ساره : كريم
كريم : ساره
ساره وكريم في نفس واحد : ايه الي جابك هنا
كريم : والله دي شركتي واجي وقت ما انا عايز
ساره : والله وانا بشتغل فيها
كريم: ايه بتشتغلي فين
ساره : مش المفروض شركتك وتكون عارف مين الي بيشتغل انا اتعينت النهارده قسم المحاسبه
كريم بسرعه جداااااااا قال : اه الي انا مديره
ساره : ههههههههههههههه انت ايه
كريم : ايوه الي انا مدير القسم ده مش قلت اني دي شركتي وانا بشتغل فيها
ساره : ومن حيث انك مكتنش بتشتغل يعني وكده
كريم : انا عيل بتسمعي كلامي ليه
ساره : عيل الحمد لله انك عارف نفسك بعد اذنك بقي وسابته ومشيت قبل ما تسمع اي حاجه
كريم : دخل لباباه
مصطفي : خييييييير جاي ليه
كريم : هي ساره اتعينت هنا
مصطفي : ايوه يا ابني انا شغلتها النهادره ما شاء الله اصل تقعد معاها تحس انها قادره تدير الشركه مش تشتغل بس تحت التدريب بجد ماشاء الله عليها بنت ولا بميت راجل
كريم : انا عايز اتعين مدير المحاسبه بقي
مصطفي : ايييييييييييييه كريم يشتغل ده انا هموت من الضحك
كريم : ايه بس يا باابا عشان افهم ساره الوضع وكده ومش تتبهدل بقي في الشركه وتفهم الكبيره والصغيره
مصطفي : يعني انت الي فاهمها اوووووي يا اخويا
كريم : يا بابا دي فرصه بقي عشان اقرب ليها بقي وانت عارف بحاول اهوت اتعرف عليها افهمني بقي يا درش
مصطفي : ااااه اذا كان كده ماشي خلاص يا سيدي تتعين انت كمان
كريم :بس مش عايزاها تعرف اني لسه متعين حالا يعني انا بشتغل من زمان بقي
مصطفي : هههههههههههههههههه تمويه يعني ولا ايه
كريم : ايوه خليك ماشي معايا علي الخط كده يا كبييييييييييييير
مصطفي : ماشي يا سيدي موافق يلا وريني بقي المدير هيتصرف ازاي وعلي فكره ده شغل مش هزار فاااااااااهم
كريم : حاااااااااااضر فاااااااااااهم والله
وخرج كريم وقابل اصحابه
احمد : ايه يا ابني مفيش حد بيشوفك خالص ليه بس
محمود : هو الي بيقرا فاتحه بينشغل كده ولا اييييييييه
كريم : اسكت يا ابني انا ربنا رزقني ببنت تشل بس علي مين ده انا محضر ليها خطه متخرش الميه انا خلاص هشتغل
احمد ومحمود : ايييييييييييييييه
كريم : اهدوا بس وحكي ليهم كل حاجه وايه السبب في انه هيشتغل وهيعمل ايه بقي
احمد : يخربيييييييييييييت دماغك ايه ده يا ابني
محمود : ده انت الشيطان يقولك توبتني يا معلم
كريم : لا داعي للتصفيق مبحبش اتكلم عن نفسي كتيييييييييييير
احمد : ربنا يرحمها بجد
محمود : هي الي جابته لنفسها حد يتحدي الكبير
كريم : اه والله مفكره ايه يعني
وقعدوا شويه مع بعض وروح كريم ونام
الصبح الساعه 6 الصبح كريم صاحي بيلبس البدله وبيظبط الجرافت بتاعته واول مره بقي يظبط نفسه كده راجل اعمال بقي وخرج من اوضته
سمر : بسم الله ماشاء الله مين القمر ده
كريم : ايييييه رايك يا ماما
سمر : حبيب قلبي ربنا يحميك من العين بس علي فين
كريم : ايه يا ماما انا خلاص اشتغلت في الشركه بقي وبقيت مدير الحسابات
سمر : والله يا فرحتي ده انا مش مصدقه بجد
كريم : بقولك ايه خليكي في صدمتك دي انا ورايا شركه يلا سلام
سمر : بس باباك لسه اصلا مش صحي
كريم : هو صاحب الشركه هو حر انا ورايا خطط وبلاوي هنفذها
سمر: خطط ايه
كريم : ها ولا حاجه سلام يا قمر
كريم وصل الشركه 7 وطبعا مكنش فيه حد وقعد لحد 7 ونص
ساره بقي وصلت وكان برده اول يوم ليها ولابسه فورمال بقي وشكلها قمر برده
كريم : والله بدري يا ست هانم
ساره : كريم ايه الي جابك دلوقتي
كريم : اسمي استاذ كريم احنا هنا في شغل وانتي متاخره نص ساعه
ساره : ههههههههههههههههه اهدي بس علينا اولا اقول كريم لان ده مش وقت الشغل اساسا الشركه مواعيدها 8 اساسا وانا جيت بدري نص ساعه لان ده اول يوم وبحب انتظم وجت تمشي ااااااااه وعلي فكره المفروض ان سياده المدير هو الي معلق المواعيد الي بره دي الي هو سيادتك طبعا يعني المفروض تكون عارف
كريم : ايه اه طبعا عارف بس يعني انتي طبعا عارفه المدير بقي بيبقي مشغول ومش بيدقق علي الحاجات دي
ساره : اه بالظبط زي ان الساعه دلوقتي 7 ونص عموما بعد اذنك يا استاذ كريم انا هروح مكتبي واااااه مكتب حضرتك ده يمكن برده من كتر الانشغال نسيت مكانه ولا حاجه
كريم دخل مكتبه وهو متغاظ جدااااااااااااااااا : ايه البنت دي مفيش مره اتكلم معاها الا وترد عليا مبعرفش اخد منها لاحق ولا باطل
وبعد فتره من الشغل ساره كان معاها ملف ولازم المدير يمضي عليه الا هو مييييين كريم ( شاطرين كده)
ساره بتخبط علي باب المدير
كريم : اتفضل
ساره : دخلت وشافت منظر ( شافت كريم قاعد و السكرتيره قاعده علي المكتب وبيهزروا وبيضربها كف علي ايديها ) هو انا دخلت مكتب المدير ولا دخلت كافيه
السكرتيره : احم احم طب يا استاذ كريم انا بره لو عايز اي حاجه تضغط علي الزرار بس هتلاقيني هنا
كريم : من عنيا اكيييييييد
ساره : لو عايزني امشي انا ممكن امشي علي فكره
كريم : احم لا خلاص روحي انتي يا استاذه لمياء وانا هنادي عليكي اما احتاجك
وخرجت واول ما خرجت
ساره : ايه الي انا شفته ده
كريم : ايه بتغيري ولا ايه
ساره : انتي اهبل
كريم : اهبل :O :O
ساره : انت كان ناقص فعلا شجره ولموتين احنا هنا مكان شغل وللشغل فقط مش للهزار وعلي فكره دي خلوه غير شرعيه بينكم انتوا الاتنين
كريم : ههههههههههههههههه خلوه غير اييييييه
ساره : لو سمحت متترقيش علي الي دينك بيقوله اقدر اعرف لما تبقي انت وبنت في مكان ولوحدكم ومقفول لا وكمان قاعده قريبه وهزار وضحك يبقي اسمه ايه انما طبعا حضرتك ولا تعرف ولا تفهم حاجه من دي
كريم : بقولك ايه انتي كنتي عايزه ايه
ساره : الورق ده عايز يتمضي اتفضل امضيه اااااه وخلي السكرتيره توديه لاستاذ مصطفي علي الاقل الزرار يظغط علي حاجه مفيده بعد اذنك
كريم بعد ما خرجت رمي الملف علي المكتب بعصبيه وظغط الزرار عشان لمياء تيجي
لمياء : ايوه يا استاذ كريم حضرتك عايزني ايه هنكمل كلامنا ولا ايه
كريم بحده وعصبيه : بقولك ايه اتفضلي امسكي الورق ده يتمضي من استاذ مصطفي ونادي الاستاذ رافت عاوزه حااااااالا ومش عايز اشوف وشك النهارده غير لما اقولك
لمياء : حاضر يا استاذ كريم
كريم : ماااااااشي يا ساره
بعد شويه استاذ رافت جه
رافت : ايوه يا استاذ كريم
كريم : استاذ رافت انا عايز كل الشغل الي علينا يجي هنا حالا
رافت : حاضر يا استاذ حالا يكون هنا
وراح رافت ورجع بكميه ملفات كتييييره
رافت : هما دول يا استاذ كريم
كريم : تمام كده اوعي تكون نسيت حاجه
رافت : لا والله ده كل الشغل بتاعنا وكمان الي المفروض يتعمل بكره بس حضرتك طلبت كل الشغل فانا جبته بالمره كمان
كريم : لا تمام كده اتفضل انت بقي
كريم : بعد كده راح لمكتب ساره وخبط علي الباب
ساره : اتفضل
كريم : دخل وشاف مكتبها رغم انه صغير بس هي منظماه وكمان مشغله قران اول ما دخل هدي كده مع انه كان متنرفز جدااااااا
ساره : ايوه يا استاذ كريم حضرتك عايز حاجه
كريم : ااااااه اتفضلي مش كنتي بتقولي احنا هنا في شغل ده شغلك بقي واداها كل الملفات الي جابها رافت الي المفروض بتاع القسم كله
ساره : نعمممممم
كريم : ايه مش عايزه تشتغلي ولا ايه وعلي فكره انا يدوب ببتدي معاكي ده اقل شغل هنا انتي في شركه كبيره وكمان انتي في فتره تدريب يعني دي اقل حاجه ايه حاسه انهم كتييييير ولا ايه
ساره : لا اقدر اعملهم طبعا ان شاء الله يخلصوا النهادره
كريم : تمام انا في المكتب ومش همشي غير لما اشوفهم
ساره : تمام حضرتك
وخرج كريم يمكن هو كان نفسه فعلا يعمل فيها كده بس ليه اول ما خرج حس انها صعبت عليه هو مش عارف بس سابها
كريم : وريني بقي هتعملي ايه يا ساره
ساره قعدت تشتغل وكمان في بريك الشركه للاكل كريم لاحظ انها مش موجوده ولقاها فعلا قاعده بتشتغل وفضلت شغاله في الملفات لحد ما خلصتهم قعدت طول فتره الشغل تعمل فيهم
ساره شالت الملفات ولانهم كتار ومش شايفه قدامها بس حاولت تشوف قدامها وراحت عند مكتب كريم وخبطت طبعا كريم قال اتفضل بس هي اصلا مش عارفه تشوف اوكره الباب بس كانت بتحاول
كريم لما لقي محدش فتح قام يشوف فيه ايه بيفتح في الوقت الي ساره سندت شويه علي الباب وكانت هي كمان هتفتح الاوكره
اتفتح الباب والملفات وقعت
كريم : ايه ده
ساره : انا كنت هفتح الباب وطبعا لان الملفات انا كنت ماسكاها معرفتش فوقعوااا
كريم : طب مش نديتي لحد ليه يشيل الملفات معاكي
ساره : احب اعتمد علي نفسي شكرا لحضرتك
كريم : انا مش قصدي عليا انا الي اشيل انا بقول اي حد حتي لو كان الفراش
ساره : وانا اصلا بشكر حضرتك عشان بتلم الملفات معايا مش عشان يعني كنت هتشيلهم
وهما بيلموا الملفات مسكوا ايد بعض علي ملف ساره بسرعه سحبت ايديها بس وشها كان احمر خاااااالص وكريم اول مره يشوف وشها كده
ساره : احم حضرتك توقع علي الملفات دي بقي وانا هستاذن
كريم : ايوه يعني الي هما نهون بالظبط ما انا مش هعرف
ساره فضلت وقعدت تدور علي الملفات وهي بتحاول مش تبص لكريم لانها مكسوفه من الموقف وقالت : اتفضل هو ده
كريم : ايوه همضي فين طيب
ساره : قربت من المكتب وشاورت علي المكان الي هيمضي فيه
كريم : فضل اصلا باصص ليها اول مره يشوف وشها من قريب وكمان ووشها كان احمر
ويقطع اللحظه دي بقي لمياء بتدخل من غير استاذان ولا اي حاجه
لمياء : الحق يا استااااذ كريم الاستاذ مصطفي اغمي عليه في المكتب
كريم وساره : اييييييييييييييييييييييييييييييييه
طبعا كله هيقول حبكت دلوقتي يغمي عليه عارفاكم المهم تعاطفكم لوحده مش كفايه تبرع بلايك او كومنت زكاه عن صحتك يا فانز بخيله :D
والقصه المره دي طويله بقيت بكتب خمس صفح يا مفتريييييييين
دوسته دوسته خلاص يلااااااااااااااااااااااا كل واحده يرفع ايده يلا يلا
ادعوا ليا بقي لاني عندي امتحان بكتيريا والماده دي اصلا انا بقيت موسوسه منها -_- لو عديته هظبطكم في حلقه كبيره يلا رشوه يعني ^_^
tamtam
0 تعليق على موضوع "يوميات عنيد وعنيدة - الحلقة 7"
الإبتساماتإخفاء