شادي : ياريت طيب تسيبي ليا المفتاح وانا هصلحها بجد دي اقل حاجه اعملها ليكي يا ساره
كريم : تاخد المفتاح بصفتك ايه
شادي : نعم مين حضرتك
نهي ترد بسرعه بعد ما شافت اخوها وهو كان متغاظ ووشه قالب الوان : ده كريم اخويا وخطيب ساره
شادي : اهلا ازي حضرتك ومد ايده
كريم : ايوه مين حضرتك برده
نهي : شادي يبقي زميل ساره من دفعتها
كريم : اهلا وسهلا
نهي : انت ايه الي جابك يا كريم
كريم : جاي عشان اوصلك واوصل خطيبتي وبيبص لشادي
شادي : طب يا جماعه انا هستاذن بقي
ساره : شكرا بجد يا شادي
شادي : علي ايه بس كنت اتمني اساعد والله بس البركه اكيد في استاذ كريم اتشرفت بمعرفتك يا استاذ كريم
كريم : الشرف لينا يا سيدي
ومشي شادي
نهي : انت كلمته ليه كده بس يا كريم
كريم : اكلمه زي ما انا عايز وبعدين يا ست ساره ما انتي بتكلمي ولاد اهوت امال مسكاني من اول ما شفتك التزام التزام والاخلاق والمبادئ والكلام الكبير ده ليه
ساره : بص عشان انا مش عايزه اتخانق مع شخصيه زيك اوعي تفكر اني زي البنات الي بتعرفهم ماشي البنت الي تصاحب بدل الواحد عشره فاااهم مش انا دي انا متربيه وعارفه حدودي كويس واعرف اوقف الي قدامي عند حده ماشي وتعاملي في حدود وكمان انا علي فكره محبتش احرجك قدامه انت مش خطيبي لسه واوعي تنسي ده دي يدوب قرايه فاتحه د
ساره : مستنياكي يا نهي عند العربيه
نهي بعد ما ساره مشيت شويه : علي فكره يا كريم شادي مش بس زميل ساره ده رئيس اتحاد الطلبه الي كنت قلت لك عليه قبل كده وده الي ساعدنا وبصراحه محترم جدااااا وذوق جدااااااااا وعمره ما فكر يكلمنا ابدا المره دي لما لاحظ اننا قعدنا وقت كبير ولما عرف ان العربيه عطلت كان عايز يساعد مش اكتر من كده وعلي فكره سواء كنت انت جيت او لا ساره عمرها ما كانت هتوافق فوووووق بقي ساره فعلا مش زي اي بنت انت تعرفها
كريم : بقولك ايه بلا اعرفهم بلا معرفهمش يلا بينا اما اوصلك
وركبوا التلاته في العربيه وكانت ساره قعدت ورا ونهي قعدت قدام مع اخوها وساره طول الطريق ساكته نهي حبت تهدي الموضوع
نهي : ايه رايكم نسمع اغاني
كريم : اه وماله وشغل اغنيه اجنبي وفيها دوشه
ساره : اقلبي يا بنتي ايه القرف ده
وجت اغنيه حاره الساقين
نهي : انا بحب الاغنيه دي
ساره : وانا كمان
وقعدوا يغنوها مع بعض وطبعا كريم علي اخره لان ساره زي ما تكون بتغني الاغنيه دي ليه
كريم : انا بقي من راي بلاش اغاني خاااالص
نهي : ليه بس كده يا كريم
كريم : مزاجي بقي
ووصلو ساره للبيت
ساره : شكرا يا نهي اشوفك بكره
نهي : مع السلامه يا حبيتي سلااااام
نهي : شفت بقي شكلها لسه زعلانه منك
كريم : والله هي دي بتزعل ابدا وقعدت تغني معاكي يا اختي عااااادي وكمان لما نزلت تسلم عليكي وانا ولا كاني رجل كنبه هنا
نهي : ههههههههههههههههههههههه احسن وده ابسط رد للي عملته
كريم : شكلك هتاخدي تاكسي للبيت
نهي : وعلي ايه الطيب احسن اهوت وحطت ايديها علي بوقها
بعدها بيومين ساره وحسن وسعاد كانو معزومين عند كريم يردوا الزياره بقي
سمر : اهلا بيكم بجد والله شرفتونا
ساره : الشرف لينا يا طنط اتفضلي دي هديه كده بسيطه
سمر : ليه بس كده يا ساره تعبتي نفسك
ساره : يارب تعجب حضرتك دي من ذوقي
ساره جابت بورتيريه وصوره جميله جداااااا بسيطه وواضحه
سمر : الله يا ساره جمييييله اوووووووي
ساره : شكر يا طنط
سمر : بلاش طنط دي بقي قولي مااما
ساره : شكرا يا ماما
سمر : حبيتي والله
سعاد :ايه يا ساره مش هتدي كريم الهديه بتاعته ولا ايه
ساره : اه صح يا ماما تفضل يا كريم هيدتك وبرده اول ما شفتها قلت انها لاقيه عليك
كريم : فتح العلبه لقي لعبه اطفال
ساره : تماما نفس شخصيتك
كريم : ليه شيفاني عندي 4 سنين
ساره : الي علي راسه بطحه بقي
سمر : بس بجد يا ساره ذوقك حلو في الصوره
كريم :انا من راي نشوف الاكل احسن لاني جعاااااان
سمر : ولد مش حتي تقول رايك في الهديه
كريم : هقول ايه دي مجموعه الوان وبس يلا بقي بقولك جعااااااااان
سمر : يلا يا ساره لياكلنا يا بنتي
ساره : اه فعلا الفجع ممكن يخلي الانسان يعمل اي حاجه
كريم : بتقول ايه اه
ساره : يلا يا ماما
سمر : ههههههههههههههههههه يلا يا بنتي
وبعد الاكل سمر وسعاد قعدوا علي البسين
ونهي وساره وكريم قعدوا يتفرجوا علي التليفزيون
نهي : بتسمعي ايه يا ساره
ساره : اي حاجه عادي
كريم : مين قال اننا هنسمع انا هلعب بلايستشن
نهي : يا كريم بس انت الي هتلعب بس احنا عايزين نتفرج كلنا
كريم : بقول ايه انا هلعب والي مش عجبه يمشي بقولك ايه تعالي العبي يلا
نهي : بقي كده طب هلعب ولو كسبت هنفتح التليفزيون
كريم : ههههههههههههههه ماشي يا لمضه
وقعدوا يلعبوا وهو كسب بس ساره كانت متابعه بيلعبوا ازاي
كريم : قلت ليكي ههههههههههههههه انا يا بنتي حريف مش هاوي زيك
نهي : بقولك ايه اسكت خااااالص ماشي ما هو عشان فرق القدرات ده بتكسب
ساره قطعت حديثهم : انا ممكن العب ولو كسبت نتفرج
كريم : هههههههههههههههههههههههه انتي
ساره : اه ايه عندك مانع ولا خايف بقي
كريم : ههههههههههههههههههههه يا بنتي انتي اصلا شكلك ملعبتهوش قبل كده وقاعده من ساعه ما لعبنا بتتفرجي وبس
ساره : نفسي افهم هتخسر حاجه لما هلعب ولا هي حجج وخلاص
كريم : بقي كده تعالي اتفضلي وريني الاداء يا استاذ منفوخ
نهي : يلا يا ساره هوهوه ساااااااااااااره هوهوه ساااااره
كريم : ما فيش انتماء خاالص وانا ايه ابن البطه السوده
نهي : ااااااه عشان تبقي تقول مش هنتفرج
كريم : يلا هتختاري فريق ايه بقي
ساره : خلاص انا اخترت وجاهز ه
كريم : متاكده انك اول مره تلعبي
ساره : ايوه اول مره والله
وقعدوا يلعبوا وكسبت ساره 1/0
ساره قامت نطت ومسكت ايد نهي وقعدوا ينطوا هييييييييييييييييييه هييييييييييييييييييييييه
كريم اول مره يشوف ساره بمرحها ده والضحكه دي
كريم : ايه يعني ده واحد بس
ساره : بس بالنسبه اني مبتداه يبقي انت ولا حريف ولا اي حاجه اصلا
كريم : هههههههههههههههه انتي واخده في نفسك مقلب اوووي
ساره : علي اساس انا الي قلت حريف
كريم : وعلي اساس انتي اول مره تلعبي
ساره : ايوه طبعا انا حتي كنت بشوفكم وانتوا بتلعبوا لقطت ازاي نلعب العمليه مش صعبه يعني ولا هي كيميا وانا مش بكدب زي ناس كده
كريم : مين قال بقي اني بكدب
ساره : ومين قال اني بقول عليك الي علي راسه بطحه بقي
نهي : انا بقول بلاااااااااش تليفزيووووون خالص ايه رايكم نخرج في الجنينه
ساره : معنديش مانع
كريم : يااااريت نشم هوا بدل الخنقه دي
وقعدوا شويه في الجنينه وبعدين مشيوا بقي
وبعد يومين
حسن : ساره ياحبيتي
ساره : اويا يا بابا خير بقيت بتفائل لما تنادي عليا
حسن : بقي كده طب انا كنت جايب ليكي شغل بس شكلك مش عايزه بقي
ساره : نطت من مكانها وقالت بجد يا بابا بتتكلم بجد
حسن : ايوه يا بنتي اهدي كده هتشتغلي عند عمك مصطفي تحت التدريب وكده هو الي اقترح عليا الاول وانا عارف ان نفسك تجربي الشغل يلا بقي يا ستي وريني ابداعك
ساره : انا ده انا هخليك تقتخر بيا بجد ومتخفش مش هقصر في دراستي ولا في شغلي وهوريك
حسن : قام باس راسها ربنا يحميكي يا بنتي
ساره باست ايديه ويخليك ليا يا احلي اب وحضنته
والصبح قامت ساره وراحت الشركه وقابلت عمو مصطفي وعرفها الوضع وكده
كريم صحي من النوم ولاول مره بدري
كريم : ماااااااااااامااااااااااااا
سمر : ايوه عايز ايه وتتحسد بجد صاحي بدري ليه
كريم : قلت الحق بابا عشان اخد منه فلوس العربيه الجديده
سمر : ههههههههههههههههههههههه
كريم : في ايه
سمر: ابوك بقاله ساعه في للشركه
كريم : بقي كده بيهرب مني لاااااااا مش انا ده انا هروح له الشركه وهوريه وسعي بقي يا حاجه انتي بقي
وخرج وراح الشركه
ساره وهي بتفتح الباب تخرج من اوضه عمو مصطفي كريم بيفتحه
ساره : كريم
كريم : ساره
يتبع
ل يوميات سحس و سحسايه
Tamtam
0 تعليق على موضوع "يوميات عنيد وعنيدة - الحلقة 6"
الإبتساماتإخفاء