يوميات سحس وسحساية: قصة أنت نصيبي

البطله مرام والبطل مروان 

مروان بيحب مرام من اول سنه اتنقلت فيها للجامعه بتاعتهم نفسه يصارحها بس ازاي 
وهي متكلمش اي ولد ومش هتدي لاي ولد فرصه للنقاش معاها 
طب حبها ازاي سال نفسه السوال ده كتير 
هو متكلمش معاها صحيح بس كفايه النظره ليها 
كفايه ابتسامتها كفايه تعاملها مع اصحابها كان بيراقبها في كل تحركاتها 
حفظها وحفظ ملامحها كانه ضلها وهي ولا هنا مش عارفه ولا ملاحظه 
مرام بنت الكل عارف عنها الالتزام والادب ضحوووووكه والي يقعد معاها يتفائل ويضحك وينسي همومه 
في عنيها براءه اطفال وهي بتتكلم بتلقائيه اصحابها بيعشقوها وبيحبوها 
مرام ليها صاحبه وفي نفس الوقت تعرف مروان وعادي تعتبر من شلته هو كمان 
كتير حذرته انه يبعد عن مرام وانها مش هتفكر فيه ولا هتكون ليه

 لكن مروان صمم يكلمها 
علي الاقل يعرفها شعوره بدل ما يفضل ندمان طول حياته علي انه معملش الخطوه دي

مروان : السلام عليكم يا جماعه انا بس عايز مرام في كلمه ممكن 
مرام : نعم اكلم حضرتك ليه 
مروان : هتعرفي حالا مش هاخد من وقته كتير 
مرام قامت لانها عارفه اخلاق مروان سمحت له بالوقت ده 

مروان : بصي من غير مقدمات ولا اي حاجه انا عايز اعترف ليك بحاجه 
مرام : حاجه ليا انا اتفضل حضرتك 
مروان : انا بحبك يا مرام 
مرام : وانا اسفه مليش في الكلام ده 
مروان : انا لسه مكملتش 
مرام : مش عايزه اسمع 
مروان : ليه بس 
مرام : اتقال كتير منه 
مروان : بس انا مش زي الكل ولو سمعتي هتفهمي 
مرام : مش عندي استعداد اسمع وكده يبقي اتخطيت حدودك 
مروان : حتي لو قلت اني عايز اتجوزك 
مرام : ههههههههههههههه حتي دي 
مروان : بتحبي حد تاني ممكن اعرف 
مرام : مش من حقك تسالني اي سوال انت مجرد زميل وبس وياريت نراعي ده 
مروان : وانا بسال عشان عايز ابقي اكتر من مجرد زميل 
مرام : وانا مش هجاوب وهتفضل مجرد زميل 
مروان : كتير قال انك عنيده بس متخيلتش كده 
مرام : وكتير حاول واحسن ليك تبعد 
مروان : طب وليه 
مرام : مش مضطره اقول 
مروان : بس انا ملزم اعرف اظن ابسط حقوق اي حد يترفض يعرف السبب ايه 
مرام : مبفكرش في الارتباط ومش هفكر لو السما انطبقت علي الارض 
مروان : ليه رافضه تدخلي الحب في قلبك ليه بتعاندي نفسك ومش عايزه تحبي 
مرام : اخر حاجه هقولها ولو انه مش من حق مخلوق يعرف ايوه بضحك وبهزر واضحك في وش اصحاب ايوه متفائله لكن في الحب مخصوص اعكس كل ده ميته بالظبط مش هحب ولا هخلي انسان يحبني 
مروان : ازاي مش هتخلي انسان يحبك طب ما انا بحبك 
مرام : انت غبي ايوه غبي تحبني ازاي وانت متعرفنيش ولا اتكلمت معايا بتشوفني كل يوم وايه الفايده من غير حوار تعرف شخصيتي لا كل كلام من اصحابي صح صح 
مروان : الحب ابسط من اي حاجه انتي بتقوليها 
مرام :كان زمان ابسط من اي حاجه دلوقتي لا مش بسيط 
مروان : لا بسيط والدليل اني بحبك 
مرام : ده مش حب فوق لنفسك ومتفكرش اني هحاول حتي افكر فيك 
مروان : متاكد ان فيه سبب لكده 
مرام : سبب مش سبب عرضك مرفوض ومش مسموح النقاش فيه تاني ومشيت 
مروان : مررررررررررررام 
مرام التفتت له 
مروان : انت نصيبي صدقيني  <3 

مروان حاول يعرف ايه السبب وبمساعده الصديق المشترك الي بينهم عرف 
مرام باباها ومامتها شبه منفصلين عايشه كل يوم خناق ومشاكل شايفه الوضع ده كل يوم ازاي تحب وتكره ويكون ليها مشاعر 
بقي اليوم الروتيني ليها تحاول تلطف الجو بين الطرفين 
بتجي الجامعه ترسم وش الضحك وتبان قويه وهي من جواها مكسوره ميه حته بس مش بتضحك علي نفسها لا بالعكس بتحاول تعيش الي مش قادره عليه في بيتها مع اصحابها 
تكره وقت الرجوع للبيت و  تصحي بدري للخروج 
كان الجامعه جنه والبيت هو النار ومش في ايديها تغير الوضع حاولت كتيييير 
بعد كل الي فيها كلمه الحب مستحيل تحس بيها او تامن لاي ولد يقولها 

مروان عرف بعد صعوبه لان حاجه زي دي مش من السهل يعرفها عرفها من اقرب صاحبه لمرام وكان بياكد ليها انه مش هيسبهاو انه هيتجوزها 
مروان فكر يعمل اي حاجه يثبت ليها انه بيحبها فعلا ان مش كل الرجاله زي والدها ولا كل الي يتجوز هيقضي وقته كله خناق 

عمل تيشرت مكتوب عليه انتي نصيبي ومشي بيه في الجامعه طبعا الكل استغرب بس مرام الوحيده الي كانت فاهمه ان الكلمه دي ليها 
ومهتمش 
خلي مشروع التخرج بينهم يكون ليهم الاتنين ودي فرصه يكون جمبها يمكن يحاول حتي من تصرفاته يثبت ليها حاجه 
وفي مره كلمها 
مروان : انت عارفه ايه الطيبون للطيبات 
مرام : ايوه طبعا اعرفها 
مروان :  طيب وده مش كلام ربنا 
مرام : ايوه وعارفه تقصد ايه وده فعلا بقي الطيبون للطيبات بس في حاجه اسمها ابتلاء تسمع عنه 
مروان : ايوه طبعا 
مرام : يعني انت ممكن يكون ابتلائك زوجه غير صالحه 
مروان : لو ابتلاء الصبر هو الحل 
مرام : ايوه طبعا 
مروان : وانت ليه مش عايزه تجربي حتي يمكن ميكونش الي في دماغك 
مرام : هههههههههههههه لا مبحبش اخاطر 
مروان : ده جبن علي فكره 
مرام : بالنسبه لانسان مجربش يبقي جبن لكن لانسان جرب يبقي اسمه حرص حذر
مروان : الانسان الي جرب المفروض هو الي يكون عنده الامل اكتر ان الي جاي احلي 
مرام : امل يمكن دي اراء 
مروان : مش اراء دي حقيقه 
مرام : راي حضرتك وانت حر فيه 
مروان :  وهيبقي رايك  ان شاء الله وسابها ومشي 

مرام هو ليه مصمم اووي كده 
مروان لمح من عنيها الي كلامها مش قادره تقوله عرف اد ايه هي مكسوره خايفه من ان ايه . ايه فايده الجواز هتنقل من خناق عيلتي لخناقي انا وجوزي 
مروانفي نفسه ( نفسي اعرفك يا مرام انه مش كله كده ان فيه حب وان الانسان لو حب ميخنش ميظلمش يتحمل ويكمل مع حبيبه لاخر المطاف )

وفي لعبه الصراحه سوال مروان كان (انت بتحب ؟)
مروان ايوه بحب احسن واجمل وارق انسانه ايوه خطفت قلبي ايوه بعشق عندها هي كياني كله 
بحبها لدرجه اني مستعد استناه ا العمر كله ومش همل 
بحبها يعني واثق انها هتجبني وهتبقي نصيببي 
بحبها ومش محتاج من الدنيا كلها الا هي يكفيني وجودها وبس 

مرام سوالها (تؤمني بالحب ؟؟)
للاسف لا مفيش حاجه اسمها حب دلوقتي مش عيب في الحب اكتر ما عيب اشخاص وطول ما الناس كده يبقي مفيش حب 

مروان يرد بسرعه : انتي قولتيها طول ما الناس كده يعني الحل انه المفروض تتغير 

مرام : اظن اللعبه سوال واحد 
مروان : ومين قال ان ده سوال في اللعبه  ده الحل 
مرام : الحل 
مروان : الحل انك الحب يرجع ان الناس تتغير كل واحد يغير نظرته ناحيه الحب الحب عطاء بلا مقابل اما لو فكرتي في المقابل يبقي مش اسمه حب وده الي بيحصل دلوقتي 
الي يحب يعمل لحبيبه المستحيل وميستناش مقابل ولا حتي كلمه شكر عمره ما بيحس بتعب علشان عمل شي 
بالعكس قمه المتعه له لانه بيعملها للانسان الي ملك قلبه الي اغلي عنده من نفسه 

مرام :  اتمني ينفع الحل 
مروان : اتمني تكوني اول الي يتغيروا 

مرام رجعت البيت واول مره تفكر في مروان ( وليه بفكر فيه بس كلامه صح المفروض كل واحد يغير رايه ما انا طول عمري متفائله في كل حاجه اشمعنا الحب لا متفائل برده بس اتفائل علي ايه وباابا وماما ومشاكلهم يعني اكيد هكون زيهم بس ليه بحكم علي نفسي زيهم ما هو كل المتجوزين كده لا برده الطيبون للطيبات يووووووووووووه مروان تاني طب مجرب اغير فكري ليه لا وبعدين ولا اي حاجه جربي مش هتخسري )

وقررت مرام تغير فكرها والمشروع كان بيجمعها مع مروان وفضلت زي ما هي في التعامل الفرق غيرت النضاره السوده الي كانت بتشوف بيها الامور 
بدات تشوف مواقف لمروان وافعال واثبتاته والتزامه بدينه وانه حتي مع انه اعترف بحبه الا انه عمره ما تعدي حدوده معاه 
فضل زي ما قالت مجرد زميل 
مروان من جواه الحب مليه كان كله نشاط وحيويه كان الي يشوفه يقول بيحب فعلا لكن مين محدش يعرف 

مشورع التخرج خلص وحفله التخرج الكل موجود 
مروان : يا جماااااااااااااعه انا عايز اقول حاجه انا بعزمكم علي خطوبتي 
الكل التف حولين مروان بيستفسر مين هي 

مرام من الصدمه محستش بنفسها الا وهي بتمشي في الجنينه 

انا مين جبني هنا هو انا مصدومه ليه وهو عادي ميخطب مش انا قلت مش هتجوز 
مش انا رفضته 
مش انا بعدته عني 
ايه ده هو انا بدمع 
طب ليه 
ايوه بحبه ورمت نفسها علي الارض وحطت وشها بين ايديها 
ايوه بحبه ويارتني محبيته يارتني فضلت زي ماا انا 
يارتك مقلت يا مروان العيب في الناس 
ياريتك مقلت غيري رايك والطيبون للطيبات 
ياريتك مقلت الحب موجود بس العيب الناس 

مروان : لا العيب في الناس فعلا 

مرام  ولسه في نفس الوضع : انت مين جابك هنا 

مروان : اختفيت وقلقت عليكي 
مرام : انا كويسه ومفيش حاجه 
مروان : طب ممكن تسيبي ايديكي من علي وشك 
مرام : انا حره امشي وانا هحصلك 
مروان : وحتي وان  قلت اني سمعتك 
مرام : ميهمنيش امشي ومبروك للخطوبه 
مروان : برده لسه عنيده 
مرام : ايوه عنيده 
مروان : وانا لسه زي ما قلت انتي نصيبي 
مرام شالت ايديها : انت بتقول ايه 
مروان مسح دموعها ومد ايده عشان يقومها  : انتي نصيبي وعمري مفكر في غيرك  <3 <3

بلاش نحكم علي الحب من علاقه حد كل علاقه وليها عيوب وحسنات وكل انسان يختلف عن التاني 
بلاش نظلم نفسنا بايدينا خلينا متفائلين احسن 

الحب الي بجد هو الي يكون مختلف عن اي حب اتخلق قبل كده <3


tamtam