافه قريبه )
لينا منهاره وبتعيط : انت بتعمل ايه بتعمل ايه هتعمل ايييييييييه هتجوزك وسيبه هتجوزك بس سيبه ابوس رجلك سيبه
إلياس بابتسامه خبث : ما كان من الاول :) امسحي دموعك ميستاهلش تعيطي عليه .. دموعك بقت تخصني انا .. انا وبسسسس
--
نبيل بيكلم منى : بتقوله ايه دي ؟؟؟؟؟؟؟
منى : مش عارفه قوم اركبك عربيتي بعدها هشوف موضوع لينا
نبيل : تشوفي دلوقتي بيتكلمو وبيقولو ايه..
منى : ياخي حرام عليك كفايه بهدله بقى ... خاف على نفسك شويه .. تغور اللي تسببلك في نزيف زي دا .. انا هبلغ البوليس عنه وهوديه في داهيه
نبيل : انتي دخلتي في شغل افلام انتي كمان ؟؟؟؟؟؟؟؟؟ عشان يجيبو لينا وكل شويه يعملولها استدعاء والقسم كله يتفرج على الاتنين اللي كانو هيموتو بعض عشان بنت
منى : انت لسه بتفكر فيها ... ياخي حرام عليك
نبيل : منى ؟؟؟؟؟؟ انتي سامعه انتي بتقولي ايه ؟؟ دي لينا
منى : لينا ايه اللي تخليني اخسر اخويا .. قووووووم اركب العربيه قووووووووووووم
--
( منى سندت نبيل ودخلته عربيتها ... ونادت بعصبيه على لينا )
منى : لينا هسيبك وامششششي بطلي نحنحه على ناس متخلفه ومريضه
لينا : هتجوزك يا إلياس بس ابوس ايدك متجيش ناحيته ابوس رجلك يا شيخ ماتقرب منه انا مش عاوزاه يتأذي ... مش عاوزه اي حد فيكو يتأذي بسببي
إلياس : طب يلا روحي معاها ونبقى نتكلم بعدين .. ولما اتصل تبقي تردي
لينا : حـ حـ حـــاضر
--
بعد اليوم المتعب للاعصاب دا
لينا ومنى ونبيل اتفقو انهم ميقولوش حاجه لأي حد كبير وان الموضوع دا يفضل مستور كدا .. واتفقو على ان نبيل وقع في الشارع على ازازة بيبسي مكسوره ..
وروحت لينا مع مامتها لـ بيتها
وفضلت ماسكه اعصابها طول السكه .. واول ما وصلو البيت دخلت قفلت على نفسها الاوضه
مسكت ورقه وقلم وقعدت تشخبط جامد لحد ما الورق اتقطع
مسكت موبايلها تشوف المكالمات .. لقت مكالمات كتيره اوي من نوران
فقررت انها تقفل موبايلها وتنام .. وكان قرارها انها فعلا هتوافق على إلياس وتتجوزه طول ما دا فيه أمان لـ نبيل .. الشخص اللي من ساعت ماتولدت وهوا معجب بيها .. وعمره مافكر يكلم بنت عشان متأكد ان لما لينا تكبر هيبقو لبعض ..!!
افكار كتيره دارت في تفكير لينا .. لحد ما نامت
---
من ناحيه تانيه خالص وبعيدا عن النكد .. بس مش بعيد اوي :D
عصافير النيل .. ( نسمه و محمد )
منى دخلت اوضتها هيا ونسمه ... وبتستعجل نسمه تخلص الشاور عشان تدخل تغسل وشها
( موبايل نسمه بيرن ... رقم غريب )
منى أخدت الموبايل وردت تشوف مين ...
خالد : مساء الخير لعيون القمر ...
( منى فضلت ساكته مردتش ... بتحسب ان الرقم غلط )
خالد : ايه يا نسومه ياحبيبتي .. مفيش مساء النور يا خلوده حبيبك؟ ؟؟؟
منى قفلت السكه في وش خالد .. وصرخت على نسمه
نسمه طلعت من الحمام بتغني وبتنشف في شعرها : ايييييييييه هوا انا معرفش اتهنى في حته في البيت ابدا
منى : ......
---------------
هل منى المرادي هتقول لـ مامتها على نسمه ؟؟
وهل لينا فعلا هترضى تتجوز إلياس وتقنع باباها ان فجأه بقت رغبتها انها تتجوز إلياس ؟؟ وهل ابوها هيرضى !!
وهل منى فعلا ابتدت تكره لينا عشان بتعرض اخوها للخطر ؟؟
وتابعونا فـ الحلقه الجايــــــــة ^^
0 تعليق على موضوع "قصة ماليش غيرك - الحلقة 10"
الإبتساماتإخفاء