كريم من الصدمه معرفش ينطق اي كلمه قدام ساره راح الملجا وعرف مكان سيف فين وزاره هناك
كريم : سيف بقي كده تسبني انا زعلان منك اوووووووي ودمع كريم
انت كنت بتودعني صح وانا مفهمتش ويفتكر كريم اخر مره
سيف : كريم
كريم : ايوه يا سيف
سيف : هتوحشني
كريم : يا عم اوحشك ايه كلها اسبوع وارجع تاني انت عارف لولا الممرضه هي الي هتمنع الزياره كنت هاجي كل يوم زي ما انا بعمل
سيف : خلي بالك من ساره
كريم : ساره الي المفروض تخلي بالها مني
سيف : هههههههههههههههههههههههههه ماشي يا عم بس اوعي تزعلها في يوم واسعدها دايما زي ما هي فرحتني وانا في تعبي
كريم : واد انت هتقلبها نكد ليه بكره تخف وتيجي تعيش معايا بقي
سيف : كان نفسي بجد
كريم : كان نفسك ايه
سيف : اعيش معاك انت احلي اخ واب انا شفته
كريم : وانت احسن واد عرفته المهم يا بطل اغيب الاسبوع ارجع الاقي العمليه نجحت وانت بقيت تمام نفسي اقتل الممرضه دي و افضل قااااعد معاك مش فاهم ليه لازم فتره العزل دي
سيف : معلش هستريح بعدها بقي
كريم : ان شاء الله يلا همشي بقي
سيف : سلام يا صاحبي
كريم يرجع للواقع وهو مرمي قدام قبر سيف وبيعيط جااااامد
كريم : يارتني فضلت معاك قلت هتستريح واتاري كان قصدك من الدنيا كلها ووصتني علي ساره ليه يا سيف ليه مشيت ليه ليه انا الي كنت اتعودت عليك في حياتي ملحقتش اشبع منك يا سيف كنت ابني واخويا وصحبي انت مت ومعاك سري انا محكتش لحد غيرك كنت بتسمعني كنت بتفهمني اكتر من نفسي كنت حتي لما بعاند معاك بتعرف علمتني كتير يا سيف لييييييييييييه يااااااااااااااارب ليييييييييييييييييه
استغفر الله العظيم استغفر الله وقرا كريم الفاتحه له ومشي من عنده رجع البيت
وفات اليوم علي كريم وهومش عايز يكلم حد الصدمه عليه شديده اوووووووووي
سيف : انا كويس يا كريم وبلعب هنا وخفيت تخيل العمليه نجحت بقيت سليم
كريم : بجد يعني انت مبسوووط
سيف : جدااااااااااا بس زعلان لان ساره زعلانه
كريم : عشان سبتنا
سيف : لا انا معاكم وحط ايده علي قلب كريم معاكم هنا متخلاش تزعل يا كريم وقولها علي سرك بقي وابتسم سيف
كريم صحي من النوم عرف انه حلم
ربنا يرحمك يا سيف وقام كريم صلي ركعتين لله تفريج هم وقرا قران عشان يرتاح والصبح قرر يروح لساره البيت
كريم : ازيك يا ماما عامله ايه
سعاد : ازيك يا ابني عامل ايه اتفضل
كريم : شكرا يا ماما ساره موجوده
سعاد : وهي يا ابني بتخرج اصلا مش عارفه بقالها اسبوع مش بتكلم حد خالص انتوا متخانقين مع بعض
كريم : اه ااااااااه حاجه زي كده طب انا عاوز اشوفها
سعاد : هشوفها يا ابني حاضر وتدخل سعاد لساره تلقيها بتسلم من الصلاه
سعاد : حرم يا بنتي بس هو انا كل ما ادخل الاقيكي بتصلي وتعيطي كده في الصلاه لا اله الا الله ليه بس يا بنتي
ساره : مفيش يا مااماا انا كويسه سيبيني بس لوحدي وانا هرتاح
سعاد : كريم بره وعايز يتكلم معاكي
ساره : انا قلت ليكي يا ماما سبيني لوحدي وانا هرتاح
كريم كان بره وسامع الحوار من الاول ودخل
كريم : ماما بقولك ايه سيبني انا وساره هنتصالح مع بعض وبعدين انا جاي من غير فطار حضري بقي الغدا عشان هاكل انا وساره وغمز ليها انه يكلمها لوحدها
سعاد : هههههههههههههه حاضر يا كريم من عنيا انت تؤمر يا حبيبي
وخرجت سعاد وساره اصلا مكنتش بصت لكريم ولا كان حد دخل كانها في عالم تاني
كريم : ساره انا عايز اتكلم معاكي
ساره : وانا مش عايزه اطلع بره يا كريم
كريم : مش عايزه تعرفي سيف رسمني ليه وايه الصوره دي
ساره : مردتش
كريم: انا كنت بروح لسيف كل يوم يا ساره والاولاد كمان ولو مش مصدقه اسالي المشرفه او الممرضه بتاع سيف انا فعلا من اول يوم اتعلقت بيهم حبتهم اووووي كنت بروح كل يوم ومقلتش ليكي انتي كنتي مشغوله بين شركه وجامعه و محبتش اخليكي تحسي انك مقصره معاهم نبهت عليهم محدش يعرفك انتي اصلا كنتي بتروح يوم واحد بترجعي متاثره من عندهم ازاي اخليكي تروح كل يوم
ساره : ايه كنت بتروح كل يوم
كريم : اه كل يوم لحد ما تحدد ميعاد عمليه سيف المممرضه قالت لازم يتعزل وبلاش زياره عشان الاصابه بالمرض ومكنتش قادر اسيبه كنت حتي بكلمه كل يوم اما اروح من عنده في التليفون سيف يا ساره ابني واخويا وصاحبي انا مصدوم يمكن اكتر منك انا كنت خلاص هخليه يعيش معايا
كنت هجيبه يعيش معايا مكنتش هقدر اعيش من غيره
ساره نطقت بس سيف خلاص وعيطت مقدرتش تكمل
كريم قرب منها ومسح دموعها بايده : سيف ارتاح يا ساره انتي يمكن كنتي بتشوفيه مره في الاسبوع تخيلي كل يوم كنت اروح اشوف التحاليل والابر الي بياخدها ولا شعره الي بيوقع و انه طفل واي طفل نفسه يلعب ويضحك ويجري ويعيش حياته لكن هو لا ربنا رحمه من العذاب الي كان فيه المفروض تفرحي انه ارتاح
ساره : بس هيوحشني اوووووووي
كريم : هيفضل معانا في قلبنا عمري ما هنساه ابدا ولا هنسي اصراره علي الحياه ومحاربته لمرضه انتي دلوقتي بتهدي الي اتعلمتيه منه فين اصرارك وتفاؤلك لو هو كان موجود دلوقتي ميكنش هيحب يشوفك كده
ساره : هزت راسها علي انها فاهمه الي بيقوله
كريم : صدقيني هو في مكان احلي من هنا بكتير و تلاقيه بقي خلاص خف وبيلعب ومرتاح بقي طفل يا ساره
ساره : ربنا يرحمه يااااارب
كريم : يااااااااااااارب المهم متخدنيش في دوكه انا جاي علي فطار وهفطر معاكي
ساره : معلش يا كريم انا مش ليا نفس خالص لاي اكل
سعاد تدخل : ها يا ولاد اتصالحتوا
ساره : ايه يا ماما
كريم : ايه يا ساره اه اه يا ماما اتصالحنا مش كنا متخاصمين يا بنتي هههههههههههه بنتك يا ماما من النوع الي بينسي بسرعه
سعاد : هههههههههههههه زهايمر بقي يلا الفطار جاهز
كريم : يلا يا ساره مش هاكل غير معاكي
ساره : يا جماعه مش جعانه
سعاد : يا ابني دي صايمه عن الاكل خالص بقالها اسبوع يوم ما تاكل يبقي سندوتش طول اليوم
كريم : انتي عارفه لو مكلتيش حالا هخلي ماما تجيب سلك واربطك واقعد اكلك زي الاطفال
ساره : ليه وعلي ايه خلاص انا هاجي اكل معاكوا
وخرجت ساره وفطرت كريم قعد يحاول يخفف شويه ويتكلم معاها وكده وهي يعني بقت بترد احسن ما كانت ساكته خالص
ساره : الحمد لله شبعت
كريم : هو انتي كده اكلتي انتي بتحرجيني ولا ايه هو انا طفس بقي ولا ايه
ساره : لا والله انا بجد شبعت
سعاد : يا ابني كتر خيرك ده كده اكلت والله الي يشوف اكلها قبل كده يعرف خير الحمد لله
كريم : طيب يلا البسي عشان هنخرج
ساره : هنخرج فين
كريم : مفاجاه بقي يلا بس
ساره : حااضر ثواني واجي
سعاد بعد ما ساره مشيت : ربنا يرضيك يا ابني يااااااااااارب والله مش عارفه اقولك ايه ده انا كنت خلاص فقدت الامل انها تتكلم مع حد بلاش تتخانقوا لو الخناق بيعمل فيكم كده
كريم: من عنيا يا ست الكل مش هتكرر تاني باذن الله
وجت ساره واخدها كريم وهي مش عارفه فين
ووقف كريم عند دريم بارك
ساره : ايه ده ايه الي جبنا هنا
كريم : انا طبعا
ساره : انا قصدي ليه
كريم : الناس بتروح الملاهي ليه
ساره : كريم انت فاهم احنا فين
كريم : ايوه وهنخرج ونلعب كمان بقي يعني سيف عمال يلعب واحنا لا ايه مش نفسك تحسي احساسه حالا يلا بقي
ساره لقت نفسها بتخرج ومستغربه بقت بتسمع كلام كريم وبتحس براحه لما هو يتكلم
ونزلت ساره واول ما دخلو لعبوا الديسكفري وبعد اللعبه
كريم : اشهد ان لا اله الا الله واشهد ان محمد رسول الله ايه ده
ساره : انت عارف لو نطقت انك تلعب لعبه زي دي تاني هعمل فيك ايه
كريم : لا لا حرمت انا اصلا مليش في الالعاب الخطر دي
ساره : ولا انا الصراحه ايه رايك ندخل قسم الاطفال الي هنا
كريم : بجد موااااااااااااافق طبعا
( ملحوظه كل واحد بقي عادي متكسفش يقول بيخاف من ايه ولا كابر وعاند لا صارحوا بعض عادي )
وقعدوا يلعبوا كل العاب الاطفال الفنجان والعربيات وكله وكريم فرحان حس ان ساره فرحانه وبقت بتبتسم شويه بشويه
جه بقي عايزين يركبوا جمل كريم نفسه يجرب
اصاحب الجمل : اتفضل اركب بس اول ما هرفع الجمل ماش تميل معاه لا يمين ولا شماال خليك مكانك ماشي
كريم : اه ماشي موافق
واول ما جه يرفع الجمل كريم هووووووب وقع
ساره مات من الضحك علي المنظر
كريم جاي يوقف وبيعدل نفسه لقي ساره بتضحك
كريم : اخيرا ضحكت ده انا مستعد اركب تاني واشوف الضحكه دي تاني
ساره : انت لو شفت شكلك وانت بتوقع هههههههههههههه
كريم : انا مشفتش انا حسيت بس وماسك ظهره
ساره : الف سلامه عليك
كريم : بقول ايه تعالي اجرب الحصان وخلاص
ساره :مش هتحرم
كريم : يا ستي ادينا بنتسلي ولو جري ليا حاجه وصيتك مفتاح العربيه خدي بقي
ساره :ههههههههههههههه بعيد الشر
كريم ركب حصان وعشان ساره جاب ليها حصان صغير مش بيتحرك اصلا يدوب ركبت عليه وحد بيجره وبعدها ركبوا لنهر السريع
وبعدين وقفوا علي لعبه التنشيل الي ينشل ياخد هديه ساره : ممكن العب
كريم : مش هتعرفي
ساره : هحاول
ساره : خساره مش عرفت اجيب شكله حلو اوووي بس جربت يلا مش مشكله
كريم : لعب ومعرفش برده
ساره : هههههههههههههههههههه انت كمان
كريم : هحاول تاني وحاول تاني وتالت ومفيش فايده
ساره : خلاص يا كريم مش مشكله
كريم : لا هجيب الدبدوب يعني هجيبه وشمر ايده
ساره : ههههههههههههههههههههههه مجنون
كريم : انتي لسه عارفه
ولعب وكسبه فعلا
كريم : اتفضلي يا ساره
ساره : ليا
كريم : ايوه انتي كنتي عايزاه
ساره :شكرا شكله حلو اوووي وحضنته
كريم حس ان ساره طفله كبيره وبريئه اووووي
وخلص اليوم ورجعت البيت وتاني يوم ساره كلمت كريم كريم كان لسه راجع من الشركه واول ما شاف التليفون ونمره ساره مكنش مصدق نفسه معقول هيا ايه دي هي فعلا
كريم فتح بسرعه : الو ايوه يا ساره
ساره : سلام عليكم ازيك يا كريم
كريم : الحمد لله
ساره : انت لسه في الشركه
كريم : لا انا لسه داخل البيت حالا
ساره : طب كنت عايزه اشوفك لو تعبان وكده خلاص خليها بكره
كريم : لا لا لا انا مش تعبان ولو عايزه حالا ماشي
ساره : لا بص خليها بليل تكون حتي ارتحت شويه
كريم : خلاص ماشي هعدي عليكي
يا تري ليييييييييييييييه
يتبع
tamtam
0 تعليق على موضوع "يوميات عنيد وعنيدة - الحلقة 12"
الإبتساماتإخفاء