يوميات سحس وسحساية: يوميات عنيد وعنيدة - الحلقة 11

11)
ساره : مين  :O  كريم
كريم : ايوه واقدر اعرف مين سيف ده
ساره : للاسف مقدرش اقولك
كريم : نعم يعني ايه بقي الي اعرفه اني خطيبك ولو فيه شخص في حياتك اعرف صح ولا انا غلطان وده برده مش حرام ولا يه يا ساره
ساره : لا انت فاهم غلط خااااااالص
كريم: والله احب افهم الصح برده
ساره : طيب انت فاضي حالا
كريم : ايوه ولو مش فاضي هفضي المهم ليه
ساره : هتعرف كل حاجه هتيجي معايا وتفهم
كريم وصل قدام بيتها واخد ساره وطبعا كان باين عليه الحزن والعصبيه اووووي
ساره : اقف هنا
كريم: هنا فين قدام الملجا ده
ساره : ايوه الملجا ده ودخلت ساره وكريم جوه
المشرفه : ازيك يا ساره اخبراك ايه الولاد جاهزين زي كل مره
ساره : تسلمي يا داده
كريم : انا مش فاهم حاجه يا ساره
ساره : بص يا كريم براحه وقعدت تشاور علي كل واحد ده انور و اسامه وسعد و ايمن واكرم وملك ومرام وامنيه وروان ومنه دي بقي بنوتي الصغنونه
كريم : انتي عارفه كل الاطفال دي
ساره : اه انا بجي العب معاهم كل فتره وبحبهم جدااااااااااا
منه مسكت في رجل كريم : عموعمو انت مين
كريم : انا كريم وانتي
منه : انا بنوته عثل اثمي منه
كريم : ههههههههههههههه لا عسل بجد فعلا
ساره : بس يا منه مضيقيش عمو كريم
منه : حاضر يا ماما ساره
كريم : بس ده ماله ومال سيف
منه خبطت تاني لرجل كريم
منه : عمو ثيف ده اخونا هنا بس مث عارفه ثعره بيوقع عثان كده هو مث معانا بنروح له في المشثفي نثوف هناك
ساره : سيف يبقي اكبر ولد في الاطفال دي 6 سنين  واول واحد اتعرفت عليه في الملجا اكتشفوا بعد فتره من دخوله انه عنده سرطان واتنقل المستشفي بس طبعا مش معرفينهم كل ده بنعرفهم بس انه شعر بيوقع
كريم : انا  اسف يا ساره كنت هشك فيكي
ساره : انا  مقدره ومفيش داعي للاسف انت مش عارفني كويس عشان تثق فيا و يمكن لاني فعلا مش معرفه حد الموضوع لاني مش عايزه اي حد يعرف علاقتي بيهم مش بحب ادخل حد في حاجه انا بعملها بيني وبين ربنا وانا فعلا جبتك هنا عشان تتاكد اني يعني مش من النوع الي تحب واحد وتتخطب لواحد وتمشي مع الاتنين
كريم : انا اسف يا ساره بجد وانا فعلا كنت غبي ومش عارفك كويس بس عرفتك صح بجد
ساره  :حصل خير يلااااااا يا ولاد
ولاد : يلاااااااااا
وركبوا الباص وراحوا المستشفي لسيف
سيف اول ما شاف ساره : ساااااااااااااااااااااره
ساره : سيف حبيبي عامل ايه وحشتني اوووي
ولاد : عامل ايه يا سيف
سيف : كويس والله مش تعرفينا بالعضو الجديد يا ساره
ساره : ده كريم خطيبي يا سيف
سيف : اااااااااااه ابن عمو مصطفي وبيغمز لساره
كريم  لقي ولد زي الملاك نايم في السرير متعلق له المحاليل برائته تخلي قلبك يتفتح له : ايه ده هو يعرفني
سيف : اه اعرف كتييير ساره مش بتخبي عليا حاجه
ساره : ههههههههههههه ماشي يا سيف يا بكاش
كريم : لا يبقي هنبقي اصحاب بقي عشان تنقل ليا اسرارها بقي
سيف : ساره دي حبيتي ومش هنقل لاي مخلوق سر هي ماتمناني عليه
كريم : ماشي يا عم سيف لا راجل صح
ساره : مش توري عموا كريم الصور الي بترسمها
سيف : اه هي دي اهيت اتفضل
كريم : ما شاء الله لا بتعرف ترسم يا سيف ما شاء الله عليك
سيف : ولسه ساره كانت وعداني تجيب الوان جديده عشان ارسم
ساره : وانا جبت ومش ليك لوحدك  للكل وكلنا هنرسم يلا
وقعدوا كلهم يلونوا ويرسموا ويضحكوا ويهزروا ومنه كل شويه تقوم تبوظ رسمه حد وكريم يمسكها شويه وساره تمسكها شويه
وكريم قضي وقت عمره في حياته محس ان حياته حلوه غير المره دي
والزياره لسيف خلصت وهما بيرجعوا  الاولاد للملجا
منه خبطت رجل كريم تاني
كريم شالها : ايوه يا منه
منه : انا ممكن اطلب طلب
كريم : اؤمري يا روحي
منه : انا هقول ليك بابا كريم زي ما بقول لساره ماما
كريم : اتصدم من المفاجاه الحلوه دي وفرح اووووي اول مره يحس فعلا بطعم كلمه بابا وانها كمان خارجه له هو : اكييييد يا منه
منه : قربت منه وباست خده
كريم : ههههههههههههههههه طب مفيش للخد التاني
منه : لا المره الجايه بقي يا بابا
كريم : طب خدي مني بقي بوستين اهمت مش واحده عشان انا بابا بقي
منه : سلام
وشافها وهي داخله بتجري وفرحانه
ساره كانت في العربيه وباين عليها الحزن شويه
كريم : انتي لسه زعلانه مني من الصبح يا ساره
ساره : لا ابداااااا انا حتي نسيت الموضوع
كريم : امال مالك
ساره : كريم انا مكنتش بعرف حد الي بعمله ده لاني مش كله زي
كريم : بمعني ايه
ساره : انت شفت الاطفال اتعلقوا بيك ازاي وانت مش هترجع ليهم تاني انت يدوب خرجت معايا النهارده الاطفال دي بتتعلق بسرعه بالناس وبيزعلو اوووووي لو حد غاب عنهم انا مش عايزه اجرح حد منهم ويكون السبب انت
كريم : ومين قالك بس اني مش هرجع تاني ليهم
ساره : يعني ايه
كريم : الاطفال دي مش هما الي اتعلقوا بيا لا انا الي اتعلقت بيهم انا حبتهم اوووي كمان وان شاء الله هزورهم تاني اكيد
ساره : ان شاء الله
كريم : بجد يا ساره انا متشكر ليكي ورتيني فعلا عالم عمري ما شفته كله براءه وطيبه
ساره : ربنا الي عايز كده مش انا تخيل بقي لو مكنتش رديت وقلت سيف
كريم (كنت هتشل واعرف مين ده كنت هموت فيها لو طلع حبيبك فعلا ) : ههههههههههههه صح كنت هتحرم من احلي بنوته قالت ليا بابا النهارده واحلي ولاد قضيت معاهم وقت جميل
وخلص اليوم ساره روحت اول مره تحس بالفرحه ان كريم شارك معاها في حاجه لربنا وحاجه مفيده كريم رجع البيت وطاير من السعاده عرف مين سيف وعرف ساره اكتر وعرف اد ايه هي رقيقه وبنت فعلا غير كل الي عرفهم كان فرحان فرجه متتوصفش بمنه والاولاد كمان كل واحد نام وهو مبسووووط
ويعدي الايام كريم وساره في الشغل ساره نادر لما تنزل الجامعه نهي بقت لوحدها فيها وفي يوم
نهي خارجه من المدرج وجايه تمشي خبطت في ولد ووقع كتبها
نهي : خير انا اسفه
شادي : انا الي اسف انا الي خبطتك
نهي : شادي
شادي : ازيك يا نهي وازي ساره
نهي : الحمد لله وساره كويسه بس انت عارف بتشتغل مع كريم في الشركه مش بتيجي كتير بقي
شادي : وانت عامله ايه في المواد
نهي : اممم خير الحمد لله
شادي : مالك في ماده صعبه ولا ايه
نهي : الصراحه اه ماده الدكتور محسن ومش بفهم منه حاجه
شادي : ليه بس ده حتي بيهزر وكده
نهي : وانا مش بحب كده يقعد يهزر مع البنات وعلي الفاضي والملان وانا جايه ادرس مش اهزر
شادي : اول مره اشوف بنت مش بتحب الهزار زيك زي ساره بقي
نهي: انا وساره اخوات واكتر
شادي : ربنا يخليكم لبعض بس انا موجود وانا ممكن اساعد انا بعرف اشرح والله وجربي برده
نهي : شكرا بس يعني اصل
شادي : انا فاهم لو عرفتي تجيبي اي زميله ليكي ونقعد كمان في كفتيريا الجامعه قدام الكل وهشرح ليكم انتوا الاتنين وانا مش عندي مانع
نهي : شكرا ليك بجد واسفه بس انت عارف طبعا
شادي : اوعي تتاسفي والادب والاخلاق مفيش فيها اسف هستناكم باذن الله كمان ساعه
ونهي راحت تجيب واحده صحبتها وفعلا قابلت شادي وفهمها الي هى مش فاهماه وكان الموضوع ده اكتر من مره ويتفقوا علي ميعاد هو يشرح فيه
كريم فجاه لاحظ ان ساره اتقطعت من الشغل ومش عارف ليه قال يمكن عشان الجامعه وكده
يفوت يوم اتين تلاته اسبووووع وبرده وهو مش عايز يسال بيكابر ويعاند وانا اسال ليه
كريم مع نفسه : فيها ايه يعني عادي يمكن فتره امتحانات في الجامعه ومشغوله فيها ايه يعني وبعدين انا مالي هي حره بس انا خطيبها والله يعني مخطوبين بجد ده كله تخطيط من ابوها وابويا وهي اصلا انا مش في دماغها فووووووق كده وركز هتظهر يعني مش هتصل يعني مش هتصل اهدي كده يا كريم واعقل وان شاء الله خير
طب وليه القلق والتوتر ده هي اصلا لو في الجامعه هتبقي هناك حالا انا اروح كاني هشوف نهي واشوفها وارتاح عادي يعني دي كانها زميله شغلي وبطمن عليها يعني عادي
وفعلا خرج كريم عشان يروح لنهي الجامعه في الوقت ده بقي
نهي قاعده في الكفتيريا ولوحدها لقت شادي جاي نحيتها
شادي : سلام عليكم
نهي : عليكم السلام
شادي : عامله ايه يا نهي واخبار المواد وكده
نهي : تمام الحمد لله احنا خلاص خلصنا الشرح والحمد لله رجعت الماده وكويسه شكرا ليك بجد من غيرك مكنتش هفهمها وخلاص بقي الحمد لله اني خلصتها عشان متعبكش بعد كده
شادي : اوعي تقولي كده ياريت كل التعب يبقي كده وخصوصا لو منك
نهي اتكثفت اووي : احم طب انا مضطره امشي
شادي حاول يفتح حوار : اه صحيح اخبار ساره ايه
نهي : مش بتيجي مشغوله في الشركه
شادي : اه اصل بصراحه كنت عايزها ف موضوع مهم جدااا وهي الوحيده الي هتقدر تساعدني فيه اصل ساره دي نجدتي بصراحه
نهي يمكن اول مره تتكلم باندفاع كده : علي فكره ساره تبقي مخطوبه لاخويا ومينفعش كل شويه تيجي تسال عليها وكده وبعد اذنك بقي
شادي : لا لا لا استني يا نهي انتي فهمتي غلط والله خليني بس افهمك
نهي : اتفضل
شادي : بصراحه يعني انا بحبك يا نهي
نهي بلمت ومش عارفه تنطق وسكتت خاااالص
شادي : انا متاسف اني بقول كده بس مقدرش اخبي اكتر من كده لانك فهمتي غلط انا كنت اللاول بتحجج بساره عشان افتح معاكي حوار وساره اصل هي السبب اني اعرفك ومن اول يوم انا كنت معجب بيكي ومع الايام عرفت شخصيتك وعرفت اد ايه انتي محترمه مكنتش عايز اقولك شعوري كنت خايف اولا اغضب ربنا وانك كمان متكنيش عايزاني بس كنت هكلم ساره تاخد ليا ميعاد مع والدك وكنت هتقدم ليك والي يحصل يحصل مكنتش هضيع الفرصه دي من ايدي اني علي الاقل احاول اتقدم ليكي حتي لو اترفضت
نهي ساكته خالص ومش بتتكلم
شادي : انا عارف اني صدمتك لما قلت بحبك بس والله دي حقيقه انا بحبك يا نهي
نهي المره دي بلمت لانها شافت ورا شادي كريم وشادي لاحظ ان عنيها متثبته وراها بص وراه
كريم : انت مش ملاحظ كل مره اجي في وقت مش مناسب ولا  ايه رايك
شادي : استاذ كريم لا والله حضرتك مش فاهم انا كنت لسه بق....
كريم قطعه : خلاص يا عم انا اصلا كنت هنا من الاول وسامع الحوار وبعدين بلاش استاذ دي احنا هنبقي نسايب يعني
شادي : يعني ايه مش فاهم
كريم : لا شكلي هغير راي ومش هفاتح بابا يلا يا نهي نمشي
شادي : ايه ده يعني انت موافق يعني هتساعدني بجد
كريم : اه طبعا
شادي : بس مش لو نهي موافقه
كريم : انت غبي يااااااض
شادي : ليه يعني
كريم : وعامل عارف نهي ولا انت عارف ولا مهبب نهي لو حد تاني كان زمان سارينه الاسعاف وخداك من هنا بعد الضرب الي هتاكله منها ومني طبعا
شادي : بجد
كريم : لا كتير  عليا ياااااااااارب يلا يا نهي نمشي بدل ما اخلي عريسك كفته
شادي : طب اكلم مين طيب طب هات نمرتك يا كريم استني بس
كريم اداله النمره عشان يتقابلو ا تاني ويشرح ظروفه و يتفقوا وكده
كريم في العربيه بقي
كريم : خلاص ياا بت احنا مشينا والله وشك مولع لسه ليه
نهي : هو الي حصل ده بجد يا كريم
كريم : يعيني ده مش الواد بس الي ضارب ده انتي كمان سبحان من وفق
نهي : بقولك ايه مش تالس عليه لو سمحت
كريم : نعمممممممممممم يا اختي مااشي ماااااااشي ده انا الي هظبط ليكم الليله
نهي : حبيبي انت والله يا كريم
كريم : انا برده الي حبيك
نهي وشها احمر
كريم : خلاص بلاش بلاش المهم صحيح هي ساره مش بتجي الجامعه من امته
نهي : من اسبوع كده ليه بتسال
كريم : لانها مختفيه برده من الشركه من اسبوع
نهي : انا مش بسال عليها مفكره انها معاكم في الشركه استني ارن عليها
كريم حس ان اخته نجده له اخيرا هيعرف ساره فين
نهي : تليفونها مغلق يمكن نايمه او فاصل شحن
كريم : يمكن
نهي : وانت مش بتكلمها
كريم  :لا وهكلمها ليه
نهي : ايه يا ابني انتوا مش مخطوبين وبتتكلموا ويعني بقي هصصصصص
كريم : ايه الي اسسسسسسس لا مش بتكلم اخر مره اتكلمت معاها مش فاكر يمكن من اخر خروجه وبس
نهي : هههههههههههههههههههههه ونعم المخطوبين عموما اكيد هبقي ارن تاني ولو مش كده نروح ليها في البيت
كريم : ليه يعني ده اسبوع يعني لا لا عادي نشوف بقي علي بكره
نهي : ماشي يا عم التقيل
كريم : اخرصي يا بت
نهي : ماشي ماشي لو مكنتش بس ما سكني من ايدي الي بتوجعني كنت يلا الطيب احسن
وروحوا البيت كريم منمش خااااااالص قلقلان وكل شويه يقول اتصل ويرجع لا نفسه يطمن عليها بس مش عايز بيعاند نفسه
وقعد يعد الساعات عشان الصبح يجي لان لو مش لاقاها في الشركه خلاص هيروح يشوف فيه ايه
وراح فعلا الشركه ومجتش الصبح وكان خلاص هيستاذن عشان يمشي من الشركه
لقي ساره في مكتبها والغريب مجتش حتي علي مكتبه ولا عدت عليه ولا سالت وطبعا كريم اتعصب بقي يبقي قلقان عليها وهي ولا هنا ودخل ليها المكتب
كريم بعصبيه بقي : انتي كنتي فين يا هانم وقافله الموبايل وبقالك اسبوع واكتر مختفيه وكمان اقول يمكن بتروحي الجامعه طلع لا ودي شركه يا ساره ولازم تنتظمي فيها
ساره : مين الي بيتكلم عن الانتظام اه مييييييين استاذ كريم الشخص التافه الي اصلا مكنش متحمل مسئوليه نفسه اساسا مين الي بيتكلم عن الانتظام اه ميييييين الاستاذ الي وعدني انه هينتظم ويروح يشوف الاولاد في الملجا ميييين الاستاذ الي وعدني انه ينتظم يشوف سيف ميين مين الي بيتكلم عن الاختفاء وهو اصلا اختفي من حياه سيف الي اتعلق بيه مين  مييييييين بس عارف هو  خلاص مش محتاجك ولا عايزك هو خلاص خلاص
وتعيط ساره خلاص مااااااااااات الي احسن مني ومنك هو الي مات الطفل البرئ مات الي كان مديني انا اصلا امل في الحياه راح منها وتخيل اخر صوره يرسمها كانت دي وترمي الصوره في وش كريم
صورتك انت شفت راسم مين حب مين واتعلق بمين وياريته اتعلق بحد عبره ولا اهتم بيه بالعكس سابه بس ياريت حب انسان عدل وقدوه لا بس تعرف كويس انه بني في خياله صوره حلوه عنك بدل ما كان يعرف حقيقتك بس هقول ايه طفل والبراءه صفتهم ربنا يرحمك يا سيف ربنا يرحمك ويخدني ليك يااااااااااارب
وخرجت ساره من المكتب
كريم كان مصدوم من الي سمعه ومن كلام ساره ومن كل حاجه


يتبع

tamtam