يوميات سحس وسحساية: يوميات عنيد وعنيدة - الحلقة 10

(10)
نهي صفرت وقالت له طب بوص وراك كده بقي
كريم : برق واتصدم وبقي زي الصنم من الي شافه
 ساره نازله علي سلم القاعه لابسه فستان سهره بسيط ورقيق والطرحه بتاعتها بسيطه جداااا والي محلي لبسها هو بساطته ولاول مره كمان ساره كانت مهتمه بنفسها حطت كحل يعني اه ده اخرها في الميكب بقي وكانت قمر
كريم محسش بنفسه بيمشي نحيتها
نهي : انت يا عم استني اجي معااااااك
كريم : انتي ساره بجد
ساره : اه في ايه يا كريم ايوه انا
نهي : لا متخديش في بالك كريم مصدوم من الجمال بس
ساره : اكيد جمالك يا نهي
نهي : جمالي انا ههههههههههههه والله انتي طيبه صح يا كريم
كريم ساكت
نهي : انت يا عم هيييييه انت هنا
كريم: ايه  اه يا نهي عايزه ايه
نهي : لا ولا حااااااااجه هروح اشوف بابا
ساره : اومال ايه ومريم فين
كريم : مش عارف كانوا هنا حالا وفجاه وهو بيكلمها لاحظ الخاتم الي جابه ليها هي لبسته علي الطقم  ابتسم
ساره لاحظت انه شافه : ايه رايك مش لايق علي الطقم ولا ايه
كريم : هههههههههههههههههههههه اه طبعا (  كريم عارف  ان ساره عايزه تفهمه انه كان  غلطان  لما اداها الخاتم ده )
ساره : طيب بعد اذنك هشوف ايه ومريم
 كريم فضل متابعها بعينه طول الحفله  ونفسه يتكلم معاها ولحد مااتجمعو تاني وهما بيسلموا علي مدير الشركه وبعد ما سلموا عليه
كريم : هو المفروض دلوقتي بابا الي هيتكلم صح
سااره : اه المفروض انت الي منظم الترتيب انت نسيت ولا ايه
كريم : لا لا انا بس بتاكد يعني هو تقريبا طالع اهوت يتكلم
مصطفي : شكرا لكل الحضور لانكم شرفتوني بالزياره المفروض ان الحفله دي عشان المشروع ولاني قومت بالسلامه بس انا محضر مفاجاه للكل
انا النهارده بحتفل بابني كريم نائب مدير الشركه
ساره : الف مبروووووووووك يا كريم
كريم : ده انا يا جماعه لا داعي للتصفيق وقام وقف وقعد يوطي شكر شكر
ساره : هههههههههههههههههه انت مجنون بجد
مصطفي كمل كلامه  : ومش بس لانه نائب المدير لان خطوبته النهارده علي ساره حسن سكرتيرته
كريم وساره وقفوا : ايييييييييييه خط.... ايييييييييه
ساره : انت كنت عارف
كريم : ويعني لو كنت عارف كنت هتلاقيني هنا
ساره : ويعني انا كمان والحل بقي
كريم : انتي في الخلعون وانا في النفخون
ساره : نعممم يعني ايه
كريم : يعني انا ههرب من هنا تيجي معايا
ساره: اه المهم متخطبش ليك
كريم : بقولك ايه انا بقول نهرب متخلنيش اهرب لوحدي يلا
واول ما اتحركوا النور اتوجه ليهم وكل الي في القاعه بص عليهم وقعد يسقف وابوه كان وصل له
مصطفي : الف مبروك يا ابني وحضنه
حسن : مبروك يا بنتي
ساره وكريم : انتوا معرفتوناش
حسن : دي مفاجاه مني ومن مصطفي ليكم عشان انتوا تعبتوا برده وقلنا نكافئكم وكده كده كانت هتتعمل قلنا خير البر عاجله
كريم : ونعم المفاجاه يا عمي
مصطفي : مش كده يا كريم طبعا انت فرحان
كريم : جدااااااااااا انا كنت هطير حالا
مصطفي : وانتي يا ساره
سااره : كنت هطير برده
حسن : يلا لبسوا الدبل بقي
ساره : انا هلبس لوحدي هات يا بابا
كريم : هات يا بابا الموت علينا حق ولبس هو كمان الدبله وكل اب حضن ابنه
المدير بتاع الشركه جه عشان يهنيهم
Manager: congratulation. from the first time I see you two I know you love each other and you are wonderful couple
الترجمه مبرووك من اول مره شفتكم فيها عرفت انكم بتحبوا بعض انتوا كابل رائع
كريم : ولا انت فاهم ولا مهبب اشيخ بلا نيله هتيجي عليك وتفهم
ساره : هههههههههههههههههههه اسكت ليكون بيفهم عربي
كريم : يعني عجبك الي بيقوله
ساره : لا طبعا هو اصلا مش عارف ده احنا مش بنطيق بعض قال نحب قال
كريم : ما انا بقول ولا بيفهم ولا اي حاجه
Manager : what I do not  understand
Kareem : nothing we just  thank you
Sara : thank you  
وانتهت الحفله يمكن كريم كانت مفاجاه له بس مكنش زعلان اوووي كان عادي حس بفرحه بس كان بيخبيها ومش عايز اصلا يقنع نفسه انه فرحان عند مع نفسه  ساره برده حست الامر مفروض عليها ومش متخيله ازاي اتخطبت لكريم وبتعاند نفسها انها تتقبل الحقيقه دي
وبعد ايام من الخطوبه والشغل العادي بين ساره و كريم
 لكريم وساره تليفون ساره بيرن
ساره : الو سلام عليكم
كريم : الو عليكم السلام ممكن نتعرف
ساره: نعممممم حضرتك مش مؤدب ومش محترم ايه قله الادب دي
كريم : هههههههههههههههههههه انا كريم
ساره : انت  مين
كريم : كريم يا ساره خطيبك
ساره : ولما هو انت بتقول نتعرف ليه بقي
كريم : بهزر يا رمضان بس ايه الكلام ده مش مؤدب مش محترم ههههههههههه ده اخرك في التهزيق
ساره : اه طبعا مش هنزل مستوايا للناس الي بتعاكس وكنت هقفل واعمل بلوك للرقم عادي مش اول مره
كريم : يعني ايه مش اول مره
ساره : عادي يعني بيتصل بيا كتير وارد وبيطلع فعلا واحد بيعاكس وكده
كريم: اه لا فعلا الحل هو البلوك من غير كلام اصلا بلاش اي رقم غريب تردي عليه اصلا
ساره : ان شاء الله كنت عايز ايه ومتصل ليه
كريم : المفروض اننا مخطوبين ولازم قال ايه نخرج مع بعض والشكليات دي
ساره : ده المفروض بقي وزي ما قلت دي شكليات وانا مش عايزه اخرج
كريم : وبالنسبه لبابا عمو مصطفي الي خارج من العمليه يرضيكي يتعب تاني انا  مش عايز ارفض له طلب بقي
ساره : عمو مصطفي طب خلاص امري لله ماشي
كريم : تحبي نخرج فين بقي
ساره : والله متخطبتش قبل كده عشان اعرف يعني
كريم : ويعني انا الي متجوز اربعه خلاص هخرجك المره دي علي مزاجي انا بقي سيبني اظبطها
ساره : خلاص ماشي ان شاء الله سلام عليكم بقي
كريم : علي فكره انا الي متصل مش هياخد منك فلوس يعني
ساره : اه يعني هنتكلم في ايه هنحب بعض في التليفون مثلا لا  يبقي نقفل احسن
كريم : عندك حق سلام
ساره : سلام
قفل كريم وبعد كده لقي تليفونه بيرن كان محمود صاحبه
كريم : حبيب قلبي يا كبير عامل ايه يا ميدو
محمود : انا الي عامل ايه بقي نعرف انك اتخطبت من المجلات بقي ولا ايه لا ونازله في الصفحه الاولي كريم بن مصطفي رجل الاعمال المشهور يحتفل بخطوبته علي ساره حسن سكرتيرته
كريم : والله يا معلم كالعاده ابويا وابوها بيعملو المفاجاه ويصدمونا انا خايف المره الجايه الاقي الماذون بقي
محمود : ههههههههههههههههه ايوه بقي وتبقي ادبست رسمي يا معلم
كريم : ادبس ايه لا انا بحب الحريه يا عم
محمود : تصدق فكرت ان الخطه نفعت بقي طلعت مش كده
كريم : لا معرفتش اكرهها في الشغل
محمود : قمت دخلت بقي  علي الخطه التانيه انك تخليها تحبك بقي وتمرمطها معاك ولا اوعي تكون انت الي ادبيت وحبتها يا واد
كريم : فشر يا معلم مش صاحبك الي يقع انا اوقع بس
محمود : اصلي يا معلم خلاص ربنا يعينك علي الشر بقي
كريم : دعواتك يا كبير
محمود : يلا سلام خلينا نشوفك برده
كريم : اكييييييد وسلم علي ابوحميد لحد ما اشوفه
هي دي بقي الخطه الي اتفقوا عليها ان كريم لاما يكره ساره في الشغل لاما يخليها تحبه ويعذبها زي اي بنت كانت حبت كريم بس كريم عارف ان ساره مش هتعمل كده ولا كرهت الشغل ولا حبته بس عاند مع صحبه ازاي يبان انه فشل في الخطه لا لازم كريم يكسب واستمر في كدبته علي اصحابه انه شغال في الخطه بقي وتمام والامور في تقدم
نسيبنا من الخطه دي ونيجي للخروجه بقي
وبليل كريم عدي علي ساره واخدها بالعربيه ووصلو لنايت كلاب من الي كريم بيسهر فيه ودخلوا
كريم : ها ايه رايك في المكان
ساره : مش بطال
جرسون : تؤمري بايه يا كريم بيه
كريم : تشربي ايه يا ساره
ساره : اي حاجه بتتشرب هنا
كريم : هههههههههههههههه اي حاجه ايه هات ليها كوكتيل وانا العادي
ساره : انت بتضحك ليه
كريم : اي حاجه ايه الي بيتشرب هنا خمرا ده المشروب الرسمي
ساره : اييييييييييييييه وانت بتشرب بقي
كريم : لا طبعا انا بهتم بصحتي
ساره : صحتك بس يعني مش علي اساس انه حرام في دينك تشربه
كريم : سكت ومش عرف يجاوب وساعتها الموسيقي اشتغلت واول ما اشتغلت هجوم علي الرقص بقي
ساره بقت كانها في حلم بنات بتشرب وبنات بترقص وولاد قاعده جمب بنات والي يمسك ايد دي والي والي
ساره : الحمام منين بسرعه
كريم : من هنا
ساره جريت عليه ترجع
كريم : فضل واقف بره واول ما خرجت : خير يا ساره مالك
ساره : خرجني من هنا بسرعه انا عايزه اخرج من هنا
كريم : طيب يلا
واخدها طول الطريق هي مش بتتكلم وفجاه قالت
ساره : وقف هنا يا كريم انا عايزه اقعد علي النيل شويه
كريم : ماشي
وقعدت وكريم قعد وبعد مده قطعت السكوت ساره
ساره : ده العالم بتاعك بقي
كريم : يعني ايه
ساره : ده الي انت كنت متعود عليه طول حياتك ده الي انت بتشوفه كل يوم ده الي انت عايش فيه
كريم : اه علي النايت كلاب اه بخرج كل يوم كده خروجه مع اصحابي بقي
ساره : انا مش فاهمه انت كده ازاي انا كنت هرجع من المكان انا لو كنت فضلت شويه كنت هموت بجد
كريم : يااااااااااه ليه يعني للدرجه دي
ساره : انت عاجيك العالم ده تقدر تقولي ايه الحلو الي فيه كل غلط في غلط رقص واختلاط وخمره ويمكن حشيش ويمكن ويمكن وما خفي كان اعظم
كريم : بس انا
ساره : بس انت مش بتعمل ده انت يدوب تروح تتفرج وبس صدقني مقلتش عنهم حاجه ايه الفرق مش بتشرب مش عشان حرام لا عشان صحتي يعني لو الخمره مش بتضر صحتك وحرام هتشرب وايه يعني مش بترقص بس ايه يعني اتفرج ليه تعيش في العالم ده
كريم : لاني ملقتش عالم تاني
ساره : لا فيه عشان كده انا لما شفت العالم ده اتخنقت مش العالم بتاعي والحمد لله اني مش كده ولا هكون كده عارف عايز تعرف انت صح ولا لا
كريم : اه اعمل ايه
ساره : غمض عنيك كده
كريم: اهو
ساره : تخيل المكان  بكل حاجه  بالبنات ولبسهم والرقص والخمرا وتخيل الرسول جه قدامك هناك تخيل منظرك هناك وتخيل منظر كل واحد رد فعلك قدام الرسول ايه
كريم : يااااااااااااه الرسول هناك هيزعل جداااا من الي هيشوفه وانا هحس بالندم اوووي والخجل
ساره : انت بس تخيلت ده لو الرسول امال بقي ربنا الي بيشوفك كل يوم وانت هناك محستش ليه بالخجل والندم وده كله
كريم : انتي ازاي كده وبيبص ليها باعجاب وفخر كده
ساره : عشان لقيت نفسي
كريم : وفيها ايه
ساره : يوم ما هتلاقي نفسك هتعرف الصح من الغلط النفس مولوده علي الفطره وهي الطيبه والخير والصح صدقني نفسك هي الي هتدلك علي الخير بس لاقيها بس كل الي كانو في المكان هناك ميقلوش عني حاجه االفرق ان ربنا انعم عليا ولقيت نفسي وعرفت الصح يااااااااااارب ينور بصيرتهم ويهديهم
كريم : (ياااااااااااااااااه يا ساره كنتي فين من زمان )
ساره : انا بقيت احسن الحمد لله ممكن نمشي خلاص
كريم : اه بس الخروجه دي مش محسوبه بقي انا بوظتها خاااااااالص ايه رايك نروح السينما بكره
ساره : بكره ثواني كده وطلعت الاجنده بتاعتها
كريم : هههههههههههههههههههه يادي ام الاجنده دي هي ايه صحبتك وانا معرفش
ساره : اه بنظم فيها مواعيدي
وكريم اول مره يشوف الاجنده وهي مفتوحه وعلي حظه  لاحظ كلمه (سيف حبيبي ) مكتوبه في الاجنده يوم الاربعاء
ساره : بكره كويس مش ورايا حاجه خلاص ماشي
كريم : اه اه ماشي ماشي
ساره : ماشي يلا مش هروح ولا ايه
كريم : اه يلا ووصلها وروح فضل يفكر مين سيف ده وليه ساره كاتبه حبيبي دي
ياتري مين ده يا ساره حبيك ده ولا مين انتي بتحبي يا ساره
كريم من قلقه فضل طول الليل يفكر مين ده يدوب صلي الفجر وصحي وراح الشركه وقابل ساره هناك واشتغلو وخلصوا ساره رجعت البيت وكانت جاهزه عشان الخروجه المره دي كريم مش عارف اصلا يفاتحها في الموضوع خااااااالص بس قال هيعرف اكيد
كريم : يلا يا ستي
ساره : اه يلا انا جاهزه
في السينما بقي
كريم : اه هتختاري بقي فيلم ايه اوعي تقولي رومانسي بقي والكلام المسهوك ده
ساره : لا طبعا وياريت انت كمان بلاش افلام مصارعه ولا عنف وضرب
كريم : ايه رايك في فيلم رعب ولا هتخافي
ساره : لا طبعا عادي فيها ايه يعني ده راح ولا جه فيلم
كريم : ايوه طبعا وقطعوا التذاكر ودخلو
في نص الفيلم بقي
ساره : ( اييييييه ده يا ماما انا كان مالي ومال الرعب والزفت)
كريم : ( كان لازم اتهبب اقول رعب هي ناقصه هيا بقي اصلي شجاااع اوووي يعني وبعدين ده مش رعب ده فوق الرعب)
ساره : لا الفيلم حلو حلو يعني
كريم : اه طبعا مفهووووش ولا اي رعب قال رعب قال
وجت لقطه رعب
ساره وكريم : اااااااااااه
كريم : شوفتي كلمتيني وخلتيني اتشغل عن الفرجه فاتخضيت عجبك كده
ساره : وعلي فكره انا برده كده يعني مش قصدي يعني اتخض او اخاف ده فيلم يعني
وفضلوا كل واحد يبص في الساعه لحد ما الفيلم خلص وخرجوا بسرعه من السينما
كريم : نبقي نكررها ايه رايك
ساره : ايه هو كل يوم خروج انا مشغوله برده
كريم : ايه وراكي ايه يعني الشركه انا رئيسك و الجامعه الصبح فيه ايه تاني
ساره : في مشاريع خاصه بيا
كريم : الي هيا ايه
ساره : انا قلت خاصه فيه خصوصيه لو سمحت يعني
كريم : ماشي يا ساره اتفضلي اروحك
وروحها كريم ونفسه يفهم ايه الي ورا مشاريع خاصه وايه الي ورا سيف ده واستني ليوم الاربعا بقي عشان يعرف ساره هتعمل ايه
في الشركه كريم قعد يدور علي ساره مش موجوده
كريم : استاذه لمياء هي فين ساره
لمياء : حضرتك دي استاذنت استاذ مصطفي ومشيت من بدري
كريم : ماشي ( بقي كده يا ساره )
ساره في البيت بتلبس وتوضب نفسها عشان تخرج تليفونها يرن
ساره : سيف حبيبي وحشتني اووووووووووي
سيف : ايه يا ساره مش هتيجي بقي وحشتيني
ساره : بلبس يا حبيبي وجايه اهوت متقلقش نص ساعه بكتيره وهاجي
سيف : طيب سلام يا حبيتي
ساره : سلام
وبتظبط الطرحه بتاعتها يرن التليفون فكرته سيف ردت بسرعه من غير ما تشوف
ساره : ايوه يا سيف يا حبيبي كنت عارفه هتتصل تاني هاجي متقلقش والله هتلاقيني عندك كمان نص ساعه والله انت كمان وحشتني اوووي
كريم : انا كريم يا ساره

يتبع


tamtam